Pulau Tioman adolah sabuah pulau ketek nan barado di Pahang, Malaysia, lataknyo 32 km di lapeh pantai timua Malaysia,[1] dan panjangnyo pulau iko kiro-kiro 20 km jo leba nyo kiro-kiro 12 km. Pulau iko punyo salapan desa utamo, Desa nan paliang gadang jo paliang padek panduduaknyo banamo Kampuang Tekek nan latak nyo di sabalah utara. Pulau iko mampunyoi hutan nan rimbo sarato jo dikaliliangi dek tarumbu karang sahinggo manjadi tampek nan rancak untuak kagiatan scuba diving. Ado juo tadapek banyak panginapan jo vila di sakitaran pulau nan punyo status bebas bea.

Pulau Tioman
Pulau Tioman di Malaysia
Pulau Tioman
Pulau Tioman
Geografi
LokasiLauik Cino Salatan
Koordinat2°49′0″N 104°11′0″E / 2.81667°N 104.18333°E / 2.81667; 104.18333
Area136 km2 (52,5 sq mi)
Garih pantai245 km (152,2 mi)
Elevasi tatinggi1.038 m (3.406 ft)
Nagara
Demografi
Populasi432
Pantai bapasia putiah jo panginapan di Pulau Tioman

Pulau Tioman marupoan bagian dari distrik Rompin Pahang, maskipun sacaro geografis labiah dakek ka Johor. Untuak manuju ka pulau iko biasonyo pajalanan dimuali dari Jalan Raya Tebrau, Johor Bahru manuju ka Mersing malalui Kota Tinggi. Kalau dari Jalan Raya Karak, Kuala Lumpur malalui Temerloh, Kuantan, Pekan, Kuala Rompin, Tanjung Gemuk ka Mersing. Atau lewat Jalan Raya PLUS dari Kuala Lumpur malalui Seremban, Bahau, Muadzam Shah, Kuala Rompin, Tanjung Gemuk kamudian tibo di Mersing. Dari Mersing barulah pangunjuang mamakai layanan kapa feri untuak manyubarang ka Pulau Tioman.[2]

Sijarah suntiang

Sajak ribuan taun nan lalu, Pulau Tioman digunoan dek nalayan sabagai titiak navigasi pantiang, sumber aia janiah jo kayu[1]. Pulau iko alah manjadi tampek singgah bangso Cino, Arab, sarato jo kapa-kapa dagang Eropa. Pacahan porselen dapek ditamui di sakitaran pantai. Katiko parang dunia kaduo, Pulau Tioman dijadian tampek balabuahnyo pasukan Inggris jo Jepang sahinggo parairan sakitaran pulau, panuah jo siso-siso parang sarupo HMS Repulse[3] jo HMS Prince of Wales[4][5]

Kaadaan Pulau suntiang

Wilayah lauik Pulau Tioman sarato jo dalapan pulau-pulau tadakek lainnyo alah dinyatoan sabagai taman lauik jo cagar laut[1]. Pado taun 1972, baragam kahidupan lauik jo daerah padalaman hutan tropis dilinduangi sabagai Hutan linduang Pulau Tioman. Namun pado taun 1984, sabagian gadang wilayah pulau digunoan untuak pambangunan pertanian jo wisata; daerah nan tasiso kiro-kiro tingga labiah kurang 8.296 ha. Babarapo spesies mamalia dilinduangi di pulau tu, tamasuak binturong, monyet ikua panjang, kukang, tupai hitam raksasa, tupai terbang merah raksasa, kancil, landak, jo musang, dari sabanyak 45 spesies mamalia jo 138 spesies buruang, tamasuak frigatebird[1]. Salain tu, di pantai Pulau Tioman tadapek spesies nan endemik. Ikan lele Clarias batu dapek dicaliak di hutan tropis[6].

Rujuakan suntiang

  1. a b c d Abdul, Jasmi (1999). "An Introduction to Pulau Tioman" (PDF). The Raffles Bulletin of Zoology. National University of Singapore. Supplement No.6: 3–4. Diarsipkan dari versi asli (PDF) tanggal 2013-10-19. Diakses tanggal 2019-11-05. 
  2. winda (2017-04-18). "Surga Liburan di Pulau Tioman". ASIAWISATA.COM (dalam bahasa Indonesia). Diakses tanggal 2019-11-06. 
  3. Diving into British Naval History: HMS Repulse
  4. Denlay, Kevin. "Expedition 'Job 74' survey report" (PDF). Explorers.org. Diarsipkan dari versi asli (PDF) tanggal 15 October 2017. Diakses tanggal 5 November 2019. 
  5. Garzke, William; Dulin, Robert and Denlay, Kevin. "Death of a Battleship: A Reanalysis of the Tragic Loss of HMS Prince of Wales" (PDF). Royal Institution of Naval Architects. Diakses tanggal 5 November 2019. [pranala nonaktif permanen].
  6. "Jungle trekking in Tioman". Tioman Ferry Tickets, Singapore. Diakses tanggal 5 November 2019.