Raden Kasoema

Raden Kasoema, adolah soerang Wartawan Senior panagak Harian Haluan. Beliau lahia di Pangkalan Brandan tanggal 22 september 1991 dan tutuik usia di tahun 2001 tapeknyo pado tanggal 23 maret. Baliau dilahiakan di Sumatera utara, tapi urang gaek baliau barasa dari Talu, Kabupaten Pasaman.

Di wakatu baliau baumua 28 tahun, baliau bakarajo sabagai Korektor di "Pelita Andalas". Dek karano baliau urangnyo tekun dan gigiah, baliau diagiah kapacayoan untuak manajamahan barito-barito dari Baso Balando ka Baso Indonesia sahinggo wakatu itu baliau langsuang taangkek manjadi Redaktur.

Salain Pelita Andalas, ado 3 koran lai di wakatu itu sarupo "Pewarta Deli" nan dikatuai oleh Adinegoro, jo nan ciek lai namo ny koran "Sinar Deli". Sabulan samanjak Japang masuak, Katigo koran tu indak jadi tabik. Sasudah tu Baliau pindah ka Bukittinggi untuak bakarajo di Radio Japang, disaat itu juo, Baliau langsuang diangkek jadi pamimpin untuak pamulo RRI di Bukiktinggi.

Bulan Desember tahun 1948, Raden Kasoemo jo kawan-kawannyo mulai mancibo manabikan Koran Haluan manjadi ciek-cieknyo surek kaba untuak mambangkikan sumangaik urang-urang minang wakatu perjuangan Kemerdekaan RI.

Tanggal 17 agustus, surek kaba Haluan ko mulai di tutuik dek karano tajadi parang PRRI. Kasado nan ado didalamnyo disita dan wakatu itu baliau sabagai pamimpin di panjaroan salamo 9 bulan. salapeh tu baliau dibaok ka Rumah Tahanan di Jakarta, dan dilapehan baliak tahun 1962.