Pasar Siteba

Pasa Siteba marupokan salah satu pasa nan talatak di Kota Padang. Pasa Siteba rami dikunjuangi jo masyarakaik Nanggalo.

Sejarah

Pasa Siteba alah ado sajak 1960-an. Pasa Siteba patamo kali talatak di sampiang Kuranji malewatiKecamatan Nanggalo atau labiah kurang 400 m sabalah selatan dari Pasa Siteba kini dan saat tu urang manyabuiknyo jo namo Pasa Pagi Nanggalo. Sakitar taun 1970-an, para panggaleh di Pasa Siteba mulai marasoan patambahan jo sampiknyo tampek untuak transaksi jua-bali, mambuek para panggaleh jo pamuko masyarakaik mancari tampek baru sahinggo didapek tampek kini nan talatak di kawasan Surau GadangKecamatan Nanggalo, Kota Padang, Sumatera Barat.

Aktivitas

Barang dagangan nan dijua di Pasa Siteba barupo kabutuhan pokok masyarakaik sarupo, bareh, ikan lauik, sayua mayua, jo kayu baka. Para panggaleh di Pasa Siteba indak mamakai tampek tatantu untuak manggala dagangannyo malainkan manggunokan alaih papan atau plastik tu saparo lai manumpang di emperan-emperan rumah panduduak nan talatak di dakek pasa.