Pantek adolah sabuah nomina babahaso Minang nan bamukasuik subagai sabuah hinaan kasek atau caruik.

Kato ko baraka dari kato lubang pantek, nan marujuak pado alaik kamaluan padusi. Alun jaleh sajak bilo inyo barubah manjadi suatu kato caruik, namun masyarakaik Minang di Sumatera Barat maupun di rantau sacaro umum manggunoan kato ko dalam pembicaraan sahari-hari,[1] tautamo pado kondisi berang pado urang lain.[2][3] Kato ko alah pulo masuak ka dalam dunia sastra, contoh utamonyo pado novel Negara Kelima karangan E.S. Ito.[4]

Saindaknyo dalam satu kajian ilmiah, kato "pantek" dapek disandiangkan aratinyo jo fuck di dalam bahaso Inggirih, iyolah subagai suatu kieh nan indak bakaik lansuang jo arti aka kato usalinyo.[5] Kato-kato lain nan baraka dari kato "pantek" ko antaro lain "pantek mande ang".[6]

Rujuakan

  1. Wibisono, Nuran (12 Oktober 2016). "Memakilah Sebelum Memaki Itu Dilarang!". Tirto. Diakses 10 Januari 2019.
  2. Harjo (30 Januari 2018). "Penyebar Ujaran Kebencian Terhadap Suku Minang di Bintan Akhirnya Minta Maaf." Batam Today. Diakses 10 Januari 2019.
  3. (22 April 2014). "Mengumpat saat Klarifikasi Nepotisme, Gubernur Riau Didemo Mahasiswa". Detik. Diakses 10 Januari 2019.
  4. Ito, E.S. (2008). Negara Kelima: Sebuah Novel. Jakarta: Penerbit Serambi.
  5. Putra, Rahman; Novia Juita; dan Ngusman (September 2013). "Ungkapan Emosi Masyarakat dalam Bahasa Minangkabau di Nagari Tanjung Bingkung, Kecamatan Kubung, Kabupaten Solok." Bahasa dan Sastra (Universitas Negeri Padang) 2: 1. DOI 10.24036/822950. ISSN 2302-3538.
  6. Ningsih, Sari Deswita; Agustina; dan Ngusman (Maret 2018). "Nomina Makian dalam Bahasa Minangkabau di Terminal Aua Kuniang, Bukittinggi". Bahasa dan Sastra (Universitas Negeri Padang) 5: 2. DOI 10.24036/896150. ISSN 2302-3538.