Panjarahan Amorion

Panjarahan Amorion (disabuik Ammuriyah di sumber Muslim) nan dilakuan dek Kekhalifahan Abbasiyah pado patangahan Agustus 838 marupoan salah ciek kajadian tapantiang dalam sijarah Paparangan antaro Arab-Bizantium. Pasukan Abbasiyah dipimpin sacaro langsuang dek Khalifah Al-Mu'tashim (mamarintah 833–842) nan batujuan mambaleh panyarangan nan alah dilakuan dek Kaisar Bizantium Teofilos (mamarintah 829–842) tahadok wilayah pabatehan kekhalifahan satahun sabalumnyo. Khalifah al-Mu'tashim manyarang Amorion, Kota di Anatolia bagian barek, karano tampek tasabuik iolah tampek kalahiran dinasti pamarentahan Bizantium jo salah ciek kota tagadang jo tapantiang di Bizantium katiko maso tuh. Sang Khalifah samparono mangumpuan pasukan dalam jumlah nan gadang, kudian inyo bagi duo. Kaduo pasukan iko manyarang dari timua lauik jo salatan. Pasukan timua lauik samparono mangalahan pasukan Bizantium nan dipimpin dek Teofilos di Anzen, hasilnyo pasukan Abbasiyah dapek masuak padalaman Asia ketek jo bakumpua di Ankira, nan ditamuan dalam keadaan ditingaan. Sasudah manjarah kota tasabuik, inyo pai ka salatan. Pasukan timua lauik samparono mangalahan pasukan Bizantium nan dipimpin dek Teofilos di Anzen, dek bakitu pasukan Abbasiyah dapek masuak padalaman Asia Ketek dan bakumpua di Ankira, nan nampak alah ditingaan. Sasudah manjarah kota tasabuik, inyo pai ka arah salatan manuju Amorion. Tibolah dikota tasabuik 1 Agustus. Teofilos indak dapek mangiriman bala bantuan ka Amorion akibek pasakongkolan di Konstantinopel jo pambarontakan kontingen Khurramiyah.

Panjarahan Amorion
Bagian dari Paparangan antaro Bizantium jo Abbasiyah
Siege_of_Amorium.jpg Miniatur dari Skylitzes Matritensis nan manggambaran pangapuangan Amorion dek pasukan Abbasiyah
Tangga Agustus 838 Tampek Amorion, Kekaisaran Bizantium (kini di Turki) Asia Kota Amorion dirabuik jo dihancuaan dek Abbasiyah
Pihak nan talibaik
Kekaisaran Bizantium	Kekhalifahan Abbsiyah
Kumandan
Kaisar Teofilos Aetios	Khalifah al-Mu'tashim Afsyin Asyinas Ja'far bin Dinar al-Khayyat 'Ujayf bin 'Anbasa
Kakuatan
Sakitaran 40.000 prajurik angkatan daraik jo sekitar 30.000 di Amorion	80.000
Korban
30.000-70.000 prajurik jo warga tewas	Indak dikatahui

Amorion mampunyoi patahanan nan sangaik kuaik, tapi ado ciek urang nan bakhianaik mambocoran titiak lamah di tembok kota tasabuik, hasilnyo pasukan Abasiyah mamusekan serangannyo di tampek tasabuik hinggo manjebol kota. Boiditzes nan marupokan panglima di sisi tembok tasabuik kamudian mancubo barundiang jo Abasiyah tanpa mambaritahuan atasannyo talabiah dahulu. Inyo lalu sapakaik gencatan senjata dan maninggaan tampeknyo batugas, sahingggo pasukan Abasiyah dapek masuak kota Amorion jo marabuiknyo. Amorion dihancuakan jo indak dapek bangkik lai sarupo sabalumnyo. Banyak warganyo nan dibantai dan sisonyo dipabudak. Kabanyakan nan salamaik akhirnyo dilapehan sasudah dimufakaikan gencatan senjata pado taun 841. Namun para pajabaik pantiang dibawok ka ibu kota Abasiyah di Samarra dan babarapo taun kamudian dihukum mati karano manulak masuak Islam. Samanjak itu, urang tu disabuik jo 42 Martir Amorion. Paristiwa tasabuik juo dijadian subjek dek Abu Tammam dalam mambuek Syair Pujian tantang Panaklukan Amuriyyah (bahasa Arab: بمناسبة معركة عمورية‎) dan dimanfaaikan sabagai sarana untuak malegitimasi kakuasaan dek Al-Mu'tashim.

