Rimbang

Rimbang – adolah jenis taruang-taruangan nan mampunyoi buah nan dimanfaik an untuk bumbu masak jo sayua. Rimbang  ko terkenal dek namo turkey berry.  Nan dimano mamiliki raso paik, nan tanyato raso  paik di rimbang tu  mampunyoi manfaik bagi kesehatan . Buah rimbang atau cepoka mempunyoi ukuran sagadang kalereng . warno buah rimbang ko hijau mudo nan mancolok. Buah rimbang ko bisa mampalanca paredaran darah nan elok untuak tubuah karano bisa maindaan banyak panyakik seperti sakik jantuang, stroke, jo panyakik tekanan darah tinggi.

Klasifikasi Ilmiahnyo Rimbang sebagai barikuik :

Rimbang tamasuak  ka dalam kerajoan Plantae.

Ordo : Solanales

Rimbang

Famili : Solanaceae

Genus : Solanum

Jenis : Solanum torvum swartz.

Panjalehan Buah Rimbang

Rimbang adolah sajenis tanaman samak ketek yang tingginyo bisa mancapai 5 meter-an. kasado bagian tanaman rimbang  tu mampunyoi duri, kacuali buahnyo sajo yang babulu. Bantuak daunnyo bulek talua jo pangka sarupo jantuang pisang jo diujungnyo bulek (tumpua). Panjang daunnyo 7-20 cm jo taba antaro 4-18 cm.  Bungo rimbang mamiliki jumlah nan banyak dengan bantuak serupo bintang dengan warna putiah jo saketek  kuniang di bagian tangahnya. Ukuran buahnyo ketek, jumlahnyo buahnyo banyak (bagerumpuak). Panyabarannyo di daerah tropis jo Antilla. Tanaman ko bisa tumbuah lia di rimbo, dataran randah, sampai kadataran tinggi. Untuk pananaman tumbuhan rimbang ko labih ancak dilakuan pado saaik musim kamarau tapi bisa juo pado saaik musim panghujan.

Buah rimbang ko mampunyaoi raso nan cukuik paik, tentunyo mambuek urang banyak nan indak suko. Mangkonyo  untuk menyiasati raso paiknyo, buah tu ocok dicampuan dalam sup jo toco. Babeda manfaik rimbang dimasak an samo rimbang tu di makan matah. Labiah tinggi kasiatnyo dimakan matah.   Pohon rimbang ko terkenal dek ketahanannyo terhdap penyakik, biaso dipagunoan dek para petani sabagai batang bawah tanaman taruang dek ketahanannyo. Ndak ado batasannyo untuak urang tuo jo mudo untuak mamakannyo. Samo orang Tapanuli, rimbang ko dimanfaik an jadi bahan sayua pucuak ubi tumbuak, samantaro dalam masakan sunda sering dijdian lalap samo sayuran.

Namo Lain Buah Rimbang

Buah rimbang tanyato ndak hanyo mampunyoi satu namo sajo,ado banyak namonyo. Diantaranyo, taruang  teter, teruang pipit, teruang belut, cokowana, ribbang (batak toba), takokak (sunda), cepokak atau pokak (jawa).

Kegunoan Buah Rimbang

1.Sabagai bahan campuan dalam  masakan.

2. pangganti pambukuih tambakau rokok

3.Dipakai untuak  ubek tardisional karano manganduang vitamin A jo C nan sangaik tinggi

4.Haragonyo tagolong murah .

Khasiek Rimbang untuak Kasehatan[suntiang | suntiang sumber]

1.Bisa manyambuhan kasehatan mata. Mata rabun jo mata minus bisa diatasi dek makan buah rimbang ko. 2.Mangatasi raso bangkak kareno pukulan  benda.

3.Pinggang nan kaku.

4Mengatasi sakit lambung.

5.Obat kepalo pusing.

6.Sabagai antioksidan.

7. Dan sabagainyo.

Manfaik Nan Jarang Di Kataui

Ambein

Ambein marupoan salah satu panyakik nan indak maelok an karano urang nan mangalaminyo maraso ndak nyaman dek kaadoan apabilonyo buang ai gadang mangaluan darah. Untuak mengatasi tu bisa mampagunoan buah rimbang atau campokak untuak pilihan ubek alternatif.

Maatasi mato minus

Di dalam buah rimbang ko manganduang beta karoten atau vitamin A nan tinggi, yang elok untuak kasembuhan mato. Bisa juo di gunoan sebagai bahan lalapan serta sayur untuak makan.

Maatasi osteoporosis

osteoporosis atau nan di sabuik sabagai pengeroposan tulang. Dek keadoan itulah sangek indak elok bagi kesehatan karano  itu indak elok untuak kesehatan. Caro untuak maatesi bisa di pagunoan biji rimbang dengan menjadiannyo sabagai bahan lalapan atau sayuran

Maatasi influenza

katiko flu wak lah tibo tantu raso indak nyaman dek flu ko. Flu ko juo bisa takadang di ikuik dengan penyakitlainnya seperti batua. Oleh karano itu, dianjuaan untuak maubek e secapeknyo.

Ubek kangker alami

Panyakik kangker sangek lah babahayao untuak tubuah. Bahkan kangker payah untuak di ubek an. Namun dek buah rimbang ko  bisa di manfaikkan sebaik-baiknyo.