Rumah Gadang Kampai Nan Panjang

Rumah Gadang Kampai Nan Panjang iolah salah satu paninggaan niniak moyang kito nan masih tajago sarato ndak barubah-rubah sampai kini. Rumah Gadang Kampai Nan Panjang ko dikenal juo jo namo Rumah Tuo Kampai Nan Panjang. Kini ko Rumah Tuo Kampai Nan Panjang jadi bangunan cagar budaya nasional atau tujuan wisata budaya. Rumah gadang ko tacatat sabagai salah satu rumah paliang tuo di Minangkabau nan dibangun sakitar abaik ka 16.

Rumah Tuo Kampai Nan Panjang ko talatak di Kabupaten Tanah Datar, kiro-kiro 13 km dari Batusangka. tapeknyo di Nagari Belimbing, Kecamatan Rambatan, Kabupaten Tanah Datar, Sumatera Barat.

Ado ciri khas rumah gadang ko yang sangaik unik iolah pintu kamarnyo nan babantuak oval sarato banyak kamarnyo ado tujuah kamar, iko ko manandoan jumlah padusi nan tingga di rumah gadang ko ado tujuah urang. Salain bantuak jendela kamar nan oval tu, pintu rumah gadang ko labiah unik lo lai, karano pintunyo ndak mamakai engsel na tabuek dari basi tu doh. Jadi supayo pintu bisa tatutuik jo tabuka nan digunoan tu poros yang dibuek dengan caro melubangi kayu. Keunikannya ndak baranti di situ se doh karano rumah gadang ko ndak ado ciek alahnyo makai paku gai doh, nan dipakai tu pasak-pasak na kuaik sebagai pangganti pakunyo. Dibaliak sado keunikan nan lah ditarangan tu Rumah Gadang Kampai Nan Panjang ko salamo baratuih tahun mampu mampartahanan eksistensinyo.