Pucuak parancih

Pucuak parancih adolah olahan dari tanah Minangkabau. Manuruik panamoan sayua pucuak parancih ko, pado taun 1834 ado saurang residen (gubernur) Sumatera Barat banamo Emanuel Francis nan bausaho mancari simpati masyarakaiak Minang jo caro mambaok ubi kayu untuak dibudidayokan di Padang. Oleh masyarakaik Minang daun ubi kayu dimanfaatkan pulo untuak sayua. Untuak maingek maso tanaman iko dibaok dek Francis, makonyo masyarakaiak manyabuiknyo sayua parancih.

Resep Pucuak Parancih

Bahan-bahan jo alatnyo

Adohpun resep pucuak parancih bahan-bahannyo: 200gr daun pucuak ubi mudo 1 potoang, (50gr) kapalo lauak asin, 750cc santan caia, 500cc santan pakek, sabatan sarai, daun kunik, sakarek asam kandih. Bahan-bahan nan dialuihan: 50gr lado merah, 6 incek bawang merah, 2 cm kunik, 2 cm sipadeh, 1 cm langkueh, garam sacukuiknyo.

Caro mambuek

Abuih daun pucuak parancih sampai lunak, sasudah itu angkek jo kariangan sampai aianyo abih.Kamudian panggang kapalo lauak sampai masak jo baun anyianyo hilang. Abuih santan caia jo bumbu nan lah sudah dialuihan sampai mandidiah, sasudah itu masuakan daun pucuak parancih. Sasudah mandidiah sakali lai, masuakan santan pakek. Aduak-aduak taruih sampai santan agak baminyak. Angkek jo hidangkan.

Rujuakan

https://budaya-indonesia.org/Sayur-Pucuk-Perancis#