Onde-onde

Onde-onde adolah kulinerparabuang Sumatra Barat nan tabuek dari tapuang katan, bantuaknyo bulek, dan waranyo hijau tabuek dari pandan. Onde-onde ko dijadian makanan nan wajib apobilo ado kagitan adaik di daerah sumatra Barat, misalnyo manjalang karumah mintuo. Ado makanan nan ampia sarupo Klepon di Jawa.

Onde-onde nan isinyo gulo saka

Resep

Didalamnyo ba isi gulo saka nan manih di lua nyo bawarna hijau nan tabuek dari tapuang katan, diagiah warna hijau dari pandan tu ditaburan karambia paruik. kUe isi gulo saka ko tamasuak kue basah tradisional Nusantara khas Indonesia. Bantuak jo tekstur kue onde-onde khas Minang adolah, nan paliang lamak jo nan paliang lambuak. Kalau sanak ndak picayo cuboanlah kue onde-onde khas Minang, Sumatra barat nan lamak jo istimewa rasonyo ko langkok jo caro mambueknyo dirumah sanak.

Bahan-bahannyo;

1. satangah sendok teh garam
2. Satangah sendok teh aia kapua siriah
3. 2 teteh aia daun suji atau pawarna raso pandan
4. 175ml aia angek
5. 250 gr tapuang katan
6. 100 gr gulo merah diirih tipih
7. isi satangah buah karambia mudang, bukak kulik e tu paruik

Caro mambueknyo

Laruik an garam, aia kapua siriah, aia daun suji atau pawarna raso pandan jo aia angek,tu aduak. campuan jo tapuang katan, aduak sampai tapuang katan tacapua rato dan kalis. Ambiak 2 sendok teh adonan tu linyak an, sudah tu latak an ciek ata duo buah gulo merah atau saka nan bairih tipih tu latak an di tangahnyo, sudah tu tutuik baliak tu buek manjadi bulek. Angek an aia sampai manggalagak, rabuih klepon salamo labiah kurang 5 minik atau sampai tarapuang. Angkek tu kariangan. Guliangan onde-onde samo karambia nan alah di paruik tadi sudah tu angkek tu sajian.