Rumah Gadang Sangkak Karojan
Rumah Gadang Sangkak Karajoan adolah sabuah rumah gadang nan barado di Nagari Aie Amo, Kecamatan Kamang Baru, Sumatera Barat. Rumah Gadang iko tamasuak kadalam benda cagar budaya. [1]Bangunan Rumah Gadang iko babantuak rumah panggung nan ditopang 20 tiang badiameter rato-rato 16 cm. Tiang tabuek dari kayu Jua/Juar (namo Latin Senna siamea) dan tagak di ateh batu sandi. Sacaro umum bangunan mamiliki ukuran 5,5, m x 8,6 m jo laweh 47,3 m². Tinggi bangunan hinggo puncak gonjong mancapai 8 m.Tadapek duo jendela pado sisi muko bangunan jo duo pintu pado sisi muko dan kiri bangunan atau arah Utara bangunan. Untuak akses manuju bangunan manggunokan pintu sampiang nan dilengkapi jo tanggo kayu. Sacaro umum konstruksi pambantuak struktur rumah gadang mirip jo sistem konstruksi rumah gadang umumnyo.[2][3]
| Rumah Gadang Sangkak Karojan | |
|---|---|
| Namo sasuai jo Sistem Registrasi Nasional Cagar Budaya | |
 Rumah Gadang Sangkak Karojan | |
 Cagar budaya Indonesia | |
| Paringkek | Kabupaten |
| Kategori | Bangunan |
| Lokasi | Nagari Aia Amo, Kabupaten Sijunjung |
| Taun panatapan | 30 Desember 2020 |
| Pamiliak | Pemerintah Kabupaten Sijunjung dab BPCB Sumbar  Indonesia |
| Pangalola | Pemerintah Kabupaten Sijunjung dab BPCB Sumbar |
| Koordinat geografi | 0°44′03″N 101°15′48″E / 0.7342388°N 101.2633152°E |
Kaunikan
suntiangBangunan Rumah Gadang Kerajaan Sangkak Karojan beratok gonjong khas rumah gadang Minangkabau jo duo gonjong. Material atok manggunokan bahan seng jo dindiang papan dipasang tagak hinggo lambai-lambai (lambak/les) jendela, kamudian dindiang dipasang rabah. Sedangkan pado sisi kanan bangunan atau sisi Barat, dindiang papan dipasang marabah kasaluruhan. Dindiang tagak dipasang pado bagian singok/sagitigo loteng jo sayok singok. Pado bagian pereng dibantuak dari kayu babantuak jumbai nan marunciang ka bawah. Pado bagian balakang tadapek bangunan nan bahubungan jo bangunan utamo, bangunan tasabuik difungsikan sabagai dapua.[2]
Kerajaan Sangkak Karojan
suntiangKerajaan Sangkak Karojan Sumua nan Janiah 14 Koto barado di Nagari Aie Amo Kecamatan Kamang Baru. Konon, nenek moyang Nagari Aie Amo barasa dari Tanah Suci nan balayar malalui Lauik Merah, Lauik Siguntang-guntang sampai di Palembang lalu ka Batang Hari, Jambi dan taruih ka Batang Kuantan jo Batang Binuang. Ninik yang di ateh itu adolah Dt. Andiko Rajo, Dt. Rajo Lelo Katik (Kotik Bandaro) dan rombongan. Pertamo kali nyo manetap di suatu daerah katinggian nan banamo Rumah Tinggi, jo batambahnyo anggota keluarga mako manyebarlah mereka sampai ka 14 koto yaitu: limo koto di mudiak, ampek koto di tangah dan limo koto di hilie. Ikolah kamudian nan manjadi wilayah Kerajaan Sangkak Karojan Sumua nan Janiah 14 koto. Sumua nan janiah bararti satiok pasalisihan nan indak bisa disalesaikan di koto masiang-masiang mako disalasaikan/dijaniahkan, istilah satampek manyabuiknyo sabagai kagiatan barapek kauah atau bakauah bamusyawarah di Rumah Gadang Kerajaan Sangkak Karojan ko. Rumah Gadang iko alah indak dihuni lai dan tarakhir dipakai Tahun 2012.[3][2]
Rujukan
suntiang- ↑ "Pelestarian Benda Cagar Budaya Untuk Peningkatan Ekonomi". Website Resmi Pemerintah Kabupaten Sijunjung (dalam bahasa Indonesia). Diarsipkan dari versi asli tanggal 2022-11-24. Diakses tanggal 2022-11-24.
- ↑ a b c Yuandha, Ade (2021-11-30). "Sejarah Cagar Budaya Rumah Gadang Kerajaan Sangkak Karojan di Kabupaten Sijunjung". Halonusa.com (dalam bahasa Indonesia). Diakses tanggal 2022-11-24.
- ↑ a b "Rumah Gadang Kerajaan Sangkak Karojan Sijunjung - Informasi Situs Budaya Indonesia Rumah Gadang Kerajaan Sangkak Karojan Sijunjung". Informasi Situs Budaya Indonesia (dalam bahasa Indonesia). 2018-10-18. Diakses tanggal 2022-11-24.