Wikipedia

Polisi batino

Polisi batino (disingkek Polwan) adolah satuan polisi khusus nan bajinih kalamin batino.

Polisi Batino
Dibentuk1 September 1948
NegaraIndonesia
Cabang Polri
Bagian dariPolri
Situs webwww.polri.go.id

Carito

suntiang
 
Monumen Polisi Batino Indonesia dibuek di Bukiktenggi, tampek partamo kali tabantuaknyo polwan Indonesia pado 1948.

Polwan di Indonesia lahia pado 1 September 1948, bamulo dari Kota Bukiktenggi, Sumatra Barat, katiko Pamarentahan Darurat Republik Indonesia (PDRI) manghadapi Agresi Militer Balando II, saat tajadinyo pangungsian bosegh-boseghan mancakuik jantan, batino, dan anak-anak pai maninggalkan rumahnyo untuak manjauhi titiak-titiak paparangan. Untuak mancogah tajadinyo panyusupan, para pangungsi haruih diparekso dek polisi, bilo pangungsi batino indak omua diparekso apolai digaledah sacaro fisik dek polisi jantan.[1]

Untuak mangatasi masalah tasabuik, Pamarentah Indonesia manunjuak SPN (Sikolah Polisi Nagara) Bukiktenggi untuak mambuko "Pandidikan Inspektur Polisi" untuak kaum batino. Satalah malalui seleksi tapiliahlah 6 (enam) orang gadih remaja nan sadonyo badarah Minangkabau dan jua baasa dari Ranah Minang,[2] iyolah:

  • Mariana Saanin Mufti
  • Nelly Pauna Situmorang
  • Rosmalina Pramono
  • Dahniar Sukotjo
  • Djasmainar Husein
  • Rosnalia Taher

Kaànam gadih remaja tasabuik sacaro rasmi tanggal 1 September 1948 mulai mangikuti Pandidikan Inspektur Polisi di SPN Bukiktenggi. Sojak saat tu dinyatoan lahialah Polisi Batino nan akrab dipanggil Polwan. Kaànam Polwan angkatan partamo tasabuik tacatat juo sabagai ABRI batino partamo di tanah aia nan kini sadonyo alah pensiun dangan rato-rato bapangkat Kolonel Polisi (Komisaris Bosegh Polisi).

Tugas Polwan di Indonesia taruih bakombang indak hanyo manyangkuik masalah kajahatan batino, anak-anak dan remaja, narkotika dan masalah administrasi bahkan bakombang jauah hampir manyamoi babagai tugas polisi urang jantan. Bahkan di panghujuang taun 1998, alah limo urang Polwan dipromosikan manduduaki jabatan komando (sabagai Kapolsek). Hinggo taun 1998 alah 4 urang Polwan dinaiakan pangkatnyo manjadi Parwira Tenggi babintang ciek.

Kanakalan anak-anak dan remaja, kasus parkalahian antar palajar nan taruih maningkek dan kasus kajahatan batino nan mamprihatinkan iyolah tantangan amat serius Korps Polisi Batino untuak labiah baporan dan mambuktikan eksistensinyo di tubuah Polri. Hinggo kini alah ado juo Polwan nan mamogang jabatan sabagai Kapolres.

Untuak manjadi Polwan ado babarapo syarat masuak Polwan[pranala nonaktif permanen] nan umum dan wajib untuak dikatahui. Di antaronyo sabagai barikuik:

Syarat Umum Masuak Polwan

  • Warga Nagara Indonesia (WNI).
  • Calon polwan haruih bariman & bartakwa kapado Tuhan nan Maha Esa.
  • Alah baumua minimal 18 taun & maksimal 21 taun.
  • Sihat jasmani & rohani.
  • Manyartoan surek bebas narkoba.
  • Taat tahadok hukum pancasila & UUD Nagara Republik Indonesia.
  • Indak ado tato, tindiak dan lain sabagainyo.
  • Indak parnah malakuan tindak kajahatan atau pidana.
  • Punyo integritas, bakalakuan baiak, jujur saroto adil.
  • Malewati tes fisik & mental.
  • Minimal pandidikan SMA/SMK sadarajat.
  • Lulusan SMA/SMK sadarajat manyaratoan ijazah saroto nilai gabuangan rato-rato (minimal 70.00).
  • Calon polwan pamiliak ijazah lua nagari haruih mandapek panyataraan dari Kemendikbud.
  • Alun parnah manikah atau hamil.
  • Basadio manjalani ikatan dinas salamo 10 taun dan alah mamparoleh parsatujuan dari urang tuo.
  • Badomisili minimal 2 taun sasuai KTP atau KK.
  • Basadio ditampekan di saluruah wilayah NKRI.

