Rohana Muthalib
Rohana Muthalib (Sumatera Barat, 29 April 1900 — Jakarta, 7 April 1983) adolah saurang ahli kacantikan padusi nan manjabaik sabagai Wali Kota Pontianak dari tahun 1952 hinggo 1956.
Sabalun diangkek sabagai Wali Kota Pontianak, inyo bakarajo sabagai ahli kecantikan. Inyo lulus dengan gelar tata rias dari Cor van der Leeuw Institute.[1] Dirinyo manjadi urang Indonesia patamo nan manjadi ahli kosmetik sasudah lulus.[2]
Kahidupan pribadi
suntiangRohana marupoan anak dari Datuk Mangkuto Sati jo Siti Sawiyah asal Minangkabau. Sang ayah parnah manjadi asisten demang Onderdistrik Baso.[3]
Inyo manikah jo Ir. Abdul Muthalib. Parnikahan tersebut manghasilkan limo (5) urang anak nan banamo Iwan, Win, Nani Razak, Achy, dan Basje.[1]
Wali Kota Ponitanak
suntiangInyo diangkek manjadi Wali Kota Pontianak dek Menteri Dalam Negeri Mohammad Roem pado 1952 jo manjabaik salamo ampek tahun sampai 1956.[4] Inyo manjadi wali kota padusi nan ditunjuak salamo maso Roem saduah Wali Kota Manado Augustine Magdalena Waworuntu.[5] Dirinyo marupoan wali kota padusia patamo nan manjabaik sabagai Wali Kota Pontianak.[6]
Salamo mamimpin Pontianak, Rohana dipuji Roem dek mamelokan masalah ringan tapi signifikan di kota takah masalah sampah jo lubang.[5] Inyo dikabarkan dalam suatu kesempatan maabihan pitih Rp250.000 untuak parpanjangan salapan jalan utamo dalam kota, parbaikan jambatan, hinggo parbaikan trotoar.[7]
Salamo maso jabatannyo, inyo manghadapi protes dari serikat pekerja nan baafliasi jo Sentral Organisasi Buruh Seluruh Indonesia.[5] Serikat buruh manuntuik kanaikan gaji. Namun — takah nan dijalehan Roem — inyo manangani para pangunjuk raso takah "anak-anaknyo surang" jo berhasil mamenuhi parmintaan tersebut.[8]
Pado 1954, inyo maadoan pameran pers patamo di kota itu. Pameran nan disalanggaroan dek koran Pembangunan iko manampilkan ribuan terbitan harian jo majalah.[9]
Inyo mamulai program untuak manyadioan aia barasiah bagi kota tersebut pado akhir tahun 1955 hinggo 1956, yaitu marujuak pulo pado akhir masa jabatannyo itu.[10]
Akhia kahidupan
suntiangSasudah pangunduran dirinyo dari jabatan wali kota, inyo manyatoan bahaso labih mudah duduak di salon kecantikan daripado duduak sabagai wali kota.[8]
Sajak 1978, inyo manjalani babarapo kali parawatan di rumah sakit dek komplikasi.[10] Inyo wafat pado tanggal 7 April 1983 pukul 23.00 WIB di Jakarta. Dirinyo dimakaman di sabuah pamakaman di Bogor nan banamo Taman Pemakaman Umum (TPU) Blender.[1]
Panghormatan
suntiangAula utamo di Badan Perencanaan Pembangunan Daerah Kota Pontianak dinamaoan sabagai "Muthalib," nan tainspirasi dari namo balakangnyo atau namo kaluargo suaminyo.[6]
Referensi
suntiang- ↑ a b c Roem, Mohammad (1989). Diplomasi Ujung Tombak Perjuangan RI. Jakarta: Gramedia. p. 362. ISBN 9789794036297. https://books.google.com/books?id=5N8LAAAAIAAJ.
- ↑ Roem, Mohammad (1989). Diplomasi Ujung Tombak Perjuangan RI. Jakarta: Gramedia. p. 363. ISBN 9789794036297. https://books.google.com/books?id=5N8LAAAAIAAJ.
- ↑ https://khastara.perpusnas.go.id/uploads/opac/424011_SOEARA_RAKJAT_PADANG_1914_November_23_Tahun_02_No__001.pdf
- ↑ Suwondo, Nani (1968) (dalam bahaso id). Kedudukan wanita Indonesia dalam hukum dan masjarakat. Jakarta: Timun Mas. p. 104. https://books.google.com/books?id=pFUiAAAAMAAJ&q=Rohana+Muthalib.
- ↑ a b c Roem, Mohammad (1989). Diplomasi Ujung Tombak Perjuangan RI. Jakarta: Gramedia. p. 364. ISBN 9789794036297. https://books.google.com/books?id=5N8LAAAAIAAJ.
- ↑ a b Gunawijaya, Rahmat (14 April 2020). "Suara dan Kiprah Perempuan Dalam Politik di Provinsi Kalimantan Barat". Raheema. 6 (1): 3. Diakses tanggal 23 December 2020.
- ↑ "Verbinding Pulau Seribu: Burgemeester Sudiro opent geregelde eilandendienst". Java-bode. Pontianak. 18 March 1954. Diakses tanggal 23 December 2020.
- ↑ a b Roem, Mohammad (1989). Diplomasi Ujung Tombak Perjuangan RI. Jakarta: Gramedia. p. 365. ISBN 9789794036297. https://books.google.com/books?id=5N8LAAAAIAAJ.
- ↑ "Officieren naar V.S." Java-bode. Pontianak. 23 August 1954. Diakses tanggal 23 December 2020.
- ↑ a b Roem, Mohammad (1989). Diplomasi Ujung Tombak Perjuangan RI. Jakarta: Gramedia. p. 366. ISBN 9789794036297. https://books.google.com/books?id=5N8LAAAAIAAJ.