Wikipedia

Rafflesia arnoldii

(Dialiahkan dari Padma raksasa)

Rafflesia arnoldii, karubuik, atau cindawan biriang,[1] adolah spesies tumbuahan parasit babungo dari genus Rafflesia. Bungo ko tacataik sabagai bungo tungga paliang gadang di dunia.[2] Bungo ko mampunyoi baun nan sabana busuak cando bangkai, sainggo acok pulo diimbau bungo bangkai.[3] Inyo adolah tumbuahan endemik (asali) rimbo Sumatera jo Kalimantan.[4] Walau ado pulo tumbuahan lain nan labiah gadang bungonyo cando karubuik titan arum (Amorphophallus titanum) jo palma talipot (Corypha umbraculifera), kaduonyo sacaro teknis adolah kumpulan dari banyak bungo.

Rafflesia arnoldii
Rafflesia arnoldi Edit nilai pada Wikidata
Taksonomi
DivisiTracheophytes
SubdivisiSpermatophytes
KladAngiosperms
Kladmesangiosperms
Kladeudicots
Kladcore eudicots
KladSuperrosids
Kladrosids
KladEurosids
Kladfabids
OrdoMalpighiales
FamiliRafflesiaceae
GenusRafflesia
SpesiesRafflesia arnoldi Edit nilai pada Wikidata
R.Br., 1821
Tata namo
Asal namo Joseph Arnold (id) Terjemahkan Edit nilai pada Wikidata
Sinonim takson
  • Rafflesia titan Jack
Distribusi
Endemik (id) Terjemahkan Sumatra jo Kalimantan (id) Terjemahkan Edit nilai pada Wikidata
Ubah di Wikidata

Rafflesia arnoldii (bahaso Indonesia: padma raksasa) di Indonesia tamasuak ciek dari tigo bungo nasional. Duo bungo lainnyo yaitu bungo malua (malati) jo anggrek bulan.[5] Sacaro resmi dianggap sabagai bungo langka nasional (puspa langka nasional) manuruik Keputusan Presiden No. 4 tahun 1993.[6]

Sijarah

suntiang
 
Specimen Rafflesia arnoldii di Kyoto Botanical Garden

Urang Eropa partamo nan manamukan Rafflesia adolah panjalajah Parancih nan banamo Louis Auguste Deschamps. Pado maso itu, inyo malakukan panalitian ka Asia dan ditahan dek pihak Balando salamo tigo taun di Jawa, sarato diminta untuk manjalajah jo manaliti. Pado 1797 inyo mangumpuakan spesimen nan kini dikatahui sabagai Rafflesia patma. Salamo palayaran baliak di taun 1798, kapanyo diambiak Inggirih sainggo sadoalah panalitiannyo disita dek pihak Inggirih. Panalitiannyo dinyatokan ilang, dan akhianyo ditamukan pado taun 1954 di Museum Sijarah Alam Britania (British Museum of Natural History). Kajadian ko mambuek raso curiga di kalangan panaliti ka pihak Inggirih nan dianggap manyambunyikan panalitian Deschamps sabagai klaim kabarasilan nagarinyo surang.[7][8][9]

Pado 1818, ahli badah Inggirih, Joseph Arnold mangumpulkan spesimen Rafflesia spesies lain nan sangkek tu ditamukan dek palayan Malayunyo di Bengkulu, salamo maso pamarintahan Letnan Gubernur Bengkulu, Stamford Raffles.[10] Indak lamo sasudah itu, Armold maningga dek sakik dan hasia panalitiannyo disarahkan ka Robert Brown untuak dipalajari.[10] Brown kudian maagiah pidato sabalun patamuan Linnean Society of London pado bulan Juni 1820 dan di sinan inyo mantanamokan genus tumbuahan baru ko jo namo Raffesia untuak maagiah horomaik ka Raffles jo namo spesies arnoldii.[8]

