Rajo Bagindo

Rajo Bagindo Ali (ejaan Filipina: Rajah Baguinda Ali) yaitu saurang ulamo Minangakabau yang menyebarkan agamo islam sampai ka Kasultanan Sulu di Filipina selatan pado akhia abad ka-14.

Rajo Bagindo datang ka Sulu pado tahun 1390. Kadatangannyo melanjuikan dakwah Islam yang alah dirintih dek seorang ulamo katurunan Arab, Karim ul-Makhdum. Salain ka Sulu, Rajo Bagindo juo mengambaro ka Brunei, Serawak, dan Sabah. Sampai akhia hayatnyo Rajo Bagindo alah mengislamkan masyarakat Sulu hinggo ka Pulau Sibutu.

Kiro-kiro tahun 1450, urang Arab dari Johor yaitu Sharif ul-Hashim Syed Abu Bakr tibo di Sulu. Inyo satalah itu manikah jo Paramisuli, putri Raja Bagindo. Satalah matinyo Rajo Bagindo, Abu Bakr melanjuikan pangislaman di wilayah iko. Pado tahun 1457, manantunyo Rajo Bagindo memproklamirkan badirinyo Kasultanan Sulu dan mamakai gala "Paduka Maulana Mahasari Sharif Sultan Hashem Abu Bakr". Gala "Paduka" adalah gala satmpat yang berarti tuan sedangkan "Mahasari" bermaksud Yang Dipatuan.

Manuruik sajarah, sampai akhia hayatnyo Rajo Bagindo Ali mampu mambuek masyarakat Sulu sampai ka pulau sibutu masuak agamo islam. Dek sukses jo dakwah Rajo Bagindo, kemewahan karajaan Sulu saat ko hanyo jadi kanangan dan carito sajarah. Suasano agung islam di tampek itu sempat rusak karno muncul kasus penyanderaan warga indonesia dari kelompok Abu Sayyaf.

Kapulauan Sulu adalah kawasan dibagian selatan Filipina yang dak jauah dari negara tatanggo yaitu Sabah, Malaysia. Pulau itu luasnyo 1.600 kilometer. Masyarakat asli disitu adalah keturunan suku Banjau, Baguingui jo Tasug, dan bahaso daerahnyo yaitu malayu dan tagalog.