Pacu itiak
Pacu itiak marupokan salah ciek kabiasoan unik nan dimiliki masyarakaik Minangkabau. Pacu itiak iko barasa dari Payokumbuah, kabupaten Lima puluh kota,Provinsi Sumatera Barat. Kabiasoan iko unik karano kalau biasonyo urang banyak manggunoan jawi atau kabau sabagai hewan nan acok dipakai untuak bapacu, lain halnyo jo kabiasoan masyarakaik Limo puluah koto nan manggunoan itiak sabagai hewan nan dipacu[1]. Tampek nan digunoan sabagai tampek pacuan adolah sawah dan dalam pakambangannyo masyarakaik membuek sabuah galanggang khusus untuak tampek itiak-itiak bapacu. Pado acara pacu itiak iko diagai juo katantuan jo paraturan lomba pacu itiak. Salah ciek paraturan umumnyo adolah umua itiak itu harus baumua antaro 4 sampai 6 bulan sarato sayoknyo indak buliah sumbarang sajo dan arah sayoknyo harus kaateh. Maliek sumangaiknyo animo masyarakaik dalam pacu itiak iko mako pacu itiak dikelola sacaro profesional sarato jo dibantuaknyo Persatuan Olahraga Pacu Itiak (PORTI).[1]
Referensi
suntiang- ↑ a b "Pacu itik di bumi Minang". 2017-03-03. Diarsipkan dari versi asli tanggal 2018-03-24. Diakses tanggal 2018-03-24.