Deskripsi

suntiang

Rafflesia arnoldii marupokan tumbuahan bapambuluah (vaskular). Walaupun baurek, inyo indak badaun, babatang, atau baurek surang, sarato indak baklorofil. Inyo iduik sabagai tumbuahan holoparasit (nan bagantuang jo induaknyo) dari genus Tetrastigma (Indonesia: Talikoja). Cando cindawan, R. arnoldii tumbuah dari untaian jaringan sarupo banang nan sapanuahnyo tatanam ka tumbuahan induaknyo untuak mandapek nutrisi jo aia. Satu-satunyo bagian darinyo nan dapek dikenali sabagai tumbuahan adolah bungonyo. Bungonyo gadang, barono coklat sirah, sarato babaun dagiang busuak.[1]

Bungo Rafflesia arnoldii tumbuah jo diameter mancapai sameter (3,3 kaki),[11] bareknyo mancapai 11 kilogram (24 lb).[12] Bungo-bungonyo kambang dari kuncuik saleba 30 cm (12 in), ampia sagadang lobak, nan barono sirah marun atau coklat tuo. Dari catatan salamo ko, kuncuik bungo paliang gadang nan panah tacataik ditamukan di Gunuang Sago pado bulan Mei 1956 nan mancapai diameter 43 cm.[13] Dek panaliti Indonesia, kuncuik bungo acok disabuik 'knop'.[14]

Ekologi

suntiang

Habitat

suntiang
 
Bungo Rafflesia arnoldii jo tuneh-tunehnyo

Rafflesia arnoldii ditamukan di hutan hujan primer jo sekunder. Tumbuah jo manompang ka tumbuahan induak. Satu-satunyo tumbuahan inangnyo di Sumatera Barat adolah Tetrastigma leucostaphylum. Tetrastigma surang sajinih parasit nan manggunokan kakuatan dari tagaknyo tumbuahan lain di sakitarnyo untuak mandapek cahayo. Wakatu mudo, Tetrastigma tumbuah manggulampai mamanjek pohon-pohon mudo cando jilatang gajah (Laportea stimulans) jo kopi robusta (Coffea canephora) di hutan primer. Tetrastigma ka manyalimuti tanaman inangnyo sainggo maalangi cahayo masuak ka dasa hutan dan hal iko disukoi dek Rafflesia arnoldii.[1]

Rafflesia arnoldii ditamukan dapek manompang tumbuah di tanah basa, netral, dan asam. Inyo indak tasuo jauah dari aia sarato ado di katinggian 490 inggo 1.024 meter.[1]

Reproduksi

suntiang

Tuneh R. arnoldii paralu babarapo bulan untuak dapek tumbuah dan hanyo etongan ari untuak kambang bungonyo. Jinih bungonyo adolah gonochoris, nan aratinyo hanyo ado ciek jinih kelamin untuak ciek bungo, dan paralu kaduo bungo supayo penyerbukan barasia.[1]

Katiko R. arnoldii siap untuak bareproduksi, tuneh ketek tabantuak kalua dari urek atau batang inangnyo nan kudian dapek bakambang dalam maso satahun. Tunehnyo babantuak lobak nan samakin lamo mambukak manjadi bungo. Putiak ataupun banang sarinyo malakek jo cakram baduri nan ado di dalam bungo. Baun busuaknyo mamikek langau untuak inggok. Supayo penyerbukannyo barasia, langau musti inggok ka kaduo jinih bungo. Bungonyo pun mahasiakan bungo nan lataknyo di dalam bungo, babantuak cawan tabaliak jo barisi banyak bijo.[15][1]

Jinih langau nan biaso inggok adolah Drosophila colorata, Chrysomya megacephala, jo Sarcophaga haemorrhoidalis. Samantaro serangga lain cando samuik itam (genus Euprenolepis) dapek mamakan tuneh dan mamatikannyo.[1]

