Nirina Zubir
Nirina Roudatul Jannah Zubir, labiah dikenal jo namo Nirina Zubir, (lahia 12 Maret 1980; umua 44 taun) adolah saurang Palakon jo pambao acara Indonesia katurunan Minangkabau.
Nirina Zubir | |
|---|---|
| Lahia | Nirina Roudhatul Jannah Zubir 12 Maret 1980 |
| Kabangsaan | Indonesia |
| Karojo | Artis, Panyanyi |
| Taun aktif | 1994 - kini |
| Pasangan | Ernest Fardiyan Syarif (m. 2008–kini) |
| Anak | 2 |
| Urang tuo | Zubir Amin (ayah) |
| Kaluargo | Edwin Marshal Syarif (ipar) |
| Panghargoan | Piala Citra untuk Aktris Terbaik |
Kahidupan awal
suntiangNirina Zubir dilahiakan di Antananarivo, Madagaskar, dari urang tuo ekspatriat basuku Minangkabau nan barasa dari Pariaman, Sumatera Barat. Apaknyo, Zubir Amin, bakarajo sabagai diplomat senior di Kedutaan Indonesia di nagara tu. Namonyo adolah namo nan barasa dari bahaso Madagaskar dan didaftarkan sabagai Nirina Roudhatul Jannah Zubir.[1]
Pandidikan
suntiangNirina Zubir mamparoleh gala sarjana Manajemen Perbankan di STIE Perbanas Kuningan, Jakarta sabalun mamulai karier sabagai VJ.[2] Inyo fasiah mangecek bahasa Indonesia, bahaso Inggirih jo bahaso Mandarin.[3]
Karier
suntiangSasudah lulus kuliah, Nirina Zubir akhienyo manantuan pilihan karier lain sasudah lulus. Inyo ma akui, inyo indak pernah mambayangan manjadi saurang DJ radio. Karier partamonyo adolah di stasiun radio MTVonSky (kini MTV Sky) adolah sabuah kabatulan. Manuruik Nirina Zubir, adolah kawan-kawannyo nan malamar di MTVonSky ateh namo inyo. Hal iko manjadi mambao parubahan gadang dalam iduiknyo. Labiah dari harapannyo, MTVonSky manarimo Nirina Zubir dek karano sipaiknyo nan paeboh.[4]
Kasampatan itu lah nan mambao Nirina Zubir ka karier nan labiah lanjuik. Sasudah mandapek karajo sabagai VJ MTV, namo Nirina Zubir sacaro capek mandapek katenaran. Bakat inyo nan lain kamudian dikatahui, tamasuak kamampuannyo untuak mangecek bahaso Mandarin, nan inyo pelajari katiko tingga di Hong Kong jo Cino salamo babarapo taun katiko ketek. Mantan presiden Megawati Sukarnoputri bahkan mamintak Nirina Zubir manjadi jurubahaso pribadinyo salamo kunjungan wakil presiden Cino ka Indonesia pado taun 2000. Popularitasnyo kamudian manyebabkan datangnyo tawaran untuak bamain film, tamasuak dalam 30 Hari Mencari Cinta jo Mirror.[5]
Paningkatan popularitasnyo sabagai VJ MTV Indonesia mandorong inyo untuak bapikir untuak malebarkan sayoknyo ka panggung internasional. Katiko kontraknyo jo MTV Indonesia hampia barakhia, Nirina Zubir maajuan lamaran untuak manjadi VJ internasional MTV Asia Tenggara. Rencana iko indak pernah tawujudkan. Sasudah maundurkan diri dari MTV Indonesia pado taun 2005, karir VJ internasional Nirina Zubir indak pernah tacapai. Salain itu, inyo mambaoan babarapo acara TV jo mambintangi sajumlah film, tamasuak Belahan Jiwa, Heart, Kamulah Satu-Satunya, Get Married, jo Get Married 2.[5]
Nirina Zubir taruih malanjuikan kariernyo sabagai saurang aktris, mandapek babarapo pangharagoan, tamasuak Festival Film Indonesia 2006 jo Indonesia Movie Award 2008, kaduonyo untuak nominasi aktris tabaik.[5]
Filmografi
suntiang- 30 Hari Mencari Cinta (2004)
- Mirror (2005)
- Belahan Jiwa (2005)
- Heart (2006)
- Kamulah Satu-Satunya (2007)
- Love Is Cinta (2007)
- Get Married (2007)
- Get Married 2 (2010)
- Get Married 3 (2011)
- Purple Love (2011)
- Bidadari-Bidadari Surga (2012)
- Keluarga Cemara (2018)
- Ali & Ratu Ratu Queens (2021)
