Rumah Gadang Rajo Babandiang
Rumah Gadang Rajo Babandiang marupoan rumah gadang kasalarehan Bodi Chaniago nan banyak ado di Luhak Limapuluh Kota.[1] Dinamoi rajo babandiang karano ado ruangan tambahan di bagian tapi nan basabalahan, tapi indak simestris dan agak manyuruak ka balakang. Pemasangannyo saderet jo tonggak tambahan nan disabuik jo iang babisiak mambuek ruangan tu agak manyuruak ka balajang hinggo dinamoan jo rumah gadang bapaserek.
Namo lain dari rumah gadang iko adolah rumah gadang bagonjong limo. Disabuik mode tu dek karano ado limo gonjong di atoknyo. Sabananyo gonjong nan kalimo marupoan gonjong tambahan dari hasia tiang babisiak tadi. Pado umumnya pintu masuak talatak di sampiang, antaro ruang bergonjong kaampek jo kalimo.