Pangguno:Priacukupusia/bak kasiak

Al-Imam al-Allamah Abu Zakaria Yahya bin Syaraf an-Nawawi ad-Dimasyqi' (الإمام العلامة أبو زكريا يحيى بن شرف النووي الدمشقي), atau yang acok disabuik Imam Nawawi adolah salah saurang ulama gadang mazhab Syafi'i. Inyo lahia di kampuang Nawa, dakek kota Damaskus, pado tahun 631 H dan maningga dunia pado tahun 24 Rajab 676 H. Kaduo tampek itu kamudian manjadi nisbat namo inyo, an-Nawawi ad-Dimasyqi. Inyo adolah saurang pamikia muslim di bagian fiqih dan hadist.

Imam Nawawi pindah ka Damaskus pado tahun 649 H dan tingga di distrik Rawahibiyah. Di tampek iko inyo baraja dan talok mahapal kitab at-Tanbih hanyo dalam waktu ampek satangah bulan. Kamudian inyo mahapal kitab al-Muhadzdzabb pado bulan-bulan yang tasiso dari tahun itu, di bawah bimbiangan Syaikh Kamal Ibnu Ahmad.

Samaso hiduiknyo, inyo acok manyibukkan diri jo manuntuik ilmu, manulih kitab, manyebaan ilmu, ibadah, wirid, puaso, dzikir, saba dek ambuihan angin kahidupan. Pakaian inyo adolah kain kasa, samantaro surban inyo bawarna hitam dan ukurannyo ketek.

Guru-guru Imam Nawawi suntiang

Sang Imam baraja pado guru-guru yang cukuik tanamo, mode Abdul Aziz bin muhammad Al-Ashari, Zainuddin bin Abdud Daim, Imaduddin bin Abdul Karim Al-Harastani, Zainuddin Abul Baqa, Khalid bin Yusuf Al-Maqdisi An-Nabalusi dan Jamaluddin Ibn Ash-Shairafi, Taqiyuddin bin Aul Yusri, Syamsuddin bin Abu Umar.

Inyo baraja fiqih hadits (pamahaman hadits) pado asy-Syaikh al-Muhaqqiiq Abu Ishaq Ibrahim bis Isa Al-Muradi Al-Andalusi. Kamudian baraja fiqh pado Al-Kamal Ishaq bin Ahmad bin usman Al-Maghribi Al-Maqdisi, Syamsuddin Abdurrahman bin Nuh dan Izzuddin Al-Arbili sarato guru-guru lainnyo.

Murid-murid Imam Nawawi suntiang

Indak saketek ulama yang tibo untuak baraja ka Imam Nawawi. Di antaro urang tu adolah al-Khatib Shadruddin Sulaiman al-Ja'fari, Syihabuddin al-Arbadi, Shihabuddin bin Ja'wan, Alauddin al al-Athar dan yang mariwayatkan hadits darinyo Ibnu Abil Fath, Al-mazi dan lainnyo.

Karya suntiang

Imam Nawawi maninggaan banyak karya ilmiah yang tanamo. Jumlahnyo kiro-kiro ampek puluah kitab, di antaronyo:

Dalam bidang hadits:

Al-Arba'in An-Nawawiyah (الأربعين النووية), kumpulan 40 -tapeknyo 42- hadits pantiang.^[1]
Riyadhus Shalihin (رياض الصالحين),^[2] kumpulan hadits tentang etika, sikap dan tingkah laku yang kini ko banyak dipakai di dunia Islam.
Al-Minhaj (Syarah Shahih Muslim), (شرح صحيح مسلم), yang manjalehan kitab Shahih Muslim bin al-Hajjaj.^[3]
At-Taqrib wat Taysir fi Ma’rifat Sunan Al-Basyirin Nadzir. (التقريب والتيسير لمعرفة سنن البشير النذير), pangantar studi hadits.

Dalam bidang fiqih:

Minhaj ath-Thalibin (منهاج الطالبين وعمدة المفتين في فقه الإمام الشافعي).
Raudhatuth Thalibin,
Al-Majmu` Syarhul Muhadzdzab (المجموع شرح المهذب), panduan hukum Islam yang langkok.
Matn al-Idhah fil-Manasik (متن الإيضاح في المناسك), manjalehan tentang haji.

Dalam bidang bahaso:

Tahdzibul Asma’ wal Lughat.

Dalam bidang akhlak:

At-Tibyan fi Adab Hamalah al-Quran (التبيان في آداب حملة القرآن).
Bustanul Arifin,
Al-Adzkar (الأذكار المنتخبة من كلام سيد الأبرار), kumpulan doa Rasulullah.^[4]

Dan yang lainnyo:

Tahdzib al-Asma (تهذيب الأسماء).
Ma Tamas Ilaihi Hajah al-Qari li Shahih al-Bukhari (ما تمس إليه حاجة القاري لصـحيح البـخاري).
Tahrir al-Tanbih (تحرير التنبيه).
Adab al-Fatwa wa al-Mufti wa al-Mustafti (آداب الفتوى والمفتي والمستفتي).
At-Tarkhis bi al-Qiyam (الترخيص بالقيام لذوي الفضل والمزية من أهل الإسلام).