- Paranoia (2021)
- Keluarga Cemara 2 (2022)
- Jatuh Cinta Seperti di Film-Film (2023)
Pangharagoan jo nominasi
suntiang| Taun | Pangharagoan | Kategori | Karya nan dinominasikan | Hasil |
|---|---|---|---|---|
| 2004 | MTV Indonesia Movie Awards | Most Favourite Actress | 30 Hari Mencari Cinta | Manang |
| 2006 | Festival Film Jakarta | Pemeran Utama Wanita Terbaik | Heart | Nominasi |
| MTV Indonesia Movie Awards | Most Favourite Actress | Nominasi | ||
| Festival Film Indonesia | Pemeran Utama Wanita Terbaik | Manang | ||
| 2007 | Festival Film Bandung | Pemeran Utama Wanita Terpuji Film Bioskop | Manang | |
| Festival Film Jakarta | Pemeran Utama Wanita Terbaik | Kamulah Satu-Satunya | Nominasi | |
| Festival Film Indonesia | Nominasi | |||
| Indonesian Movie Actors Awards | Mirror | Nominasi | ||
| Pemeran Utama Wanita Terfavorit | Manang | |||
| 2008 | Festival Film Bandung | Pemeran Utama Wanita Terpuji Film Bioskop | Get Married | Manang |
| Indonesian Movie Actors Awards | Pemeran Utama Wanita Terbaik | Nominasi | ||
| Pemeran Utama Wanita Terfavorit | Manang | |||
| Soundtrack Terfavorit | "Pandangan Pertama" (bersama Slank) - (OST. Get Married) | Nominasi | ||
| Anugerah Musik Indonesia | Duo/Grup/Kolaborasi Rock Terbaik | Nominasi | ||
| Karya Produksi Kolaborasi Terbaik | Nominasi | |||
| 2012 | Indonesian Movie Actors Awards | Soundtrack Terfavorit | "Cubit-Cubitan" (bersama Slank) - (OST. Get Married 3) | Nominasi |
| 2014 | Indonesian Choice Awards | Nominasi | ||
| Festival Film Indonesia | Pemeran Pendukung Wanita Terbaik | Silent Hero(es) | Nominasi | |
| 2015 | Festival Film Bandung | Pemeran Utama Wanita Terpuji Film Bioskop | Get Married 5: 99% Muhrim | Nominasi |
| 2017 | Indonesian Movie Actors Awards | Pemeran Utama Wanita Terbaik | Aku Ingin Ibu Pulang | Nominasi |
| Pemeran Utama Wanita Terfavorit | Nominasi | |||
| 2019 | Piala Maya | Aktris Utama Terpilih | Keluarga Cemara | Nominasi |
| Indonesian Movie Actors Awards | Pemeran Utama Wanita Terbaik | Manang | ||
| Pemeran Utama Wanita Terfavorit | Nominasi | |||
| Festival Film Indonesia | Pemeran Utama Wanita Terbaik | Nominasi | ||
| 2020 | Indonesian Box Office Movie Awards | Nominasi | ||
| 2021 | Festival Film Wartawan Indonesia | Aktris Pendukung Terbaik - Genre Film Drama | Ali & Ratu Ratu Queens | Manang |
| Festival Film Indonesia | Pemeran Utama Wanita Terbaik | Paranoia | Nominasi | |
| 2022 | Festival Film Wartawan Indonesia | Aktris Utama Terbaik - Genre Film Drama | Keluarga Cemara 2 | Nominasi |
Rujuakan
suntiang- ↑ "6 Fakta Ayah Nirina Zubir Meninggal Dunia, Sempat Menghadapi Masa Kritis di Rumah Sakit". liputan6.com. 23 Desember 2021. Diakses tanggal 20 Januari 2024.
- ↑ "Beda Pendidikan Nirina Zubir dan Sarah Sechan, Sesama Eks VJ MTV Banjir Cibiran Usai Senggol Raffi-Nagita". suara.com. 13 Januari 2024. Diakses tanggal 20 Januari 2024.
- ↑ "5 Artis Indonesia Kuasai Lebih dari Satu Bahasa Asing, Ada Maudy Ayunda". viva.co.id. 21 Desember 2022. Diakses tanggal 20 Januari 2024.
- ↑ "Membandingkan Karier Dua EKs VJ MTV, Nirina Zubir dan Daniel Mananta". kumparan.com. 1 Maret 2028. Diakses tanggal 20 Januari 2024.
- ↑ a b c "Nirina Zubir: Juggling Motherhood and Career". thejakartapost.com (dalam bahasa Inggris). 11 September 2011. Diakses tanggal 20 Januari 2024.
Pautan lua
suntiang- (Inggirih) Nirina Zubir pado Internet Movie Database.