Pangangguran
Pangangguran atau tunakarya (bahaso Inggirih: unemployment) adolah istilah untuak urang nan indak bakarajo samo sakali, sadang mancari karajo, bakarajo kurang dari duo hari salamo saminggu, atau sasaurang nan sadang barusaha mandapekan pakarajoan nan layak. Umumnyo pangangguran disababkan karano jumlah angkatan karajo atau para pancari karajo indak sabandiang jo jumlah lapangan karajo nan ado sahinggo indak mampu manyerapnyo. Pangangguran acok kali manjadi masalah dalam parekonomian, karano dengan adonyo pangangguran, produktivitas jo pandapatan masyarakat akan bakurang sahinggo dapek manyababkan timbulnyo kamiskinan jo masalah-masalah sosial lainnyo. Pancarian karajo (bahaso Inggirih: job search) adolah proses mancocokkan pakarajo jo pakarajoan nan sasuai.[1]
Statistik pengangguran
suntiangJumlah pangangguran biasonyo sairiang jo patambahan jumlah panduduak sarato indak didukuang dek tasadionyo lapangan karajo baru atau kaengganan untuak manciptakan lapangan karajo (minimal) untuak dirinyo surang atau memang indak mamungkinkan untuak mandapekkan lapangan karajo atau indak mamungkinkan untuak manciptakan lapangan karajo. Sabananyo, kalau sasaurang manciptakan lapangan karajo, manciptaan lapangan karajo (minimal) untuak diri surang mako akan badampak positif untuak urang lain juo, misalnyo dari sabagian hasia nan diparoleh dapek digunoan untuak mambantu urang lain walau saketek sajo. Pado parekonomian nan maju, sabagian gadang urang nan manjadi pangangguran mamparoleh pakarajoan dalam wakatu singkek. Maskipun demikian, sabagian banyak pangangguran nan diamati dalam periode tatantu dapek disababkan dek sakalompok urang nan indak bakarajo untuak wakatu nan lamo.[2]
Jinih pangangguran
suntiangPangangguran dapek dibedakan manjadi duo macam yaitunyo badasarkan sumber jo panyababnyo dan badasarkan cirinyo. Badasarkan sumber jo panyebabnyo, pangangguran dapek dibedaan manjadi:[3]
- Pangangguran normal/friksional[3]
- Pangangguran siklikal[3]
- Pangangguran struktural[3]
- Pangangguran teknologi[3]
Sadangkan manuruik cirinyo, pangangguran dapek dibedaan manjadi:[4]
Pangangguran terbuka
suntiangPangangguran terbuka adolah pagangguran nan tajadi karano patambahan lowongan pakarajoan nan labiah randah dari patambahan tanago karajo akibaiknyo dalam parekonomian samakin banyak jumlah tanago karajo nan indak dapek mamparoleh pakarajoan.[3] [4]
Manuruik BPS, pangangguran terbuka tadiri ateh:
- Psnduduak nan sadang mancari pakarajoan[3]
- Panduduak nan sadang mamparsiapkan usaho[3]
- Panduduak nan maraso indak mungkin mandapek pakarajoan[3]
- Panduduak nan alah punyo pakarajoan[3]
Pangangguran tasuruak
suntiangPangangguran tasuruak adolah pangangguran nan tajadi karano panambahan pado tanago karajo nan dilakuan indak manghasilkan panambahan nan bararti pado tingkek produksi.[3] [4]
Pangangguran musiman
suntiangPangangguran musiman adolah pangangguran nan tajadi karano adonyo pagantian musim biasonyo tajadi pado sektor parikanan jo partanian.[3] [4]
Satangah manganggur
suntiangSatangah manganggur tajadi akibaik migrasi dari desa ka kota nan sangaik pesat sahinggo indak kasodo urang mamparoleh pakarajoan dengan mudah, sabagian manjadi panganggur sapanuah wakatu, ado pulo nan indak manganggur tatapi indak pulo bakarajo sapanuah wakatu dan jam karajo nyo adolah jauah labiah randah dari nan normal. Mereka mungkin hanyo bakarajo sahari hinggo duo hari saminggu.[3] [4]
Panyabab jo dampak pangangguran
suntiangPangangguran umumnyo disababkan karano jumlah angkatan karajo indak sabandiang jo jumlah lapangan pekerjaan nan mampu manyerapnyo. Salain itu kurangnyo informasi dimano pancari karajo indak mampunyoi akses untuak mancari informasi tentang parusahaan nan kakurangan tanaga karajo jo kurangnyo kaahlian nan dimiliki dek pancari karajo sarato kurangnyo parhatian pamarintah tahadok paningkatan softskiil pancari karajo manjadi panyebab tingginyo angko pangangguran di Indonesia.[5]
Tingginyo angko pangangguran badampak buruak untuak perekonomian, sarupo randahnyo tingkek kasajahteraan masyarakaik, randahnyo produktivitas dan pandapatan masyarakaik. Apobilo hal-hal tasabuik dibiaan mako pangangguran dapek manjadi masalah sosial, sarupo timbulnyo kamiskinan, tingginyo angko kajahatan,dan masalah sosial lainnyo.[6]
Rujuakan
suntiang- ↑ Media, Kompas Cyber (2020-11-19). "Pengangguran: Definisi dan Jenisnya Halaman all". KOMPAS.com (dalam bahasa Indonesia). Diakses tanggal 2021-04-20.
- ↑ Mankiw, G., Quah, E. & Wilson, P. (2013). Pengantar Ekonomi Makro. Jakarta: Salemba Empat ISBN 978-981-4384-85-8
- ↑ a b c d e f g h i j k l m Edyson Susanto, Eny Rochaida, Yana Ulfah (2017). "Pengaruh Inflasi dan Pendidikan Terhadap Pengangguran dan Kemiskinan". Inovasi. 13 (1): 21. ISSN 0216-7786. Diarsipkan dari versi asli tanggal 2022-10-05. Diakses tanggal 2021-04-20.
- ↑ a b c d e Trianggono Budi Hartanto, Siti Umajah Masjkuri. "Analsis Pengaruh Jumla Penduduk, Pendidikan, Upah Minimum dan Produk Domestik Regional Bruto (PRDB) di Kabupaten dan Kota Provinsi Jawa Timur Tahun 2010-2014". Jurnal Ilmu Ekonomi Terapan. 2 (1): 3. ISSN 2541-1470.
- ↑ Riska Franita (2016). "Analisa Pengangguran di Indonesia". Nusantara (Jurnal Ilmu Pengetahuan Sosial). 1: 89-90. ISSN 2541-657X.
- ↑ Trianggono Budi Hartanto, Siti Umajah Masjkuri (2017). "Analsis Pengaruh Jumlah Penduduk,Pendidikan, Upah Minimum dan Produk Domestik Regional Bruto (PRDB) Terhadap Jumlah Pengagguran di Kabupaten dan Kota Provinsi Jawa Timur Tahun 2010-2014". 2 (1): 1. ISSN 2541-1470.