Rooslila Tahir
Wartawati & Budayawan
Rooslila Tahir lahia di Kotaraja Aceh tanggal 3 November 1927. Maningga dalam umua 82 tahun. Amaknyo barasal dari Nareh Pariaman, sadangkan Apaknyo barasal dari Tapanuli Tengah. Sajak zaman Balando kaduo urang tuonyo menetap di Aceh. Tahir indak namo apaknyo, tetapi adolah namo lakinyo yaitu Achmad Tahir saurang pejuang kemerdekaan perwira Tinggi Angkatan Darat yang parnah manjabaik di Angkatan maupun pemerintah sipil. Beliau parnah manjabaik sabagai Kapalo Staf Komando Sumatera yang bamarkas di Lubuk Sikaping Bonjol, Menteri Perhubungan dan manjadi duta besar dibarbagai negara Eropa.[1]
Rooslila sajak gadihnyo maikuik ayahnyo pindah ka kota Medan. Sajak tahun 1944-1945 Rooslila basakolah di Akademi Wartawan di kota itu. Sahinggo inyo bisa ditarimo sabagai reporter dan sekretaris pribadi dek Djamaluddin Adinegoro nan sangkek itu manjabaik sabagai pamimpin koran "Soematra Shinbun". Disikolah ibu Roos mamacik paranan sabagai redaktur tatap.
Didunia Kesenian dan Kebudayaan, ibu Roos aktif dalam bidang Seni Teater, Seni Paduan Suaro dan Seni Lukih sahinggo inyo tapilih sabagai anggota panguruih dan dewan penyantun institut kesenian Jakarta. inyo pun pernah mandapek panghargoan untuak kalompok paduan suaro "Irama Nusa". Untuak organisasi minang inyo pernah lo mandapek kapicayoan untuk manjabaik sabagai ketua bidang Kebudayaan/Agama dan Sosial "Lembaga Gebu Minang".