Rujuakan

suntiang
  1. ↑ a b c d e f g Pranata, Syafroni; Sulistijorini; Chikmawati, Tatik (September 2019). "Ecology of Rafflesia arnoldii (Rafflesiaceae) in Pandam Gadang, West Sumatra". Journal of Tropical Life Science. 9 (3): 243–251. doi:10.11594/jtls.09.03.05  . Diakses tanggal 30 October 2020. 
  2. ↑ "5 Awesome Parasitic Plants". Encyclopedia Britannica (dalam bahasa Inggris). Diakses tanggal 2019-06-15. 
  3. ↑ "Rafflesia arnoldii (corpse flower)". www.kew.org. Royal Botanic Gardens, Kew. Diakses tanggal 2019-08-07. 
  4. ↑ The Genus Rafflesia. Parasitic Plant Connection.
  5. ↑ "ASEAN National Flowers". ASEAN secretariat. Diarsipkan dari versi asli tanggal February 11, 2006. Diakses tanggal May 8, 2011. 
  6. ↑ Keputusan Presiden No. 4 Tahun 1993 Archived 2012-04-02 di Wayback Machine.
  7. ↑ Willem, Meijer (1997). "Rafflesiaceae". Flora Malesiana. 13. Leiden: Hortus Botanicus Leiden, under auspices of Foundation Flora Malesiana. p. 18. ISBN 90-71236-33-1. https://www.biodiversitylibrary.org/page/28737001. 
  8. ↑ a b Mabberley, David John (1999). "Robert Brown on Rafflesia" (PDF). Blumea. 44 (2): 343–350. ISSN 2212-1676. Diakses tanggal 28 October 2020. 
  9. ↑ "Rupanya Thomas Raffles Bukanlah Penemu Rafflesia. Lantas Siapakah Penemu Sebenarnya? - Semua Halaman - National Geographic". nationalgeographic.grid.id (dalam bahasa Indonesia). Diakses tanggal 2021-01-23. 
  10. ↑ a b "Rafflesia arnoldii (corpse flower)". Plants & Fungi (blog). Kew Botanical Gardens. 2011. Diarsipkan dari versi asli tanggal 2014-02-20. Diakses tanggal 29 October 2020. note: unverified errata info possibly from Mabberley (1985) 
  11. ↑ "Rafflesia arnoldii (corpse flower)". Plants & Fungi (blog). Kew Botanical Gardens. 2011. Diarsipkan dari versi asli tanggal 2014-02-20. Diakses tanggal 29 October 2020. note: unverified errata info possibly from Mabberley (1985) 
  12. ↑ Cunningham, Antonia, ed (2002). Guinness World Records. London: Guinness World Records. p. 90. 
  13. ↑ Meijer, Willem (1958). "A Contribution to the Taxonomy and Biology of Rafflesia arnoldii in West Sumatra". Annales Bogoriensis. 3 (1): 33–44 [p. 38]. ISSN 0517-8452. JSTOR 2663873. 
  14. ↑ Pranata, Syafroni; Sulistijorini; Chikmawati, Tatik (September 2019). "Ecology of Rafflesia arnoldii (Rafflesiaceae) in Pandam Gadang, West Sumatra". Journal of Tropical Life Science. 9 (3): 243–251. doi:10.11594/jtls.09.03.05  . Diakses tanggal 30 October 2020. 
  15. ↑ Mursidawati, Sofi (2012-01-31). "MORFOLOGI BUAH DAN BIJI RAFFLESIA PATMA DAN R. ARNOLDII". Buletin Kebun Raya (dalam bahasa Inggris). 15 (1): 21–30. ISSN 2460-1519. Diarsipkan dari versi asli tanggal 2021-01-29. Diakses tanggal 2021-01-23. 

Bacoan lanjuik

suntiang

Pautan lua

suntiang
Wikispecies mempunyai informasi mengenai
Diambiak dari "https://min.wikipedia.org/w/index.php?title=Rafflesia_arnoldii&oldid=3150837"