Politeknik Negeri Semarang

Politeknik Nagari Semarang (disingkat POLINES) adolah sabuah paguruan tinggi vokasi nagari nan talatak di Jl. Prof. Soedarto, Tembalang, Kota Semarang, Jawa Tangah 50275. Mulanyo POLINES banamo Politeknik UNDIP karano barado dalam naungan UNDIP. Sajak taun 1997, Politeknik UNDIP manjadi institusi mandiri nan tapisah dari UNDIP, sahinggo namonyo baubah manjadi Politeknik Nagari Semarang.

Sijarah

Awal mulo muncuanyo politeknik dapek diliek dari sijarahnyo. Politeknik patamo kali dimuncuakan jo ITB bakarajosamo jo Dapartemen Pakarajoan Umum taun 1972 ateh namo Lambago Politeknik Pakarajoan Umum-ITB (LPPU-ITB), untuak mangatasi kabutuhan tanago karajo teknis bakatarampilan tinggi nan mampu manjambatani kasanjangan antaro lulusan Universitas/Institut jo Sakolah Manangah Teknologi.

Lambago Pandidikan iko didirian ateh dasa langkonyo pasadiaan teknisi ahli madya nan dibutuahkan jo industri dan kabahasilan politeknik mekanik Swiss dan ITB, nan didirian pado taun 1976. Untuak itu taun 1982 alah dioperasiaan 6 buah Politeknik di Universitas Sumatra Utara Medan, Universitas Sriwijaya Palembang, Universitas Indonesia Jakarta, Institut Teknologi Bandung, Universitas Diponegoro Semarang dan Universitas Brawijaya Malang jo bantuan Bank Dunia sasuai jo surek kaputuihan Direktorat Jendral pandidikan Tinggi No. 03/DJ/Kep/1979

Politeknik Universitas Diponegoro pado awal mulonyo (1982) mamiliki tigo dapartemen bidang kateknikan iyolah Departemen Teknik Sipil, Dapartemen Teknik Mesin dan Dapartemen Teknik Elektro nan dipimpin urang asing. Kareno kabutuhan industri manuntuik adonyo tanago tarampil di bidang bisnis, sahinggo pado taun 1985 tagak Jurusan Tata Niaga di Politeknik nan dipimpin masyarakaik asing. Dan pado taun 1989 tajadi pangambangan jurusan Teknik Elektro manjadi Teknik Listrik jo Teknik Elektronika/Telekomunikasi.

Pado tanggal 6 Agustus 1997 Politeknik Universitas Diponegoro dinyatokan mandiri dan lapeh dari manajemen Universitas Diponegoro jo SK Menteri Pandidikan dan kabudayaan RI No. 175/O/1997 jo namo Politeknik Nagari Semarang (POLINES). Kamudian tanggal 31 Juli 2002 terbit SK Mantri Pandidikan Nasional No. 134/O/2002 tantang Organisasi dan Tato Karajo Politeknik Nagari Semarang.

Sistem Pandidikan

Tujuan

Tujuan pandidikan Politeknik Nagari Semarang mangacu pado tujuan pandidikan nasional sasuai Undang-undang No. 20 taun 2003 Bab II pasal 3, baso pandidikan nasional batujuan mangambangkan potensi paserta didiak supayo manjadi urang nan baiman dan bataqwa ka Tuhan nan maha Esa, baakhlak mulia, sehaik, bailmu, cakap, kreatif, mandiri dan manjadi warga nagaro nan demokratis sato batangguang jawek.

jo damikian, Politeknik manghasilkan lulusan nan mampu malakukan tugas-tugas di industri sacara profesional. Hal iko bararti lulusannyo harus dapek manguasai pangatahuan dan katarampilan nan dipalukan sacaro sampurna. Selain tu, lulusan politeknik pun dituntuik untuak dapek bakarajo jo katapekan, yakni tapek ukuran, tapek wakatu jo tapek aturan.

Profil Lulusan

Mamiliki integritas nan tinggi;
Badisiplin tinggi, mandiri, bakamauan kareh, jujua jo batangguang jawek;
Basikap tabukak jo tanggap;
Manarapkan ilmu pangatahuan dan teknologi sasuai jo kabutuahan industri;
Mamiliki katarampilan konseptual dan katarampilan dalam ubuangan jo urang.

Sistem Pandidikan

Politeknik Nagari Semarang mamiliki sistem pandidikan tatantu:

Sistem kelas jo jumlah mahasiswa 24 urang per kelas;
Kuliah klasikal mode panyampain konsep-konsep;
Diskusi, caramah dan latihan-latihan;
Praktek (laboratorium dan bengke);
Kuliah Karajo Lapangan (KKL) dan Praktek Karajo Lapangan (PKL);

Ciri Pandidikan

Vokasi;
Kamampuan panalaran dan katarampilan manganai masalah praktis;
Pangaitan konsep dasa jo kasus nyato;
Pangintegrasian teori jo proses nyato.

Jurusan dan Program Studi D3 (Ahli Madya)

Politeknik Nagari Semarang saat kini mamiliki 5 (limo) juruihan yoitu:

1. Jurusan Taknik Sipil

Program Studi Taknik Konstruksi Gaduang
Program Studi Teknik Konstruksi Sipil

2. Jurusan Taknik Masin

Program Studi Taknik Masin
Program Studi Taknik Konversi Energi

3. Jurusan Taknik Elektro

Program Studi Taknik Listrik
Program Studi Taknik Elektronika
Program Studi Taknik Telekomunikasi
1. Konsentrasi Taknik Telekomunikasi
2. Konsentrasi Taknik Jaringan Komputer
Program Studi Taknik Informatika

4. Jurusan Akuntansi

Program Studi Akuntansi
Program Studi Kauangan & Pabankan

5. Jurusan Administrasi Bisnis

Program Studi D4 Manajemen Bisnis Interansional (D4)
Program Studi D4 Administrasi Bisnis Tarapan (D4)
Administrasi Bisnis (D3)
Manajemen Pemasaran (D3)

Juruihan dan Program Studi D4 (Sarjana Sains Tarapan)

Politeknik Nagari Semarang saat kini mamiliki 5 (Limo) juruihan nan mambukak janjang D4 yoitu:

1. Jurusan Taknik Elektro

Program Studi D4 Taknik Telekomunikasi

2. Jurusan Taknik Mesin

Program Studi D4 Taknik Masin Produksi jo Parawatan
Program Studi D4 Teknologi Rakayasa Pambangkik Energi

3. Jurusan Akuntansi

Program Studi D4 Komputerisasi Akuntansi
Program Studi D4 Pabankan Syariah
Program Studi D4 Analis Kauangan
Program Studi D4 Akuntansi Manajerial

4. Jurusan Taknik Sipil

Program Studi D4 Pabaikan jo Parawatan Gaduang
Program Studi D4 Jalan dan Jambatan

5. Jurusan Administrasi Bisnis

Program Studi D4 Manajemen Bisnis Interansional (D4)
Program Studi D4 Administrasi Bisnis Tarapan (D4)
Administrasi Bisnis (D3)
Manajemen Pemasaran (D3)

Pranala lua

(Indonesia) Situs Resmi