Paragede jaguang

Paragede jaguang marupokan makanan nan mandapek tampek khusus jo masyarakaik Padang Panjang. makanan ko bisa ditamui di sapanjang jalan lintas Sumatera Barat jo pasa-pasa di Padang Panjang. Biasonyo, panjojo paragede jaguang manjojoan makanan ko ka panumpang bus atau kendaraan umum nan malinteh di jalan lintas Sumatera Barat. Katiko bus atau kendaraan umum baranti untuak istirahaik atau maisi bensin, banyak panjojo paragede jaguan nan naiak ka dalam untuak manjojoan galehnyo. Di Lambah Anai nan marupokan jalan lintas Padang-Bukittinggi, ado nan namonyo Pangkalan Paragede. Satiok bus atau kendaraan umum biasonyo baranti sabanta sabalum malanjuikan perjalanan. kalau dari arah Bukiktinggi-Padang bisa ditamui pangkalan paragede ado di jalan lintas di Padang Panjang.

Paragede jaguang

Bahan utamo untuak mambuek paragede jaguang adolah jaguang manis, tapuang tarigu, batang saladari nan diirih, daun bawang nan diirih, marica bubuak, garam jo gulo sacukuiknyo. kudian ditambah talua, lado merah, bawang merah jo bawang putiah sacukuiknyo. Caro mambueknyo, saluruah bahan nan sasuai agaknyo dialuihan sudah tu aduak manjadi ciek adonan. Kudian adonan tu digoreng jo minyak labiah kurang salamo limo minik. Biasonyo adonan dibantuak sagadang sendok makan. Paragede jaguang ko, lamaknyo dimakan pas masih angek-angek.