Paguruan Tinggi Nagari Badan Hukum
Paguruan Tinggi Nagari Badan Hukum, disingkat PTN BH adolah paguruan tinggi nagari nan didirikan dek pamarintah Indonesia nan bastatus sabagai badan hukum publik nan otonom. Dahulu tanamo sabagai Badan Hukum Milik Negara (BHMN) jo Badan Hukum Pandidikan (BHP). Hinggo tahun 2021, ado 16 perguruan tinggi nagari badan hukum di Indonesia.[1]
Sijarah
suntiangPado tahun 2000, babarapo PTN di Indonesia babantuak BHMN (Badan Hukum Milik Negara). Ampek paguruan tinggi partamo nan ditatapkan sacaro basamoan sabagai BHMN adolah Universitas Indonesia, Universitas Gadjah Mada, Institut Pertanian Bogor, jo Institut Teknologi Bandung. PTN BHMN iko mamiliki otonomi panuah dalam mangalola anggaran rumah tangga jo keuangan.
Pado tahun 2009, bantuak BHMN digantikan jo badan hukum pandidikan pamarintah sasuai jo Undang-Undang Nomor 9 Tahun 2009 tantang Badan Hukum Pandidikan. UU tu kamudian dibatalkan dek Putusan Mahkamah Konstitusi Nomor 11-14-21-126-136/PUU-VII/2009 tanggal 31 Maret 2010, nan mambuek pamarintah mangaluakan Paraturan Pamarintah Nomor 66 Tahun 2010 nan mangambalikan status paguruan tinggi BHMN manjadi paguruan tinggi nan disalanggarokan dek pamarintah. Status tu pun kamudian indak batahan lamo karano katiko Undang-Undang Nomor 12 Tahun 2012 tantang Pandidikan Tinggi dikaluakan kamudian dibalakukan, kasado paguruan tinggi nan sabalumnyo BHMN, tamasuak nan alah barubah manjadi paguruan tinggi nan disalanggarokan dek pamarintah, ditatapkan sabagai paguruan tinggi nagari badan hukum[2]
Pangalolaan Paguruan Tinggi Nagari Badan Hukum
suntiangPersyaratan
suntiangSampai tahun 2016, ado 11 paguruan tinggi nagari badan hukum. Pamarintah manatapkan persyaratan sangaik ketat untuak satiok paguruan tinggi nagari untuak mancapai status badan hukum, diantaronyo: masuak 9 (sambilan) paringkek nasional dalam publikasi internasional jo paten, alah tarakreditasi institusi "A" dek BAN PT, opini kauangan Wajar Tanpa Pangacualian (WTP) salamo 2 tahun baturut-turut, sarato prestasi kagiatan kamahasiswaan di tingkek internasional.
Panatapan Status
suntiangPanatapan PTN-BH dilakukan jo paraturan pamarintah, sadangkan panatapan PTN-BLU (Badan Layanan Umum) dilakukan jo Kaputusan Mantari Kauangan ateh usua Menteri Ristek jo Dikti.[3]
Akademik
suntiangPTN BH mamiliki otonomi luas dalam hal akademik, misalnyo PTN bisa mambuka jo manutuik program studi di paguruan tingginyo, sadangkan PTN-BLU/PTN Satker indak bisa.
Biaya Pandidikan
suntiangPTN Badan Hukum manatapkan tarif biaya pandidikan badasarkan padoman teknis penetapan tarif nan ditetapkan mantari. Dalam panetapan tarif, PTN Badan Hukum wajib bakonsultasi jo mantari. Tarif biaya pandidikan ditatapkan jo mampatimbangkan kamampuan ekonomi mahasiswa, orang tuo mahasiswa, atau pihak lain nan mambiayai mahasiswa.
Keuangan
suntiangPandapatan PTN Badan Hukum bukan marupokan PNBP (Panarimoan Nagara Bukan Pajak). Dari segi aset, aset nan diparoleh dari usaho PTN BH manjadi aset PTN BH nan marupokan aset nagara nan dipisahkan, samantaro aset barupo tanah nan barado dalam panguasaan PTN BH nan diparoleh dari APBN marupokan barang punyo negara.
SDM/Tenaga Pendidikan
suntiangPTN-BH marujuak pado pasal 25 butir 4 PP no. 4 tahun 2014, PTN BH bawenang manatapkan, mangangkek, mambina sarato mambarantian tanago tetap Non-PNS.
