Pasa pitih
Pasa pitih dapek didefinisian sabagai tampek (bisa fisik jo nonfisik) batamunyo pihak nan mampunyoi kalabihan dana (surplus dana) jo pihak nan kakurangan dana (defisit dana). Pihak defisit jo nan balabiah dana marupokan duo pihak utamo di pasa pitih. Maskipun ado duo pihak utamo nan talibek dalam pasa pitih, untuak mamfasilitasi aliran dana tasabuik, banyak pihak nan talibek, khususnyo lambago parantaro (nan kamudian disabuik sabagai lambago parantara kauangan). Parantaro kauangan timbua untuak mambantu mangefektifan aliran dana dari pihak surplus kapado pihak defisit dana. Dalam pasa pitih ko, aliran dana dipalanca dengan muncuanyo instrumen pitih (sekuritas atau surek barago). Instrumen pitih pado dasarnyo marupokan surek pajanjian nan malibekan pihak surplus jo defisit dana, dalam kaitannyo jo aliran dana.[1]
Pasa pitih mamainkan paran pantiang dalam mamfasilitasi kalancaran operasi ekonomi kapitalis dengan mengalokasian sumber daya jo manciptakan likuiditas untuak bisnis jo pangusaho.[2]
Jinih-jinih pasa pitih suntiang
Pasa pitih dapek dibagi kadalam babarapo sub jinih sarupo:
- Pasa modal nan tadiri dari pasa primer jo pasa sekunder nan tabagi lai manjadi:
- Pasa saham, nan marupokan sarana pambiayaan malalui panabitan saham, jo marupokan sarana padagangan saham.
- Pasa obligasi, nan marupokan sarana pambiayaan malalui panabitan obligasi nan marupokan sarana padagangan obligasi.
- Pasa komoditi, nan mamfasilitasi padagangan komoditas.
- Pasa pitih, nan marupokan sarana pambiayaan utang jangka pendek jo investasi.
- Pasa derivatif, nan marupokan sarana nan manyadiokan instrumen untuak mangelola risiko pitih.
- Pasa asuransi, nan mamfasilitasi redistribusi dari babagai risiko
- Pasa valuta asiang, nan mamfasilitasi padagangan valuta asiang.
Pasa pitih suntiang
Pasa pitih marupokan bagian dari pasa pitih basamo jo pasa modal. Pasa modal adolah pasa pitih tampek dipadagangannyo instrumen pitih jangka panjang, sadangkan pasa pitih alah pasa pitih tampek dipadagangkannyo instrumen pitih jangka pendek. Contoh insrumen pitih jangka panjang adolah obligasi karano jatuah tempo obligasi jatuah labiah dari satahun. Contoh instrumen jangka pendek adolah Commercial Paper (CP) jatuah tempo dalam wakatu kurang dari satahun. Tantunyo dalam kanyataannyo, indak ado pamisahan nan jaleh antaro pasa pitih jo pasa modal karano kaduaonyo bisa sajo tajadi di wakatu jo tampek nan basamoan.[1]
Padagangan suntiang
Padagangan atau jua-bali instrumen pitih dapek diadokan di pasa modal nan marupokan bagian dari pasa pitih. Instrumen pitih nan dipajuabalikan dalam pasa modal basifaik jangka panjang jo baragam bantuak. Dalam pasa modal, jinih instrumen nan dipadagangkan maliputi instrumen kas maupun insturmen derivatif. Jinih instrumen kas pado pasa modal iolah saham, obligasi, waran, right, jo obligasi konventibel. Sadangkan jinih instrumen derivatif barupo opsi.[3]
Bursa efek suntiang
Bursa efek utamonyo malakukan jua bali saha, obligasi, jo sertifikat reksadana. Saham maarupokan tando bukti panyaratoan modal jo bukti pamilikan ateh suatu perseroan tabateh. Dividen akan diagiah kapado pamilik saham sabagai bagian dari kauntuangan usaho. Obligasi marupokan tando utang nan dikaluakan parusahaan atau pamarentah kapado masyarakat jo pambayian bungo. Sadangkan sertifikat reksadana marupokan surek barago nan mangantikan suatu surek barago atau sakumpulan surek barago lainnyo.[4]
Rujuakan suntiang
- ↑ a b M.Hanafi, Mamduh. Teori Portofolio dan Analisis Investasi. (Gadjah Mada University Press, 2020). Jogyakarta. 978-602-386-198-9
- ↑ Anindya Utami, Fajria (05 Agustus 2021). "Apa Itu Pasar Keuangan?". wartaekonomi.co.id. Warta Ekonomi. Diakses tanggal 16 Oktober 2023.
- ↑ Afrianty, dkk. (2020). Lembaga Keuangan Syariah (PDF). Bengkulu: CV. Zigie Utama. hlm. 77. ISBN 978-623-7558-46-0. Diarsipkan dari versi asli (PDF) tanggal 2021-07-17.
- ↑ Dinar, M., dan Hasan, M. (2018). Pengantar Ekonomi: Teori dan Aplikasi (PDF). Makassar: CV. Nur Lina. hlm. 52–53. ISBN 978-602-51907-3-5.