Rustam Sutan Palindih
Rustam Sutan Palindih (ejaan lama: Roestam Sutan Palindih, lahia 1898 - maningga 5 Juni 1971) adolah saurang sutradara jo panulih skanario Indonesia.
Rustam Sutan Palindih | |
|---|---|
 Rustam pado taun 1954 | |
| Lahia | 1898 |
| Maningga | 5 Juni 1971 (umua 73) |
| Karojo |
|
Riwayaik hiduik
suntiangRustam lahia di Fort de Kock, Hindia Balando (kini Bukittinggi, Indonesia) pado taun 1898.[1] Inyo manyalasaian pandidikannyo di babagai kota, antaro lain di Batavia (kini Jakarta), Banduang, Padang, jo Medan.[2] Pado taun 1920-an sampai 1930-an, Rustam bakarajo di babagai tampek, tamasuak sabagai pamilik toko ketek jo batani. Inyo akhianyo bakarajo di bidang jurnalistik jo sastra. Inyo bakarajo di Balai Pustaka jo mangapaloi surek kaba Neratja.[2] Dari taun 1933 sampai 1938, inyo manjadi anggota dewan politik pribumi, nan sacaro vokal manantang kahadiran pamarentah kolonial Balando di Hindia.[3]
Karier perfilman
suntiangRustam mulai tajun ka industri film lokal pado taun 1940-an, barawal jo manulih novelisasi film karya Tan Tjoei Hock jo Soeska.[2][4] Satalah Kakaisaran Japang manduduki Hindia Balando pado tahun 1942, inyo bakolaborasijo tantaro Japang dalam mambuek film propaganda pendek bajudul Di Desa jo Di Menara untuak studio Nippon Eigasha.[5][6] Salamo maso Revolusi Nasional Indonesia (1945–1949) satalah Japang manyarah, Rustam manyutradarai sabuah film layar gadang bajudul Air Mata Mengalir di Tjitarum pado taun 1948, nan marupokan film partamo nan dibintangi dek Sofia WD.[5][7] Karya tarakhir Rustam di dunia perfilman, yaitu sabuah naskah bajudul Terang Bulan, difilmkan pado taun 1950 jo disutradarai dek Mustadjab. Film tu dibintangi dek Sofia jo Rd Mochtar, nan mancaritoan tantang duo anak mudo nan dipisahan dek kajahatan, parang, jo keluarga, nan akhianyo bisa basatu baliak.[7]
Pado taun 1950-an, salapeh kamerdekaan Indonesia diakui, Rustam labiah banyak manjadi saurang dokumenter sastra, maskipun anyo taruih manabikan babarapo karya nan takaik jo film.[2] Inyo manulih topik-topik nan bakaitan jo politik negara sarato mamfilmkan carito rakyat Lutung Kasarung.[4] Inyo maningga dunia pado taun 1971 akibek sakik salamo bataun-taun.[1]
Filmografi
suntiangRustam manyutradarai duo film propaganda singkek sarato ciek film layar gadang. Inyo manulih sabanyak ampek film:[8][5]
- Di Desa (1943; film singkek) – sutradara jo panulih skanario
- Di Menara (1943; film singkek) – sutradara jo panulih skanario
- Djatoeh Berkait (1944) – sutradara jo panulih skanario
- Air Mata Mengalir di Tjitarum (1948) – sutradara jo panulih skanario
- Terang Bulan (1950) – Carito
Rujuakan
suntiangCatatan kaki
- ↑ a b Eneste 2001, hlm. 203.
- ↑ a b c d Filmindonesia.or.id, Rustam Sutan Palindih.
- ↑ Abdullah 2009, hlm. 96.
- ↑ a b WorldCat, Rustam Sutan Palindih.
- ↑ a b c Filmindonesia.or.id, Filmography.
- ↑ Biran 2009, hlm. 319, 332.
- ↑ a b Filmindonesia.or.id, Air Mata Mengalir.
- ↑ Filmindonesia.or.id, Roestam St Palindih.
Daftar pustaka
- Abdullah, Taufik (2009). Indonesia: Towards Democracy. Singapore: Institute of Southeast Asian Studies. ISBN 978-981-230-366-0. https://books.google.com/books?id=c39TDpLki8wC.
- "Air Mata Mengalir di Tjitarum". filmindonesia.or.id (dalam bahasa Indonesia). Jakarta: Konfidan Foundation. Diarsipkan dari versi asli tanggal 2 Desember 2013. Diakses tanggal 9 Januari 2024.
- Biran, Misbach Yusa (2009) (dalam bahaso Indonesia). Sejarah Film 1900–1950: Bikin Film di Jawa. Jakarta: Komunitas Bamboo working with the Jakarta Art Council. ISBN 978-979-3731-58-2.
- Eneste, Pamusuk (2001) (dalam bahaso Indonesia). Buku Pintar Sastra Indonesia (edisi ke-3rd). Jakarta: Kompas. ISBN 9789799251787.
- "Roestam St Palindih | Filmografi" [Roestam St Palindih | Filmography]. filmindonesia.or.id (dalam bahasa Indonesia). Jakarta: Konfidan Foundation. Diarsipkan dari versi asli tanggal 16 April 2014. Diakses tanggal 9 Januari 2024.
- "Rustam Sutan Palindih" [Rustam Sutan Palindih | Filmography]. filmindonesia.or.id (dalam bahasa Indonesia). Jakarta: Konfidan Foundation. Diarsipkan dari versi asli tanggal 22 Februari 2014. Diakses tanggal 9 Januari 2024.
- "Rustam Sutan Palindih". WorldCat (dalam bahasa Indonesia). Diarsipkan dari versi asli tanggal 23 Juni 2022. Diakses tanggal 9 Januari 2024.
- "Rustam Sutan Palindih | Filmografi" [Rustam Sutan Palindih | Filmography]. filmindonesia.or.id (dalam bahasa Indonesia). Jakarta: Konfidan Foundation. Diarsipkan dari versi asli tanggal 16 April 2014. Diakses tanggal 9 Januari 2024.
Pautan lua
suntiang- (Inggirih) Roestam Sutan Palindih pado Internet Movie Database.