Roestam Effendi
Roestam Effendi (lahia di Padang, Sumatera Barat, 13 Mei 1903 – maningga di Jakarta, 24 Mei 1979 pado umua 76 taun) adolah surang sastrawan Indonesia sarato tokoh pagarakan kamardekaan Indonesia asa Minangkabau. Kabaradoannyo dalam khasanah sastra Indonesia cukuiklah pantiang. Sumangaik palawanan kapado pamarentah panjajahan dituangannyo dalam panulihan sajak jo drama nan basifaik metaforik, nan manjadi pambaharu dalam gaya. Baliau adolah urang Hindia-Balando partamo nan manjadi anggota parlemen Balando (Tweede Kamer).[1]
Roestam Effendi | |
|---|---|
 | |
| Lahia | 13 Mei 1903 |
| Maningga | 24 Mei 1979 (umua 76) |
| Kabangsaan |  Indonesia |
| Karojo | Sastrawan |
| Anak | Tammy Effendi |
| Urang tuo | Soelaiman Effendi jo Siti Sawiah |
Riwayaik
suntiangRoestam laia dari pasangan Soelaiman Effendi jo Siti Sawiah. Ayahnyo adolah surang fotografer, nan kudian pindah ka Jakarta lalu mandirian Effendi Bank.[2] Roestam tamatan Sakola Rajo (Kweekschool) Bukittinggi nan kudian malanjuik-an sakolanyo di Hogere Kweekschool voor Indlanse Onderwijzers (Sakola Guru Tinggi untuak Guru Bumiputra) di Banduang. Pado taun 1926 baliau pai ka Balando untuak malanjuik-an pandidikan Hoofdakte. Sajak masih duduak di bangku sakola, Roestam alah banyak manaruah minaik pado soal-soal kabudayoan sarato pernah bacito-cito nak mampabarui dunia sandiwara nan katiko itu labiah basifaik komedi stambul.
Karya
suntiang- Revolusi Nasional (Juli, 1947)
- Sedikit Penjelasan Tentang Soal-Soal Trotskysme (April, 1947)
- Soal-Soal di Sekitar Krisis Kapitalis (Mei, 1947)
- Soal-Soal Mengenai Sistem Kapitalis (December 1947)
- Pidato-Pidato Tentang Soal-Soal Negara Demokrasi dan Diktatur Proletar (April, 1948)
- Demokrasi dan Demokrasi (December, 1949)
- Strategi dan Taktik (Juni, 1950)
- Percikan Permenungan, kumpulan puisi nan pernah dimuat majalah Asjraq, Padang (1926)
- Bebasari, naskah drama tigo babak (1926)
- Van Moskow naar Tiflis: mijn reis door de nationale Sowjet-republieken van de Kaukasus (Amsterdam, 1937, ditulih dalam bahaso Belanda)
- Indonesia Vrij (Amsterdam, 1940, ditulih dalam bahaso Belanda)
- Recht voor Indonesië!: een beroep op democratisch Nederland (1937, ditulih dalam bahaso Belanda)
- Quo vadis Nederland? (Blaricum: Alcoholstichting Blaricum, 1945, ditulih dalam bahaso Belanda)
Rujuak-an
suntiang- ↑ (Indonesia) Biografi Roestam Effendi di Laman Pusat Bahasa[pranala nonaktif permanen]. Diakses 27 Oktober 2011
- ↑ Sejarah Kecil Vol. 4, Rosihan Anwar, Kompas Gramedia, 2010
Pautan lua
suntiang- Mengenang Sastrawan Rustam Effendi Catatan Pinggir Tempo, 2 Juni 1979
- Geliat Rustam Effendi. Diakses pada tanggal 27 Oktober 2011 Archived 2013-02-26 di Wayback Machine.