Panaklukan Amorion indak hanyo manjadi malapetaka bagi Teofilos, tapi juo mambuek trauma rakyat Bizantium, sarupo nan bisa diliek dalam karya-karya sastra nan ditulih sasudahnyo. Panjarahan iko memang indak marubah kasaimbangan kakuatan antaro Bizantium jo Abbasiyah, Sacaro palahan, Bizantium malah samakin manguaik. Tapi, dampak gadangnyo dari paristiwa iko dapek ditilik dari segi keagamaan. Kaisar Teofilos sangaik mandukung ikonoklasme (panolakan gambar-gambar dalam baragama) nan diyakini akan marahmati Bizantium jo kamanangan nan gamilang. Panjarahan iko maruntuahan kayakinan tasabuik, hasilnyo kajatuhan Amorion manjadi faktor pantiang nan mandorong urang-urang maninggaan ikonoklasme sasudah Teofilos wafat pado taun 842.

Lankah mulo kampanye: Anzen jo Ankira

Peta kampanye militer Bizantium dan Abbasiyah pada tahun 837–838, menampilkan penyerbuan yang dilancarkan oleh Teofilos ke Mesopotamia Hulu dan serangan balasan al-Mu'tashim ke Asia Kecil (Anatolia), yang berpuncak pada perebutan Amorion.

Khalifah al-Mu'tashim mambagi pasukannyo manjadi duo. Kalompok nan labiah ketek tadiri dari 10.000 prajurit Turki di bawah kapamimpinan Afsyin dikirim ka timua lauik untuak bagabuang jo pasukan Armenia. Panguaso-panguaso Artsruni dari Vaspurakan jo Bagratuni dari Taron talibek sacaro langsuang jo kampanye militer iko.{sfn|Whittow|1996|p=215}} Basamo jo urang ko, kalompok ko akan manyarang distrik Armeniakon dari jalur gunuang Hadats. Samantaro tuh, kalompok utamo di bawah kapamimpinan Khalifah al-Mu'tashim akan manyarang Kapadokia malalui jalur gunuang Kilikia. Garda muko pasukan utamo Abbasiyah dipimpin Asyinas, samantaro Itakh manjadi panglima sayok suok, ja'far bin Dinar al-Khayyat di sayok kida, jo 'Ujaif bin 'Anbasa di tangah.Kaduo pasukan nan alah tabagi ko barancano akan bagabuang di Ankira jo kudian mangarik basamo manuju Amorion. samantaro tuh, Teofilos langsuang mangingek niatan sang Khalifah. Inyo basamo tantaranyo mangarik dari Konstantinopel pado awal bulan Juni. Pasukannyo maliputi paro prajurik dari Antolia jo mungkin juo dari distrik-distrik di Eropa, ditambah jo tagmata (samacam batalion atau resimen) elit jo dan pasukan Khurramiyah. Pasukan Bizantium mampakiroan bahwasanyo pasukan Abbasiyah akan manggarik ka arah utaro ka Ankira sasudah malewakan jalur gunuang Kilikia jo kudian baputa ka salatan manuju Amorion. Tapi inyo juo maraso tadapek kamungkinan pasukan Abbasiyah akan manggarik sacaro langsuang malintasi dataran Kapadokia manuju Amorion. Dalam rangka mancagah pasukan Abbasiyah mancapai tujuannyo dan juo pasukan Bizantium indak tapacah, Paro panglimo Bizantium surang alah mambarian nasihat agar Amorion dieksekusi.

Latar Balakang

Pado taun 829, katiko kaisar mudo Teofilos (lahia 813) naiak ka tampuak kakuasoan di Bizantium, negaranyo alah bakali-kali baparang malawan kekhalifahan Islam salamo hamia duo abaik, lai juo badamai katiko itu salamo hampia duo puluah taun akibek bakacamuaknyo parang sudaro di kekhalifahan Abbasiyah. Pado maso kanaikan takhta Teofilos, kaum Muslimn malanjuikan sarangannyo di timur di bawah kapamimpinan Khalifah al-Ma'mun (mamarintah 813-833). Samantaro tuh, di sabalah baraik, pasukan Muslim samparono manunduakan Sisilia sacaro batahap dari tangan Bizantium sajak taun 827. Teofilos iolah sosok nan ambisius jo juo panganuik ikonoklasme nan sangaik taguah. Iklonoklasme marupokan kayakinan nan malarang panggambaran tokoh-tokoh ilahi jo pamuliaan ikon-ikon. Inyo mancubo mangukuahan rejimnyo jo caro mampakuaik kabijakan Ikonoklasme jo caro mamparoleh kamanangan dalam parang malawan Abbasiyah, musuah gadang Kekaisaran.

