Puan Maharani

Puan Maharani Nakshatra Kusyala (

lahia di Jakarta, 6 September 1973; umua 46 tahun

) adolah saurang politikus Indonesia nan manjabek sabagai Menteri Koordinator Bidang Pembangunan Manusia dan Kabudayaan Republik Indonesia pado Kabinet Karajo (2014–2019). Puan parnah manjabek sabagai Katua Fraksi PDI Perjuangan di DPR RI untuak tahun 2012 - 2014. Di DPR, Puan Maharani barado di Komisi VI nan maawasi BUMN, Padagangan, Koperasi dan Usaho Ketek Manangah, sarato anggota badan kelengkapan dewan BKSAP (Badan Kerjasama Antar Parlemen), dan juo sabagai Katua Fraksi PDI Pajuangan di DPR menggantian Tjahjo Kumolo nan alah manjabek salamo sambilan tahun .

Cucu dari Presiden patamo RI Soekarno dan anak dari Presiden ke-5 RI, Megawati Soekarnoputri dari panikahannyo jo Taufiq Kiemas iko alah mangenal dunia politik sajak usia sangaik mudo. Inyo marupoan Sarjana Ilmu Komunikasi luluihan Universitas Indonesia dan inyo manaruihkan tradisi politik dalam kaluarga Soekarno.

Masa Kecil dan Remaja

Sampai maso sikolah dasar (SD), Puan Maharani manjalani kahidupan sicaro normal walaupun sabagai cucu dari sang Proklamator Bung Karno. Persinggungan patamo Puan Maharani jo politik adolah katiko duduak di bangku sikolah manangah patamo (SMP) katiko amanyo Megawati mulai aktif baliak dalam kancah papolitikan Indonesia. Di kala itu Megawati mulai acok bakaliliang Indonesia dan Puan Maharani ketek mulai manyaksikan bagaimana saurang politisi bakarajo.

Dewasa

Maso kuliah Puan Maharani di Universitas Indonesia FISIP Jurusan Komunikasi balangsuang normal saparti mahasiswi lainnyo. Puan Maharani juo bakasampatan magang di majalah Forum Keadilan dan marasokan tantangan dunia jurnalistik saparti mancari nara sumber dan kasibukan di kantua manjalang naiak cetak.

Satalah itu Puan Maharani taruih mandampiangi, manyaksikan dan belaja dari amanyo, Megawati, katiko inyo malalui babagai peristiwa politik nan malahiakan PDI Pajuangan. Baitu juo katiko para aktivis dan pajuang reformasi bakumpua di rumah Kebagusan, Puan Maharani ado di situ mandanga babagai pambicaraan mereka tamasuak mambantu di dapua umum.

Tajun ka Politik

Pado tahun 2006 Puan Maharani akhirnyo mulai sacaro aktif talibek dalam organisasi politik. Patamo manjadi anggota DPP KNPI Bidang Lua Negeri. Puan Maharani akhianyo mancalonkan diri sabagai anggota legislatif pado Pamilu 2009 dari Dapil Jawa Tengah V (Surakarta, Sukoharjo, Klaten, dan Boyolali). Puan Maharani akhianyo tapiliah jo suaro tabanyak kaduo di tingkek nasional yoitu 242.504 suaro..