Proses komunikasi antar manusia

Proses komunikasi antar manusia adolah tahapan nan tajadi katiko manusia malakuan pangiriman informasi dan gagasan kapado urang lain. Komunikasi adolah proses penyampaian informasi dari sumber ka informan atau penerima informasi. Ilmu komunikasi alah lamo dipalajari dan diterapkan. Manuruik Black dan Bryant tahun 1992, komunikasi adolah proses babagi makna. Labiah lanjuik, komunikasi adolah proses dimano komunikator mangiriman rangsangan untuak maubah parangai dari komunikan atau panarimo info.

Pangartian komunikasi

Komunikasi marupokan proses informasi bapindah dari suatu tampek ka tampek lain. Salanjuiknyo, komunikasi manuruik Black dan Bryant (1992) adolah pengalihan pasan sahinggo urang saliang mampangaruhi serta proses si A manyampaian pasan B malalui saluran C ka si D dengan akibat E. Hampia samo jo pandapek Black dan Bryant (1992), McQuail dan Windahl maartian komunikasi adolah panyampaian informasi, ide, sikap, atau emosi dari surang urang ka kelompok atau urang ayau kelompok lainnyo. Labiah lanjuik, komunikasi diartian juo katiko suatu sistem (sumber) mampangaruhi nan lain (tujuan) dengan mamanfaatkan simbol nan disampaian melalui saluran nan mahubuangan mereka. Komunikasi diartian juo sabagai interaksi sosial malalui pesan.

Hampia samo jo pangartian komunikasi manuruik McQuail, Kincaid pado tahun1976 manyampaian pulo tentang definisi komunikasi dimano indak sadoalah komunikasi balangsuang antar manua, indak sadoalah urang hadir di saat nan samo, bisa balangsuang malampaui bateh wakatu dan ruang. Labiah lanjuik, komunikasi indak sadoalahnyo balangsuang samo kato-kato, indak salalu paralu duo urang atau labiah, dan afikia adolah salah satu bantuak komunikasi.

Proses dan elemen komunikasi

Komunikasi adolah suatu kegiatan nan mamarlukan proses. Berlo (1960) manjalehan bahwa komunikasi sabagai satiok fenomena nan manunjuakan parubahan bakalanjutan sapanjang wakatu, satiok palaksanaan atau perlauan nan bakalanjutan. Karano salalu barubah, proses komunikasi itu manjadi sabuah fenomena nan kompleks. Adopun ciri-ciri komunikasi sabagai proses nan partamo adolah dinamis nan artinyo komunikasi salalu barubah, indak taidenditifikasi bilo mulai dan akhirnyo. Kaduo, sistemik nan artinyo komunikasi tadiri dari beberapa unsur nan bainteraksi, saliang mampangaruhi, dan mampangaruhi sistem nan labiah luas. Katigo, interaksi simbolik nan artinyo bahaso marupokan simbol nan digunoan urang untuak bainteraksi antar sasamonyo. Kaampek, makna dibantuak sacaro pribadi nan artinyo satiok urang manafsirkan sesuatu samo caronyo sudang. Makna ado pado manusia bukan di kato-katonyo.

Dalam talaksananyo proses komunikasi, ado beberapa elemen dan unsur di komunikasi, diantaronyo ado sumber atau komunikator nan marupokan pihak nan sangajo bakomunikasi. Kaduo, ado panarimo atau komunikan nan marupokan pihak nan manarimo informasi. Katigo ado pasan nan marupokan sasuatu nan dikiriman oleh sumber kapado penerima. Biasonyo pasan baisi informasi nan ingin disampaian oleh sumber. Salanjuiknyo ado saluran nan marupokan moda mambuek kode (encoding) dan manarjemahan kode (decoding). Saluran bisa disabuik sebagai kendaraan pasan (message vechicle), dan pambaok pasan (message carrier). Kamudian ado akibat nan manjadi hasil atau respon panarimo pasan atas pasan dan informasi nan ditarimo. Tarakhir ado umpan-baliak nan marupokan respon panarimo nan ditarimo baliak oleh sumber.

Tujuan komunikasi

Komunikasi dilakuan tantu dikaranokan ado tujuan tertentu. Manuruik David K. Berlo, ado tigo tujuan komunikasi. Partamo adolah untuak maagiahtahu, artinyo manyampaian sesuati hal nan bisa jadi gagasan, pemikiran, perasaan, dan informasi. Kaduo mambujuak nan artinyo komunikasi batujuan untuak maubah perasaan atau emosi dari nan indak suko manjadi suko. Katigo adolah untuak manghibur, nan artinyo komunikasi bisa jadi untuak manghibur atau manyanangan urang.

Selain itu, J.A DeVito manyampaian lo tentang tujuan komunikasi, diantaronyo ado panamuan diri, malalui bakomunikasi jo urang lain, seseorang akan samakin mangenal dirinyo surang dan mangenal urang lain lo. Kamudian ado mamulai dan mamaliharo hubungan samo urang lain. Salanjuiknyo maubah perilaku dari pengetahuan, sikap, dan tindakan urang lain, sarato bamain dan manghibur diri. Labiah lanjuik, tujuan komunikasi dijalehan lo samo Silvya dan Tubbs, diantaronyo maagiah pemahaman dan tapek bagi komunikan manyanangan pelaku-pelaku komunikasi, mampangaruhi sikap komunikan, sarato mampaelok hubungan antar manusia dan mampangaruhi tindakan komunikan ka arah nan diarokan oleh komunikator.