Dengan makasuik untuak mandapen barakaik Allah jo mambaleh pasangkokolan kaum "ikonofil", Teofilos manindeh urang-urang "ikonofil" jo urang lainyo nan dianggok sasaik pado Juni 833, tamasuak jo malakuan panangkokan, pangasiangan, pamukulan, jo panyitaan harato. Dari suduik pandang para pandukung ikonoklasme, Allah nampak alah marastui tindakan tasabuik. Al-Ma'mun wafaik pado tahap-tahap partamo sarangan gadang-gadangan nan diluncuaan Abbasiyah supayo dapek manaklukan Konstantinopel, samantaro saudara sakaligus panaruihnyo, al-Mu'tashim, mamiliah untuak mamusekan parhatiannyo pado urusan-urusan dalam negeri karano inyo manghadok'i kasulikan dalam managakan kakuasaannyo. Al-Mu'tashim harus mamadaman pambarontakan sekte Khurramiyah nan dipimpin dek Babak Khoramdin.Dek karano iko mamungkinan Teofilos untuak mancetak babagai kamanangan hanyo dalam babarapo taun. Salain tuh, inyo juo dapek manggalambuangan jumlah pasukannyo jo manambah 14.000 pangungsi Khurramiyah nan dipimpin dek Nasr. Kudian Nasr dibaptis manjadi Kristen jo diagiah namo Teofobos. kamanangan nan didapek dek Teofilos sabananyo biaso-biaso sajo, tapi dek acok dirunduang kakalahan jo parang sudaro salamo duo dasawarsa di bawah kepemimpinan kaisar-kaisar nan "ikonofil", Teofilos maraso inyo berhak mangklaim kamanangan tasabuik untuak mampakuaik kabijakan ikonoklasmenyo. Mako dek itu, sang kaisar mulai mangaikan dirinyo jo kaisar ikonoklas sabalumnyo nan fanatik jo bajayo dalam bidang militer, Konstantinus V (mamarentah 741-775). Inyo juo mangaluan koin follis tembaga jinih baru nan dicetak dalam jumlah nan godang. Pangambaran pado koin tasabuik manampilan dirinyo sabagai kaisar Romawi nan gamilang samparono. Pado taun 837, dek karano desakan dari Babak, Teofilos mamutuihan untuak mamanfaaikan kamaluik nan dihadok'i dek Abbasiyah jo caro malancaan kampanye militer kapado zona pabatehan nan dikuasai Muslim. Inyo mangumpuan pasukan dalam jumlah nan sangaik gadang, nan tadiri dari kiro-kiro 70.000 prajurik tampua dengan jumlah kasadoalah sagadang 100.000 urang (manuruik ath-Thabari. Inyo kudian manyorang wilayah Abbasiyah di sakitar daerah hulu Sungai Efrat tanpa manghadok'i palawanan nan berarti. Pasukan Bizantium marabuik kota Zibathra (Sozopetra) jo Arsamosata, manjarah daerah padesaan, mamparoleh pambayian dari babagai kota agar pasukan Bizantium indak manyarang, jo mangalahan sajumlah pasukan Abbasiyah nan bajumlah ketek. Manuruik sumber Abbasiyah, saurang padusi dari Bani Hasyim ditangkok dek pihak Bizantium dan mahariak "Wa-Mu'tashimah" (Wahai Mu'tashim!). Saruan iko konon mangarikan sang Khalifah.{sfn|Arberry|1965|p=52}} Kutiko Teofilos bapulang untuak marayoan kamanangan di Hipodrom Konstantinopel sabagai "juara nan indak tabandiang", paro pangungsi dari Zibathra mulai tibo di ibu kota al-Mu'tashim di Samarra. Pamarentah Abbasiyah dibuek murka dek kekejaman nan dilakuan dek paro panyarang tasabuik. Bizantium indak hanyo basakongkol jo paro pambarontak Khurramiyah, tapi konon di Zibathra (nan diklaim sabagai tampek kelahiran al-Mu'tashim dek babarapo sumber) inyo juo mambantai tawanan-tawanan laki-laki jo manjua sisonyo sabagai budak, samantaro babarapo tawanan wanita diperkosa dek pasukan Khurramiyah. Namun bakitu, parang nan di patiak dek Teofilos indak mampun manyalamaikan Babak jo paro pangikuiknyo. Pado akhir taun 837, inyo dikalahan di benteng pagunuangan punyo inyo surang dek panglima Agsyin. Babak malarian diri ka Armenia. Tapi, Babak kudian dikhianati, diserahan ka Abbasiyah, jo bakasudahan mati disiksa.

