Rani Ismael
H.M. Rani Ismael, nan banamo panjang Sutan Mohammad Rani Ismael (lahia di Cimparuah, Pariaman, Sumatra Barat, 20 April 1940; umua 84 taun) adolah saurang pangusaho Indonesia dari Padang, Sumatra Barat.[1][2] Inyo mangalola babarapo parusahaan nan bergerak di bidang otomotif, di antaronyo tujuah kantua cabang dan parwakilan di Sumatra Barat, Riau, Jambi, Sumatra Utara, jo Jakarta.[3][4] Rani Ismael juo manjabaik sabagai Direktur PT Suka Fajar jo PT Sutan Kasim nan bakantua pusek di Kota Padang.[5]
Rani Ismael | |
|---|---|
 | |
| Lahia | 20 April 1940 |
| Kabangsaan |  Indonesia |
| Karojo | Pngusaho |
| Dikana dek | Pngusaho otomotif Sumatra |
| Pasangan | Syamsidar |
| Anak | Rinaldi Rani
Reni Rani Ari Imran Agusta Rani Nuzul Firman Rani Martharina Rani Riswaldi Rani Fitrinovia Rani Ranti Rani Zulheri Rani Adhe Risfanovisa Rani |
| Urang tuo | Sutan Ismael (ayah) Djoani (ibu) |
Riwayat
suntiangKahidupan pribadi
suntiangRani Ismael nan lahia di Cimparuah, Pariaman, pado 20 April 1940 itu marupoan putra dari pasangan Haji Sutan Ismael (ayah) jo Hajjah Djoani (ibu). Ayahnyo berprofesi sabagai saudagar bareh jo kapua. Pandidikan formal Rani hanyolah sampai tamek Sikolah Rakyat (kini SD), tetapi inyo mandapekan pandidikan non-formal dengan disiplin nan kareh dari kaduo urang gaeknyo sarato mamaknyo, Sutan Kasim, nan marupoan pandiri PT Sutan Kasim Ltd.
Katiko baumua sambilan tahun inyo parnah bakarajo sabagai panyabik rumpuik, panggumbalo sapi, palayan warung, panggaleh pisang goreang, jo lalok di emperan los pasa, tetapi pado usia 15 tahun inyo alah mangalola toko sapatu jo toko kalontong tanamo di kota Padang. Dalam manggaleh, inyo labiah banyak mangandalkan keberanian daripado kamampuan. Namun, Rani salalu barajo sacaro otodidak dengan mambaco buku-buku jo mengikuti babagai kursus sarato seminar nan baguno untuak usaho jo pekerjaannyo.
Rani Ismael manikah jo Hajjah Syamsidar, dan dikaruniai sapuluah urang anak (ciek urang maningga dunia) nan manjadian kaberhasilan Rani sabagai teladan, sahinggo sado anaknyo berminat dan berprofesi sabagai wirausaha. Bahkan anam urang anaknyo nan alah sarjana kini manjalanan usahanyo masiang-masiang.
Karier
suntiangPado mulonyo, sakitar tahun 1974, Rani berbisni dengan manjadi diler mobil Amerika takah Jeep, Ford, jo Dodge. Baru sajak tahun 1976 inyo mulai jadi diler mobil Hino. Karier bisnisnyo taruih mananjak, dan sajak tahun 1978 sampai kini inyo manjadi diler mobil Mitsubishi jo diler ban Intirub untuak babarapo wilayah di Sumatra.
Sasudah manekuni bisnis otomotif sajak tahun 1974 jo manjadi Direktur PT Sutan Kasim Ltd pado usia 34 tahun, sajak 20 tahun tarakhir Rani tanamo sabagai salah saurang pangusaho otomotif. Indak hanyo itu, inyo juo manciptaan duo lagu nan kini manjadi trademark usaho bagi produsen, yaitu lagu Suzuki (tahun 1994-1995) jo lagu Mitsubishi (tahun 1997). Kadua lagu tersebut alah ditajamahan ka dalam bahasa Inggris jo Jepang.
Dalam hal panjualan, Rani Ismael mancataik omzet panjualan nan tamasuak luar biaso. Untuak panjualan kandaraan jinih Mitsubishi inyo tacataik sabagai 10 gadang, dan untuak panjualan suku cadang masuak dalam duo gadang di Indonesia. Adapun untuak panjualan ban Dunlop inyo masuak duo gadang, sarato sabagai nan paliang gadang di Indonesia untuak panjualan ban Intirub salamo salapan tahun berturut-turut.
Dek kasuksesannyo sabagai panggaleh, Rani Ismael juo acok diundang untuak manjadi narasumber dalam babagai seminar tantang wirausaha jo strategi bisnis. Inyo juo manjabaik sabagai anggota Dewan Pertimbangan Kamar Dagang dan Industri (Kadin) Sumatra Barat periode 2005-2009.[6]
Rujuakan
suntiang- ↑ Irwan Prayitno (3 Februari 2015). "Pengusaha Demi Aka". Harian Singgalang. Diarsipkan dari versi asli tanggal 2022-10-15. Diakses tanggal 7 Juli 2019.
- ↑ Chaniago, Hasril; Edrie, Eko Yanche (2014) (dalam bahaso id). H. Sutan M. Rani Ismael: sosok pengusaha "demi aka". Kabarita. ISBN 978-602-18336-2-9. https://books.google.com/books?id=leHkvQEACAAJ&newbks=0&hl=en.
- ↑ Yurnaldi (12 Februari 2002). "Bangun Jembatan Hati dan Cerahkan Konsumen"[pranala nonaktif permanen][pautan nonaktif salamonyo] KOMPAS (Bunderan99, Pancasila University). Diakses 21 Agustus 2013.
- ↑ "Penjualan Mitsubishi di Sumbar Meningkat" Archived 2022-10-12 di Wayback Machine. Bisnis Indonesia, 3 April 2011. Diakses 21 Agustus 2013.
- ↑ "Manajemen Satu Menit" Haluan.com, 13 Desember 2010. Diakses 21 Agustus 2013.
- ↑ "Dewan Pertimbangan" Archived 2014-02-21 di Wayback Machine. Situs Resmi Kadin Sumatra Barat. Diakses 21 Agustus 2013.
Pautan lua
suntiang- "8 Unit Mobil Ikut Terkubur" Archived 2014-02-22 di Wayback Machine. Rakyatmerdeka.co.id, 15 September 2007. Diakses 21 Agustus 2013.
- "Suka Fajar Gelar "Part Shop Gathering" Akhir Pekan Ini" Archived 2014-02-21 di Wayback Machine. Sumbaronline.com, 15 Oktober 2010. Diakses 21 Agustus 2013.
- "Suka Fajar Beri Award Partshop Terbaik" Archived 2014-02-22 di Wayback Machine. Riaupos.co, 26 September 2011. Diakses 21 Agustus 2013.
- "Mitsubishi Outlander Sport Dongkrak Penjualan Mobil di Sumbar" Archived 2014-02-25 di Wayback Machine. Eksposnews.com, 2 Agustus 2012. Diakses 21 Agustus 2013.
- "Pengurusan BPKB, STNK Sistem Online Segera Terwujud" Archived 2014-02-22 di Wayback Machine. Minangforum.com, 10 Juli 2010. Diakses 21 Agustus 2013.