Ramo-ramo si kumbang janti

ukiran Minangkabau
(Dialiahkan dari Ramo-ramo Si Kumbang Janti)

Ramo-ramo si kumbang janti adolah salah satu ukiran tadisional Minangkabau nan babantuak papaduan antaro ramo-ramo jo kumbang janti.[1] Kumbang janti tu adolah kumbang ketek, warnanyo ijau bakilek nan iduiknyo di batang kayu. Kaduo binatang ko warnanyo sangaiklah rancak. Kaduonyo pun indak marusak ka dirinyo surang juo ka iduik urang.

Motif ukiran Ramo-ramo si kumbang janti ko maagiah tando baraso jalan pagantian di dalam garih  kapamimpinan masyarakaik adaik Minangkabau adolah parkaro nan sangaik pantiang. Sahinggonyo, kalau parkaro iko sampai taabaikan, mako bamacam-macam  masalah nan barek pasti ka datang. Sasaui jo alua nan balaku, kalau usaho malahiakan katurunan baru nan ka mamimpin indak dikarajoan, mako Minangkabau ka dipimpin dek urang nan indak batangguang jawab.

Patatah suntiang

Ramo-ramo si janti,

Ampiang Katik endang pulang bakudo

Patah tumbuah ilang baganti

Pusako tatap  baitu juo

Mukasuik dari kato-kato adaik ko adolah baraso pusako Minangkabau indak barubah dari dulu hinggo kini. Biapun urang nan manjalankan adaik tu alah baganti dari ciek katurunan ka katurunan barikuiknyo.

Rujuakan suntiang

  1. Aisyah, Siti. Pola Dasar dan Makna Ukiran Motif Rumah Gadang Koto Sani Kecamatan X Koto Singkarak Sumatera Barat.