Reydonnyzar Moenek
Dr. Reydonnyzar Moenek, M.Devt.M. (lahia di Padang, Sumatera Barat, 14 November 1960; umua 64 taun)[1] adolah saurang birokrat Indonesia. Inyo manjabaik sabagai Wakia Rektor Institut Pemerintahan Dalam Negeri (IPDN) sajak 6 Maret 2017.[2]. Sabelunnyo, inyo manjabat sabagai Direktur Jenderal Bina Kauangan Daerah Kamandagri RI. Inyo ditunjuak dek Presiden RI Joko Widodo jo dilantik dek Mandagri Tjahjo Kumolo sabagai Panjabat Gubernur Sumatera Barat pado tanggal 15 Agustus 2015 hinggo 12 Pebruari 2016. Inyo manjabat samantaro manggantian Irwan Prayitno nan habih maso jabatannyo pado 15 Agustus 2015. Reydonnyzar akan maisi jabatan kosong itu hinggo dilantiknyo Gubernur Sumatera Barat nan baru hasia Pemilukada pado Desember 2015.[3]
 (2015)  | |
| Biografi | |
|---|---|
| Lahia | 14 Nopember 1960 (64 tahun (id)  )Koto Padang |
| Kalompok etnis | Urang Minangkabau |
| Almamater | Universitas Gadjah Mada |
Karier
suntiangReydonnyzar manjabat sabagai Direktur Jenderal Kauangan Daerah (Dirjen Kauda) Kamantarian Dalam Nagari. Sabelunnyo inyo pernah dipicayo sabagai Kapalo Pusek Panarangan (Kapuspan) Kamantarian Dalam Nagari Indonesia (Kemandagri).[4]
Diawal kariernyo sabagai birokrat, inyo pernah jadi staf di Pamarentahan Provinsi (Pemprov) Jawa Tengah dari taun 1989 sampai 1993. Karano kaahliannyo manulih, inyo dipicayo manjadi panulih jo panyusun naskah pidato Gubernur Jawa Tangah, Muhammad Ismail. Indak hanyo itu, bahkan inyo disarahi tugeh juo sabagai pamimpin redaksi majalah Beringin, sabuah media milik Golkar katiko itu. Opininyo dalam bantuak artikel acok juo dimuek di sajumlah media, diantaronyo Suara Merdeka, Kedaulatan Rakyat jo lain-lain.[5]
Pandidikan
suntiangReydonnyzar Moenek nan akrab disapo Donny iko manamatan pandidikannyo di Sakolah Tinggi Pamarentahan Dalam Nagari (STPDN) Semarang sabalun malanjuikannyo ka Fisipol Universitas Gadjah Mada (UGM) Yogyakarta. Taun 1988 inyo pun bahasia manyalasaikan kuliahnyo di UGM jo salanjuiknyo inyo manamatan studinyo di Asian Institute of Management di Pilipina untuak paskasarjana pado taun 1994. Kamudian, inyo manamatan program doktoral di Universitas Padjadjaran pado taun 2014.[1]
Salasai kuliah di lua nagari inyo sempat juo manulih tigo seri buku manganai analisa investasi. Buku nan ditabikan dalam duo bahaso itu akhianyo dibali hak ciptanyo dek suatu limbago internasional, sahinggo Reydonnyzar kailangan hak ciptanyo sabagai panulih, tatapi sadoalah itu dikompensasi jo sajumlah pitih nan jumlahnyo dapek untuak mambeli sabuah rumah.
Penghargaan
suntiang- Panghargaan dari The World Green Environment Union dan Pamarentah Korea Salatan.[6]
- Elshinta Award 2012.[7]
Rujukan
suntiang- ↑ a b "Reydonnyzar Moenek (Dirjen Keuangan Daerah)" Archived 2015-08-24 di Wayback Machine. Pejabatpublik.com, 15 Mei 2015. Diakses 16 Agustus 2015.
- ↑ "Hari Ini, Mendagri Lantik Wakil Rektor dan Sejumlah Pejabat IPDN". Situs resmi Kementerian Dalam Negeri. 6 Maret 2017. Diarsipkan dari versi asli tanggal 2017-06-27. Diakses tanggal 4 Juli 2017.
- ↑ "Reydonnyzar Moenek Jadi Penjabat Gubernur Sumatera Barat" Tempo.co, 11 Agustus 2015. Diakses 16 Agustus 2015.
- ↑ "Kapuspen Kemendagri Reydonnyzar Moenek - Pusing dan Senang, Curhat ke wartawan" Archived 2012-11-17 di Wayback Machine. Jawa Pos/Situs Rasmi Kemendagri, 1 Mei 2012. Diakses 5 Februari 2014.
- ↑ "Reydonnyzar Moenek Pulang Kuliah Kantongi Dollar" JPNN, 1 Juni 2012. Diakses 5 Februari 2014.
- ↑ "Kapuspen Kemendagri Terima Award dari Korsel" Archived 2014-02-23 di Wayback Machine. Padang Media, 14 Juni 2012. Diakses 5 Februari 2014.
- ↑ "Reydonnyzar Moenek Raih Elshinta Award 2012" Archived 2014-02-22 di Wayback Machine. JPNN/PlasaMSN, 20 Februari 2013. Diakses 5 Februari 2014.
Pranala lua
suntiang- "Ada 57 Kepala Daerah Membangun Dinasti" Archived 2014-02-23 di Wayback Machine. Sindo Weekly.
- "Mereka nan Hidup Di Zona Gempa"[pranala nonaktif permanen] Kompasiana.