Pasapoan

Pasapoan iyo lah barubek tradisional minangkabau. Tujuanyo sangaik murah iyolah untuak mancegak an panyakik damam. Alaik nan di gunoan adolah kunyik dan sagaleh aia putiah. Caro manggunoan nyo sangaik mudah tapi indak sadoalah e urang dapek manggunoan nyo. Karano pasapoan manggunoan bacoan-bacoan tatantu. Biasoanyo nan dapek mangarajoan hanyo urang bailmu. Salah surang ahli pasapoan mangatokan. Jikok indak ado paga diri mako pnyakik urang nan awak ubek an akan pindah ka si pangubek. Bahan utamonyo iyo lah kunyik nan di karek manjadi duo bagian, alah tu dilataan di ateh tangan. Salanjuik nyo di puta-putaan. Jikok kunyik ciek tabukak dan nan ciek tatutuik barati urang tu damam, dan jikok kunyik samo-samo tabukak baarti urang tu tasapo. Tasapo mungkin karano takabua dalam mangecek, bajalan karimbo surang-surang. Kunyik di masaan kadalam galeh lalu aianyo diminum, sasudah maminum kunyik di gosoan di pasandian tubuah, kayak siku, bahu, lutuik dan lain-lain. Bulieh pacayo atau indak karano nan mambari kuaso hanyo Allah swt. Kito hanyo yakin kapado Allah.

Rujuakan