Ronggeng Pasaman marupokan sabuah kesenian rakyat nan bakambang di Mandailing, Kecamatan Duo Koto Pasaman, Sumatera Barat. Kesenian Ronggeng Pasaman, dipentaskan dalam bantuak tradisi lisan nan dikolaborasian jo pantun rakyat sarato diiriangi musik jo tarian. Fungsi dari kesenian iko adolah, sabagai sarana hiburan. Ronggeng Pasaman dipentaskan dalam acara adaik sarupo, panggantian kapala nagari. Sadangkan untuak acara hiburan. sarupo, parkawinan, khitanan, turun mandi anak, jo acara pesta lainnya. Partunjuakan kesenian Ronggeng Pasaman biasonyo dipentaskan di lapangan tabukak nan dilakuan pado malam hari, jo parituangan durasi ± 6 jam.[1]

Kesenian iko marupokan kagiatan babaleh pantun dalam bantuak nyanyian jo iriangan musik jo tarian. Alaik musik pandukuang kasenian iko diantaronyo biola, gitar, rebana, jo tamburin. Ronggeng Pasaman dimainkan minimal sambilan urang nan tadiri dari ciek urang ronggeng, tigo urang panampil laki-laki jo limo pamain musik. Saurang ronggeng baperan mandendangkan pantun-pantun dalam partunjukan. Sahinggo, saurang ronggeng adolah urang nan mahir jo ahli dalam bapantun. Salain itu, baliau harus basadio bapanampilan sarupo padusi dan biasonyo mampunyoi paga diri (ilmu batin penjago diri). Paga diri diparalukan untuak mamastian kaamanan katiko sadang tampil dima pun.[2]

Dalam partunjuakannyo, saurang ronggeng didampiangi satidaknyo tigo panampil laki-laki. Ciek dari tigo panampil batugas mambaleh pantun nan disampaikan ronggeng, samantaro duo urang lainnyo mangawanan sambia manari. Panampil laki-laki bebas darima sajo, tamasuk dari kalangan penonton, tidak harus ahli dalam berpantun dan biasanya bertugas secara bergiliran. Pamain musik tadiri dari limo urang yoitu ciek urang pamain biola, duo urang pamain gitar, saurang pamain rebana jo saurang lai pamain tamburin.[3]

Sijarah suntiang

Ronggeng Pasaman adolah genre sastra lisan nan spesifik dari Pasaman nan marupokan sabuah sastra lisan Minangkabau. Rongeng Pasaman mampunyoi hubuangan jo Ronggeng nan ado di Jawa. Dulunyo, Ronggeng dibaok dari Jawa dek tentara Balando untuak mahibur para pekerja di perkebunan karet. Kamudian samakin lamo, alah manjadi ciri khas masyarakaik Pasaman.[1][2]

Rongeng Pasaman adolah tarian tradisional Minangkabau nan dibaokan dek panari laki- laki nan didandani sarupo padusi. Tarian iko diiriangi dek dendangan pantun nan dinyanyian sambia manari. Sakurang-kurangnyo pamain dalam sabuah partunjuakan Ronggeng adolah ampek urang, ciek urang sabagai ronggeng, tigo urang sabagai panari laki-laki nan diiriangi dek limo urang pamusik.[3]

Partunjuakan suntiang

Unsur nan madukuang terlaksananyo pamentasan Ronggeng Pasaman, tabagi manjadi tigo bagian. Bagian partamo, adolah pemantun atau biasa disabuik ronggeng, nan tadiri dari ciek urang. Pemantun adolah saurang laki-laki nan didandani sarupo padusi (travesti). Bagian kaduo adolah, panampil laki-laki nan tadiri dari tigo urang atau labiah. Panampil laki-laki mampunyoi tugas sabagai pandampiang pemantun nan barasal dari panonton. Salah surang panampil laki-laki tasabuik baperan sabagai pambaleh pantun, yang lainnyo manari maikuikan irama musik. Jikok indak dapek mambaleh pantun, mako dapek batanyo kapado panonton lainnyo. Panonton buliah mambisiakan kapado pamain balasan pantun tasabuik. Bagian katigo adolah, pamain musik nan tadiri dari limo urang. Alaik musik nan digunoan adolah biola, gitar, rebana, jo tamburin. Adopun gambaran komposisi pamain jo alaik musiknyo yoitu saurang pamain biola, duo urang pamain gitar, saurang panokok rabana, jo saurang lagi pemukul tamborin. Pemain musik bertugas mengiringi pemantun dan penampil laki-laki yang bersahut-sahutan mandendangkan pantun-pantun nan dilaguan.[2][1]

Kostum nan digunoan saurang pamantun tadiri dari kebaya jo kain saruang sarato salendang nan dililikan di badan atau dikaruduangan di kapalo. Bagi panampil laki-laki jo pamain musik biasonyo mamakai pakaian biaso sahari-hari sarato ado kalanyo mamakai salendang nan diselempangkan di badan. Namuun pado maso kini panampil laki-laki jo pamain musik alah diagiah kostum pentas seragam supayo taliek rapi.[1][4]

Rujuakan suntiang


  1. a b c d "Kesenian Ronggeng Pasaman Sumatera Barat". GPS Wisata Indonesia (dalam bahasa Inggris). Diakses tanggal 2020-06-16. 
  2. a b c firdausmarbun (2019-07-19). "Ronggeng Pasaman; Potret Perpaduan Beda Budaya". Balai Pelestarian Nilai Budaya Sumatera Barat (dalam bahasa Inggris). Diakses tanggal 2020-06-16. 
  3. a b firdausmarbun (2019-07-17). "Belajar Bersama Maestro Ronggeng Pasaman". Balai Pelestarian Nilai Budaya Sumatera Barat (dalam bahasa Inggris). Diarsipkan dari versi asli tanggal 2020-06-16. Diakses tanggal 2020-06-16. 
  4. KlikPositif. "Kesenian Ronggeng Pasaman Barat yang Perlu Dilestarikan | KlikPositif.com - Media Generasi Positif". Kesenian Ronggeng Pasaman Barat yang Perlu Dilestarikan | KlikPositif.com - Media Generasi Positif (dalam bahasa Indonesia). Diarsipkan dari versi asli tanggal 2020-06-16. Diakses tanggal 2020-06-16.