Pangguno:Renita s.r/bak kasiak

Pamainan Rakyaik Tarian Kaba.

Tarian Kaba marupokan salah satu permainan rakyat Minangkabau. Tarian kaba iyolah panamoan untuak babagai jenis tari yang maangkek tema carito nan ado di kaba, tari nan maangkek tema carito di kaba banyak pulo ragamnyo. Gerakannyo bapusek pado tangan jo kaki nan malangkah dan marentak. Musik pangiriang pado umumnyo iyolah talempong dan adok (tarian dengan gerakan malingkar, hanyo dilakukan oleh laki-laki pado saat baralek). Adok bafungsi sabagai pangiriang nyanyian, talempong indak di gunokan pado waktu nyanyian karano suaro talempong nan langkiang tajam akan mambuek suaro nyanyian indak tadanga dengan jaleh. Walaupun namo permainan iko adolah tarian kaba, babagai jenis tarian iko labiah mautamoan nyanyian daripado tari.

Pola gerakan katiko penari banyanyi indak talalu bavariasi, bahkan ado nan malangkah biaso bakaliliang arena sarupo gaya tukang kaba manyampaikan carito dalam bantuak yang lain. Bedanyo iyolah tukang kaba bamain, manyanyi, bagerak, dan manokok alaik bunyi-bunyian surang diri, sadangkan tarian kaba dilakukan babarapo penari sarato di iriangan jo babarapo pamain gandang adok. Pokok dari tarian iko adolah nyanyiannyo, jikok nyanyian baranti karano papindahan adegan carito nan di nyanyian pamain akan manggarik-garikan badannyo. Contohnyo pado tarian ''si kambang'' atau di daerah lain ado nan manyabuiknyo ''buai-buai'' katiko manyanyi si pamain mambuek gerak saroman mangayunkan anak dalam gendongan atau mambuaikannyo dalam buaian. Dan katiko indak manyanyi , pamain sambia malangkah akan bakaliliang arena, gerakannyo saroman jo urang nan sadang manggendong anak . Pado tari buai-buai, si penari akan bakaliliang sambia manggendong anak dan kapalonyo manjunjuang sabuah kendi.

Kisah nan di angkek tarian iko tagantuang pado pesanan. Ado kalanyo panyanyi indak bakisah malainkan bapantun sarupo pandendang nan di iriangi jo rabab atau saluang. Sahabih manyanyikan duo, tigo pantun kambali mambuek gerakan-gerakan. Nan pantiang dan manarik hati panonton dalam mancaliak tarian iko iyolah buah nyanyian nan di ungkapkannyo.