Daftar pustaka

• Arberry, A. J. (1965). Arabic Poetry: A Primer for Students. Cambridge: Cambridge University Press. https://books.google.com/books?id=Nw84AAAAIAAJ. 
• Bury, John Bagnell (1912). A History of the Eastern Roman Empire from the Fall of Irene to the Accession of Basil I (A.D. 802–867). London: Macmillan and Company. https://archive.org/details/ahistoryeastern00burygoog. 
• Canard, M. (1986). "'Ammūriya". The Encyclopedia of Islam, New Edition, Volume I: A–B. Leiden and New York: Brill Academic Publishers. p. 449. ISBN 90-04-08114-3. 
• Christophilopoulou, Aikaterine (1993). Byzantine History, Volume II, from 610 to 867. Translated from Greek by Timothy Cullen. Amsterdam: A.M. Hakkert. ISBN 978-90-256-1044-9. https://books.google.com/books?id=YQ5DYgEACAAJ. 
• Haldon, John F. (1999). Warfare, State and Society in the Byzantine World, 565–1204. London: University College London Press. ISBN 1-85728-494-1. https://books.google.com/books?id=OVyjQgAACAAJ. 
• Ibrahim, Qasim A.; Saleh, Muhammad A. (1996). Buku Pintar Sejarah Islam. Jakarta: Zaman. ISBN 978-602-17919-5-0. https://books.google.com/books?id=1s9nCwAAQBAJ. 
• Ivison, Eric A. (2007). "Amorium in the Byzantine Dark Ages (seventh to ninth centuries)". di dalam Henning, Joachim. Post-Roman Towns, Trade and Settlement in Europe and Byzantium, Vol. 2: Byzantium, Pliska, and the Balkans. Berlin and New York: Walter de Gruyter. pp. 25–59. ISBN 978-3-11-018358-0. https://books.google.com/books?id=3oCI8BVxcB8C&pg=PA25#v=onepage&q&f=false. 
• Kazhdan, Alexander P., ed (1991). Oxford Dictionary of Byzantium. New York and Oxford: Oxford University Press. ISBN 0-19-504652-8. 
• Kennedy, Hugh N. (2003). "Caliphs and Their Chroniclers in the Middle Abbasid Period (Third/Ninth Century)". di dalam Robinson, Chase F.. Texts, Documents, and Artefacts: Islamic Studies in Honour of D.S. Richards. Leiden: BRILL. pp. 17–35. ISBN 90-04-12864-6. https://books.google.com/books?id=axNbLoiLLgMC&lpg=PP1&pg=PA17#v=onepage&q&f=false. 
• Kiapidou, Irini-Sofia (28 April 2003). "Campaign of the Arabs in Asia Minor, 838". Encyclopedia of the Hellenic World, Asia Minor. Athens: Foundation of the Hellenic World. 
• Meinecke, Michael (1995). "al-Raḳḳa". The Encyclopedia of Islam, New Edition, Volume VIII: Ned–Sam. Leiden and New York: BRILL. pp. 410–414. ISBN 90-04-09834-8. http://referenceworks.brillonline.com/entries/encyclopaedia-of-islam-2/al-rak-k-a-COM_0907. 
• Rekaya, M. (1977). "Mise au point sur Théophobe et l'alliance de Babek avec Théophile (833/834-839/840)". Byzantion (dalam bahasa Prancis). Brussels. 44: 43–67. ISSN 0378-2506. 
• Treadgold, Warren T. (1988). The Byzantine Revival, 780–842. Stanford: Stanford University Press. ISBN 0-8047-1462-2. https://books.google.com/books?id=3TysAAAAIAAJ. 
• Vasiliev, A. A. (1935) (dalam bahaso fr). Byzance et les Arabes, Tome I: La Dynastie d'Amorium (820–867). French ed.: Henri Grégoire, Marius Canard. Brussels: Éditions de l'Institut de Philologie et d'Histoire Orientales. https://books.google.com/books?id=jlTPAAAAMAAJ. 
• Whittow, Mark (1996). The Making of Byzantium, 600–1025. Berkeley and Los Angeles: University of California Press. ISBN 0-520-20496-4. https://books.google.com/books?id=bFh-ASmKksYC.