SMA Negeri 1 Tilatang Kamang

SMA Negeri 1 Tilatang Kamang adolah salah satu sikolah manangah ateh negeri nan talatak di Pekan Kamis, Nagari Koto Tangah, Kecamatan Tilatang Kamang, Kabupaten Agam. Samo jo SMA pado umumnyo di Indonesia maso pandidikan sikolah di SMA Negeri 1 Tilatang Kamang ditampuah dalam wakatu tigo tahun pelajaran, mulai dari Kelas X sampai Kelas XII.

SMAN 1 Tilatang Kamang basamo SMAN 1 Bukittinggi, SMAN 2 Bukittinggi, SMAN 3 Bukittinggi, SMAN 1 Ampek Angkek, SMAN 1 Kamang Magek, SMAN 2 Lubuk Basung, SMAN 1 Padang Panjang, SMAN 1 Suliki, SMAN 1 Harau, dan SMAN 1 Payakumbuh nan tagabuang dalam Cluster 1 ditatokan manjadi sikolah piloting Kurikulum 2013 sajak mulo palaksanaannyo.

Sijarah

SMA Negeri 1 Tilatang Kamang didirian pado tahun 1982 nan marupoan Kelas Jauah (KJ) dari SMA Negeri 1 Bukittinggi. Bamulo dari tahun 1977 batampek di SMP Negeri Tilatang Kamang, lahialah ide untuak mandirikan sabuah SMA Negeri di Kecamatan Tilatang Kamang, pamikiran iko muncua karano daya tampuang SMA Negeri nan ado di Kota Bukittinggi indak mampu lai manampuang tamatan siswa SMP nan ado di sakitar kota Bukittinggi.