Paguruan Tinggi Nagari Badan Hukum (Tahun 2013-kini)
suntiangLahianyo UU Nomor 12 Tahun 2012 tantang Paguruan Tinggi manjadi pijakan dasar bagi Paguruan Tinggi Nagari Eks-BHMN untuak baaliah status manjadi PTN Badan Hukum. Satahun sasudah UU disahkan, pamasalahan status PTN Eks-BHMN manjadi salasai jo dikaluakannyo PP sabagai barikuik:
- Institut Teknologi Bandung, Bandung badasarkan Paraturan Pamarintah Nomor 65 Tahun 2013.
- Universitas Gadjah Mada, Yogyakarta badasarkan Paraturan Pamarintah Nomor 67 Tahun 2013.
- Institut Pertanian Bogor, Bogor badasarkan Paraturan Pamarintah Nomor 66 Tahun 2013.
- Universitas Indonesia, Depok badasarkan Paraturan Pamarintah Nomor 68 Tahun 2013.
- Universitas Pendidikan Indonesia, Bandung badasarkan Paraturan Pamarintah Nomor 15 Tahun 2014.
- Universitas Sumatra Utara, Medan badasarkan Paraturan Pamarintah Nomor 16 Tahun 2014.
- Universitas Airlangga, Surabaya badasarkan Paraturan PamarintahNomor 30 Tahun 2014.
- Universitas Padjadjaran, Bandung badasarkan Paraturan Pamarintah Nomor 80 Tahun 2014.
- Universitas Diponegoro, Semarang badasarkan Paraturan Pamarintah Nomor 81 Tahun 2014.
- Universitas Hasanuddin, Makassar badasarkan Paraturan Pamarintah Nomor 82 Tahun 2014.
- Institut Teknologi Sepuluh Nopember, Surabaya badasarkan Paraturan Pamarintah Nomor 83 Tahun 2014.
- Universitas Sebelas Maret, Surakarta badasarkan Paraturan Pamarintah Nomor 56 Tahun 2020.[4]
- Universitas Andalas, Padang badasarkan Paraturan Pamarintah Nomor 95 Tahun 2021.[5]
- Universitas Brawijaya, Malang badasarkan Paraturan Pamarintah Nomor 108 Tahun 2021.[6]
- Universitas Negeri Padang, Padang badasarkan Paraturan Pamarintah Nomor 114 Tahun 2021. [7]
- Universitas Negeri Malang, Malang badasarkan Paraturan Pamarintah Nomor 115 Tahun 2021 [8]
- Universitas Syiah Kuala, Banda Aceh
Rujuakan
suntiang- ↑ "Pengertian & Perbedaan PTN-BH, PTN-BLU, PTN-Satker". SEVIMA. 2020-06-24. Diakses tanggal 2022-09-12.
- ↑ Undang-Undang Republik Indonesia Nomor 12 Tahun 2012
- ↑ "Seputar PTN-BH, PTN-BLU, PTN-Satker dan PTN-Baru | LLDIKTI WILAYAH XII" (dalam bahasa Inggris). Diarsipkan dari versi asli tanggal 2022-09-14. Diakses tanggal 2022-09-14.
- ↑ UNS, HUMAS (2020-10-08). "Presiden Tandatangani PP UNS PTN BH, UNS Bersiap Masuk Masa Transisi". Universitas Sebelas Maret (dalam bahasa Indonesia). Diakses tanggal 2022-09-17.
- ↑ andi, eri (2021-09-04). "Unand Ditetapkan sebagai PTN-BH ke-13". Portal Berita Singgalang (dalam bahasa Indonesia). Diakses tanggal 2022-09-17.
- ↑ Peraturan Pemerintah Nomor 108 Tahun 2021. Biro Hukum. Kementerian Pendidikan, Kebudayaan, Riset, dan Teknologi. 28 Nopember 2021. https://jdih.kemdikbud.go.id/sjdih/siperpu/dokumen/salinan/salinan_20211026_171224_Salinan%20PP%20Nomor%20108%20Tahun%202021%20PTNBH%20Univ%20Brawijaya.pdf.
- ↑ "Universitas Negeri Padang Resmi Menjadi PTNBH". unp.ac.id.
- ↑ jdih.setneg.go.id https://jdih.setneg.go.id/Terbaru. Diakses tanggal 2022-09-17. Tidak memiliki atau tanpa
|title=(bantuan)