Pamutuih dayo
Pamutuih dayo atau pamutuih tanago adolah pamutuih rangkaian listrik nan khusus mamutuih aruih lustrik pado tagangan karajo atau aruih hubuang singkek. Prinsip karajonyo iyolah manutuik dan mambuko kontak nan manghubuangkan aruih listrik. Pamutuih dayo dapek dikandalikan dari jarak jauah. Salain tu, proses karajonyo tajadi sacaro otomatis. Pamutuih dayo hanya akan bakarajo jiko aruih listrik nan malalui jaringan listrik melebihi nilai normal nan alah ditantuan dek parangkek iko. Babarapo jinih pamutuih dayo nan utamo maliputi pamutuih dayo minyak, pamutuih dayo udaro batokanan, pamutuih dayo sulfur heksafluorida, dan pamutuih dayo vakum. Tiok pamutuih dayo punyo pelat namo nan manyatoan babarapo informasi tontang kinerjanyo. Informasi nan sacaro umum disadiokan iyolah aruih konstan maksimum nan digunoan, aruih gangguan maksimum, nilai togangan saluran maksimum dan wakatu gangguan pado suatu siklus. Pamutuih dayo umumnyo malakuan deionisasi busur api sacaro copek untuak mamutuih aruih listrik pado jumlah godang. Proses tasabuik juo disarotoi jo pandinginan nan sangek copek. Pamutuih dayo umumnyo digunoan pado saluran transmisi tanago listrik. Nilai karajo dari pamutuih dayo dinyatoan sasuai jo boseghnyo aruih nan mampu diputuihnyo atau badasarkan dayo listrik jo satuan MVA.[1]
| Simbol Elektronik | |
|---|---|
 |
Rujuakan
suntiang- ↑ Kadir, Abdul (2010). Pembangkit Tenaga Listrik Edisi Revisi. Jakarta: UI Press. pp. 103-104. ISBN 979-456-168-1.
- Umum
- BS Standar Eropa (EN) 60898-1. Electrical accessories — Circuit breakers for over-current protection for household and similar installations. British Standards Institution, 2003.
Media tantang pamutuih dayo di Wikimedia Commons
