Randang jariang
Randang jariang marupoan makanan jinih randang nan bahan utamonyo jariang. Makanan jinih ko barasa dari Minangkabau, Sumatera Barat, namun labiah banyak ditamui di Payakumbuah. Jariang nan diolah di randang jariang ko jariang nan tuo. Pamilihan jariang nan tuo dek labiah mudah diolah jo labiah ampuak. Biasonyo randang jariang acok pulo dijua di toko oleh-oleh khas Sumatera Barat.[1]
 Randang jariang | |
| Asa | |
|---|---|
| Nagara | Indonesia |
| Daerah | Sumatera Barat |
| Pambuek | Urang Minangkabau |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | Jariang, santan karambia, lado, bumbu |
| Variasi | Randang cubadak, randang itiak , randang hati jawi, randang talua, randang paru |
Caro mambuek
suntiangBahan-bahan untuak mambuek randang jariang tadiri dari jariang, santan, daun limau, daun kunyik, sarai, asam kandih, jo minyak. Untuak bumbu randangnyo tadiri dari bawang merah, bawang putiah, lado merah, langkuweh, kemiri, cengkeh, kapulaga, jo garam. Mulonyo abuih jariang jo aia. Giliang bumbu aluihnyo. Sudah tu tu bumbu aluih tadi ditumih basamo daun kunyik, daun limau, jo sarai sampai harum. Salanjuiknyo masuakan santan. Kalau alah manggalagak, masuakan jariang jo asam kandih, masak sampai susuik jo baminyak. Masuakan santan pakek, aduak sampai bumbu kahitaman.[2][3][4]
Rujuakan
suntiang- ↑ Media, Kompas Cyber (2013-06-10). "Membuat Rendang Jengkol yang Nikmat". KOMPAS.com. Diakses tanggal 2021-06-14.
- ↑ WS, Odilia. "Resep Rendang Jengkol yang Pedas Gurih". detikfood. Diakses tanggal 2021-06-14.
- ↑ Okezone (2012-11-0). "Rendang Jariang, Murah & Rasa Merekah : Okezone Lifestyle". Diakses tanggal 2021-06-14.
- ↑ uzer. "Web Company Profile Pemerintah Kabupaten Agam". Diarsipkan dari versi asli tanggal 2021-06-14. Diakses tanggal 2021-06-14.