Paramore

Paramore adolah grup musik pop punk nan dibantuak taun 2004. Paramore bahasa dari Amerika Serikat dan markasnyo Ado di Franklin, Tennessee. Kini grup musik ko formasinyo diisi dek 3 urang, yaitu Hayley Williams subagai vokalis, Taylor York subagai gitaris, dan Zac Farro nan mamainkan drum

Paramore
(Ki–Ka): Zac Farro, Hayley Williams, anggota tur Joey Howard, dan Taylor York tampil pada tahun 2017
Informasi latar belakang
Asa	Franklin, Tennessee, AS
Genre	Emo Rock alternatif Power pop Pop punk
Taun aktif	2004–sekarang
Label	Fueled by Ramen MCR, Atlantic
Artis terkait	Novel American, Farro
Situs web	Paramore.net
Anggota	Hayley Williams Taylor York Zac Farro
Mantan anggota	Jason Bynum John Hembree Hunter Lamb Josh Farro Jeremy Davis

Album debut dari band Iko adolah "All We Know is Falling" nan dirilis pado taun 2005 dan berhasil manampekan paringkem partamo di ampek UK Rock Chart album Inggris pado taun 2009, sarato barado di nomor 30 di Billboard's Heatseekers Chart Amerika pado taun 2006.

Taun 2007, Paramore mambuek album nan dinamoi "Riot!". Dek karano single "Misery Business", "Crushcrushcrush", jo "That's What You Get", album "Riot!" pun sukses gadang dan mandapekan sertifikasi 3x Platinum di Amerika Serikat. Paramore kamudian mandapek nominasi subagai Artis Pendatang Baru Terbaik di Penghargaan Grammy pado taun 2008. Album salanjuiknyo adolah "Brand New Eyes" nan dirilis taun 2009. Album tasabuik kini manjadi album jo paringkek paliang tinggi kaduo dari Paramore hinggo hari ko. Album "Brand New Eyes" pun mandapek paringkek #2 di Billboard 200 Amerika sarato laku sabanyak 175.000 di minggu partamo. Indak hanyo itu, album tasabuik pun dianugerahi sertifikasi platinum. Hal Iko pun mambuek single nan masuak Top 40 "The Only Exception" sarato mandapekan sertifikasi platinum di Irlandia dan Inggris; ameh di AS, Kanada, Australia, tamasuak Selandia Baru.

Sasudah Josh dan Zac Farro maningga pado taun 2010, Paramore babaliak mambuek album kaampek self-titled, Paramore, tapeknyo di tahun 2013. Album ko manjadi album partamo Paramore nan partamo duduak di Billboard 200 AS dan album partamo di Inggris Raya, Irlandia, Australi, Selandia Baru, Brasil, Argentina, sarato Meksiko. Album ko punyo duo single nan paliang hit, yaitu "Still Into You" dan "Ain't It Fun" sekaligus jadi nan terakhir nan mandapek penghargaan Grammy Award untuak Best Rock Song bagi Williams dan York subagai penulih lagu. Hal tasabuik pastinyo manjadi Grammy Award partamo Paramore. Sasudah siklus album ko, formasi Paramore barubah sakali lai karano Jeremy Davis nan marupoan bassis mamiliah untuak maninggaan band sabalun taun 2015 abih. Taun 2017 mantan drummer Paramore nan pernah cabut (Zac Farro) dulu babaliak baliak. Paramore taruih berkarya dengan mambuek album kalimo nan dinamoi "After Laughter" di akhir taun 2017. Album kaanamnyo dinamoi "This is Why" dirilis tanggal 10 Februari 2023.

Sijarah

Paramore dibuek pado taun 2004 di Frankli, Tennessee, AS dek vokalisnyo nan banamo Hayley Williams, gitaris Josh Farro, Zac Farro drummer, dan Jason Clarke nan marupokan bassist. Namun, wakatu urang ko ka masuak label major, pihak label tasabuik Indak satuju kalau di band ko ado Taylor York jo Jason Clark, tapi kamudian Hayley mambaok bassis (Jeremy Davis) dan gitaris (Jason Bynum) untuak manggantian urang tu dan kamudian pihak label baru satuju. Taun 2015, Paramore pun manandotangani kontrak basamo Fueled by Ramen pado bulan April. Namo Paramore diketahui adolah Namo ibu dari bassis partamo band tasabuik (Jason Clarke).

2005–2006: All We Know Is Falling

Album partamo Paramore dinamoi "All We Know is Falling" nan dirilis pado bulan Juli taun 2005. Dari album ko Paramore marilis 3 single, yaitu Pressure, Emergency, dan All We Know. Walaupun baitu, album ko dibuek tanpa Jeremy Davis subagai bassist. Hal tasabuik dikaranokan Jeremy kalua dari Paramore sabalun proses rekaman. Dek karano itu, album ko hanyo dikreditkan untuak ampek personel. Sabananyo Jeremy nan kalua dari band cukuik badampak gadang bagi Paramore. Itulah nan manjadi alasan atau inspirasi bagi Hayley untuak manulih lagu All We Know. Lagu tasabuik ado salah satu baitnyo nan baisi kalimat "All We Know is Falling". Di album ko ado pulo lagu nan batajuak Conspiracy nan marupokan lagu partamo nan ditulis dek sadoalah personel. Lagu "My Heart" jadi satu-satunyo lagu nan ado scream dari Josh Farro subagai backing vocal.

