Salawaik talam

(Dialiahkan dari Salawaik Talam)

Salawaik Talam adolah kasenian Minangkabau nan banafaskan Islam nan manggunokan talam. Sabananyo caro panyampaian nan lain dari Salawaik Dulang (bahaso Indonesia: Selawat Dulang). Beda panyampaian tu dikaranokan dek pabedaan dialek (ragam bahaso, atau gaya bahaso di caro pakai); pado dialek Payakumbuh jo Pariaman, kato "dulang" disabuik jo "talam". Di Payakumbuh ko, kusuihnyo di Koto Panjang, ado tukang salawaik nan tadiri dari tigo urang sakalompok. Di Pariaman, kalompok salawaik talam dapek dicari di Toboh jo di Kampung Dalam.[1] Kasenian iko dapek ditamui di daerah Tanah Data, Solok jo Padang Pariaman.

Mamainkan salawaik talam

Guno talam dalam kasenian iko adolah untuak dipukua mangiriang lagu dikia (dzikia). Babarapo urang manyabuik kasenian iko kasenian dzikia. Dzikia barasal dari bahaso Arab zikir nan artinyo maingek Allah SWT.[2]

Caro main salawaik talam suntiang

Pamain duduak baselo dilantai bakasua sambia malatakan talam diateh pahonyo. Tangan kanan digunoan untuak mamukua talam, tangan kiri mamacik bibia talam. Pamain salawai talam malenggokan badan ka suok jo ka kida sambia mamukua talam. Dalam ciek kalompok ado duo atau tigo urang pamain salawaik talam.

Rujuakan suntiang

  1. Amir, Adriyetti. Dkk (2006). Pemetaan Sastra Lisan Minangkabau. Padang: Andalas University Press. hlm. 77. ISBN 979-1097-08-9.
  2. Alat Musik Tradisional Minangkabau. Proyek Pengembangan Permuseuman Sumatera Barat. 9 Maret 1983.