Biayo Masuak Polwan

suntiang

Salain haruih mangatahui parsyaratan utamo masuak polwan, sadonyo haruih juo mangaroti barapo bosegh biayo administrasi pandaftarannyo. Parolu diingek, katiko surang ingin mandaftarkan diri manjadi polwan, inyo indak akan dikanai biayo administrasi sapeserpun alias gratis.

Parwira Tenggi

suntiang
Daftar Parwira Tenggi Polisi Batino
No. Namo Jabatan Satuan Katorangan
1. Inspektur Jenderal Polisi Basaria Panjaitan, S.H., M.H. Sahlisospol Kapolri Mabes Polri Korps Reserse
 

Irjen Pol

2. Inspektur Jenderal Polisi Dra. Sri Handayani, M.H. Widyaiswara Utama Sespim Lemdiklat Polri Korps
 

Irjen Pol

3. Brigadir Jenderal Polisi Jeanne Mandagi, S.H. Kadiv Humas Polri Korps
 

Brigjen Pol

4. Brigadir Jenderal Polisi Dra. Roekmini Koesoema Astoeti Staf Kasospol ABRI Korps
 

Brigjen Pol

5. Brigadir Jenderal Polisi Dra. Paula Maria Renyaan Bataona Korps
 

Brigjen Pol

6. Brigadir Jenderal Polisi Dra. Sri Kusmaryati Korps
 

Brigjen Pol

7. Brigadir Jenderal Polisi Dra. Noldy Rata Konsultan Ahli Tim Asistensi Bidang Pencegahan BNN Korps Masih Manjabat
8. Brigadir Jenderal Polisi Hj. Rumiah Kartoredjo, S.Pd. Kapolda Banten Korps
 

Brigjen Pol

9. Brigadir Jenderal Polisi Soepartiwi, M.Pd. Kadiklatsus Jatrans Lemdik Polri Korps
 

Brigjen Pol

10. Brigadir Jenderal Polisi Dra. Ida Oetari Poernamasasi, S.A.P., M.A. Wakapolda Kalteng Korps Masih Manjabat
11. Brigadir Jenderal Polisi Dra. Hj. Nur Afiah, M.H. Analis Kebijakan Utama Bid. Sespimma Sespim Lemdikpol Korps
 

Brigjen Pol

12. Brigadir Jenderal Polisi Dr. Dra. Juansih, S.H., M.Hum. Karojianbang Lemdiklat Polri Korps Masih Manjabat
13. Brigadir Jenderal Polisi Apriastini Bakti Bugiansri, S.I.K. Kapusjarah Polri Korps Masih Manjabat
14. Brigadir Jenderal Polisi Dra. Agnes Supraptiningsih Irbidjemen SDM II Itwil II Itwasum Polri Korps
 

Brigjen Pol

Saragam

suntiang
 
Saragam Polwan

Babedo dangan saragam Polisi Jantan (ataupun dipanggil sabagai Polki) nan mamakai kameja longan panjang dan calano panjang, Polwan ko mangonaàn blaus saragam longan pendek dan rok di ateh paras lutuik. Inyo mamakai juo sapatu satenggi sakitar 4 hinggo 5 cm dan topi saragam Polisi. Saragam Polwan dibagi duo jinih, ciek untuak dinas lalu lintas dan ciek lai salain lalu lintas. Bedanyo, Polwan lalu lintas akan mamakai sabuak dan topi bawarno putiah sadangkan Polwan dari bagian nan lain akan mamakai sabuak dan topi bawarno coklat golok.

Rujuakan

suntiang
  1. ↑ Begini Sejarah Polwan di Indonesia Archived 2013-10-30 di Wayback Machine. TEMPO.CO, 2 September 2013. Diakses 8 September 2013.
  2. ↑ 6 Polwan Pertama Indonesia Berdarah Minang Archived 2013-10-30 di Wayback Machine. TEMPO.CO, 2 September 2013. Diakses 8 September 2013.

Pautan lua

suntiang


Diambiak dari "https://min.wikipedia.org/w/index.php?title=Polisi_batino&oldid=2616081"