Salamo tur AWKIF, Paramore mambaok John Hembree subagai bassist. Walaupun demikian, Indak lamo sasudah itu Jeremy babaliak KA Paramore baliak. Wakatu Paramore marilis Emergency subagai single kaduo dari album ko, Jason Bynum alah indak jadi bagian dari band dan digantian dek Hunter Lamb. Taun 2007, Hunter Lamb pun mamiliah untuak hengkang dari band karano akan manikah.

2007–2008: Riot! dan proyek lain

Meskipun formasi Paramore hanyo diisi dek 4 urang, wakatu band ko marilis album "Riot!" pado bulan Juni 2007, album tasabuik barado di paringkek #15 di Amerika dan #24 di Inggris, manjadi album paliang sukses nan mandapek sertifikasi sarupo sertifikasi 3x Platinum di Amerika dan platinum di Inggris. Dari album ko, Paramore marilis ampek single, yaitu "Misery Business", "Hallelujah", "Crushcrushcrush", dan "That's What You Get". Single partamo Paramore nan batajuak "Misery Bussiness" mandapek kritik nan positif sarato manjadi hits sacaro capek hinggo mambuek namo Paramore maroket.

Salamo tur "Riot!", Paramore maminta Taylor York kawan lamonyo untuak manjadi gitaris tambahan salamo tur. Taun 2008, Paramore mambatalan konsernyo di Eropa untuak manyalasaian masalah internal band. Di bawah sadoalah kendala nan dialami dek Paramore, band ko marilis single baru nan batajuak "That's What You Get" di bulan Maret 2008. Namun, sasudah masalah internal band ko, pado bulan Mei 2008 Hayley manyatokan bahwasannyo Paramore akan maadoan tur The Final Riot! Tur tasabuik direkam dan dijadikan album live partamo nan diagiah judul "The Final Riot!" nan dirilis pado bulan November 2008.

Bulan Oktober taun 2008, Paramore marilis single baru nan dinamoi "Decode". Judul ko diambiak dari OST. film Twilight Saga. Paramore manyumbang 2 lagu untuak OST film tasabuik, yaitu "Decode" dan "I Caught Myself". Bulan November, video klip dari "Decode" mulai diputa untuak partamo kalinyo. Dek karano jadi band nan bakontribusi dalam OST film Twilight Saga, namo Paramore manjadi samakin gadang. Lagu "Decode" pun masuak nominasi MTV movie awards untuak kategori "Best Soundtrack".

2020–sekarang: Album Kaanam

Pado 15 Mei 2021, lewaik akun X-nyo Hayley Williams maumuman akan mamulai baliak untuak mamproduksi album baru sasudah sempat maumuman untuak beristirahat sabanta pado tahun 2019. Masuak ka bulan Januari tanggal 11 taun 2022, lewaik wawancara tatulis lewat surel jo Rolling Stone, Hayley maumuman baso inyo, Zac Farro, jo Taylor York sadang mamulai proses marekam album baru di Nashville. Tanggal 29 September 2022, Paramore marilis single untuak album kaanam nan dinamoi "This is Way" dan maumuman album barunyo nan batajuak This is Way akan kalua pado 10 Februari 2023.

Anggota

Anggota tetap

• Hayley Williams – vokal, piano (2004–sekarang)
• Taylor York – gitar, glockenspiel, perkusi (2009–sekarang)
• Zac Farro – drum, perkusi (2004–2010), (2016–sekarang)

Anggota tour

• Justin York – gitar lead, backing vokal (2010–sekarang)
• Joey Howard - bass (2016–sekarang)
• Logan MacKenzie - gitar, synthesizer (2017–sekarang)
• Joey Mullen - bongos (2017–sekarang)

Mantan anggota

• Jeremy Davis – bass (2004, 2005–2015)
• Josh Farro – gitar, backing vokal (2004–2010)
• Hunter Lamb – gitar rhythm (2005–2007)
• Jason Bynum – gitar rhythm, backing vokal (2004–2005)
• John Hembree – bass (2005)

Mantan anggota tour

• Josh Freese – drum (2010–2011)
• Jason Pierce – drum (2011–2012)
• Hayden Scott – drum (2012)
• Ilan Rubin – drum (2012–2013)
• Aaron Gilespie – drum (2013–2016)

Catatan: Taylor York telah menjadi anggota tour sejak tahun 2007 sebelum menjadi anggota tetap pada Juni 2009.

Diskografi

• All We Know Is Falling (2005)
• Riot! (2007)
• Brand New Eyes (2009)
• Paramore (2013)
• After Laughter (2017)
• This Is Why (2023)

Pranala luar

• Situs resmi
• Official Fan Club Archived 2008-10-26 di Wayback Machine.