Psikologi Analitik

Psikologi Analitik iolah salah ciek teori nan dikambangan oleh Carl Gustav Jung, yang ma sacaro sadarhano inyo barusaho manunjuakan ba'a manggali pangalaman maso lampau untuak mamahami maso kini jo maso bisuak. Jung manakanan pantiangnyo mantarjamahan mimpi sasuai dengan fungsinyo dalam kahidupan psikis manusio. Mimpi marupokan salah ciek aktivitas jiwa nan oleh urang dulu dianggap manganduang banyak simbol untuk mantarjamahan gejala-gejala kahidupan nan ka tibo (Jung, 1986:31).

Dalam pandangan Jung, kaberadoan manusio (human being) marupokan fungsi psikis (jiwa) manusio, jo kejadian-kejadian nan dialami manusio marupokan tarjamahan dari bagian-bagian bahaso psikis manusio. Oleh kareno itu konsep unconsious (ka indaksadaran) manjadi konsep utamo dari pandangan Jung ko.

Psikis manusio manjadi bagian dari ka indaksadaran kolektif. Baa awak bida mamahami konsep ka indak sadaran kolektif nan samapai kini masih dipardabekkan? dibawah ego (den yang sadar), Jung mandapekkan psike indak sadar yang asli. Psike indak sadar kodapek bafungsi sacaro "karajosamo dengan" atau sacaro "tapisah dari" kasadaran tadi. Kasadaran dapek basifat individual, sajauah itu mangandung ingatan-ingatan, pikiran-pikiran, perasaan-perasaan nan alah ditakan dari si individu dari maso lampau (Jung, 1986:12).

Jasa dari Jung iolah inyo sacaro empiris dapek manunjuakan alam indak sadar nan labiah dalam dari ka indaksadaran pribadi, jo nan basifat kolektif, sabab dipunyoan oleh saluruh manusio jo tadapek pado sado budayo. Pengalaman kolektif taungkap malalui simbol-simbol, gambaran, dan motif-motif nan diwarnai jo emosi, sarto timbul sacaro spontan dalam mimpi, fantasi, nan sacaro nyato manggambaran masalah inti dari eksistensi manusio, sakaligus dapek maagiahan pandangan dalam situasi kritis. Singkatnyo, teori tentang alam kaindaksadaran (unconsious) marupokan suatu sumber nan spontan jo kreatif.