Nila Moeloek
Prof. Dr. dr. Nila Djuwita Faried Anfasa Moeloek, Sp.M(K). (lahia di Jakarta, 11 April 1949; umua 75 taun) adolah Menteri Kesehatan Indonesia pado Kabinet Kerja Presiden Joko Widodo.[1] Inyo juo adolah saurang ahli oftalmologi (ilmu panyakik mato) jo guru gadang Fakultas Kedokteran Universitas Indonesia (FKUI).
Nila Djuwita Moeloek | |
|---|---|
 Potret resmi Nila Moeloek sabagai Menteri Kesehatan Indonesia (2014). | |
| Lahia | 11 April 1949 |
| Kabangsaan | Indonesia |
| Alma mater | Universitas Indonesia |
| Karojo | Dokter |
| Dikana dek | Menteri Kesehatan Indonesia |
| Kantua | Menteri Kesehatan Indonesia |
| Pandahulu | Nafsiah Mboi |
| Panaruih | Terawan Agus Putranto |
| Partai politik | Independen |
| Pasangan | Faried Anfasa Moeloek |
| Anak | Muhammad Reiza Moeloek Puti Alifa Moeloek Puti Annisa Moeloek |
| Dusanak | Abdul Moeloek (mertua) Poeti Alam Naisjah (mertua) Nukman Helwi Moeloek (ipar) Devita Astra (ipar) Adam Moeloek (keponakan) Imam Moeloek (keponakan) |
Riwayaik hiduik
suntiangNila Moeloek adolah anak padusi dari pasangan parantau Minangkabau. Inyo manyalasaian pandidikan sarjananyo di Fakultas Kedokteran Universitas Indonesia. Kamudian inyo malanjuikan pandidikan spesialis mato, sarato mangikuti program sub-spesialis di International Fellowship di Orbita Centre, University of Amsterdam, Balando jo di Kobe University, Japang. Satalah tu, inyo malanjuikan pandidikan konsultan Onkologi Mata jo Program Doktor Pascasarjana di FKUI.[2]
Salain manjadi dokter di Rumah Sakik Cipto Mangunkusumo, inyo juo manjadi katua umum Dharma Wanita Persatuan Pusat (2004–2009), Katua Perhimpunan Dokter Spesialis Mato (Perdami), jo Katua Umum Yayasan Kanker Indonesia (YKI) pariode 2011–2016.[3] Nila sempat disabuik-sabuik manjadi calon kuek Menteri Kesehatan pado Kabinet Indonesia Bersatu II satalah mangikuti proses seleksi calon menteri pado 18 Oktober 2009. Namun inyo malah ditunjuak dek presiden Susilo Bambang Yudhoyono manjadi Utusan Khusus Presiden Republik Indonesia untuak Millennium Development Goals.[4] Tugasnyo adolah manurunkan kasus HIV-AIDS jo angko kamatian ibu jo anak. Barulah pado taun 2014, inyo dipiliah sabagai Menteri Kesehatan pado Kabinet Kerja dek presiden Joko Widodo.[5]
Pado tanggal 3 Agustus 2021, Nila Moeloek jo lakinyo Farid Moeloek dirawaik di Rumah Sakik Cipto Mangunkusumo Jakarta akibaik terpapar Covid-19. Salain inyo baduo, anak-anaknyo juo tarinfeksi virus SARS-CoV-2.[6]
Kaluarga
suntiangNila marupokan bini dari Faried Anfasa Moeloek, Menteri Kesehatan pado Kabinet Reformasi Pembangunan. Inyo dikaruniai tigo urang anak, yakni Muhammad Reiza Moeloek, Puti Alifa Moeloek, jo Puti Annisa Moeloek.[7]
Pangharagoan
suntiang
Indonesia :
Bintang Mahaputera Adipradana (2020)[8]
Bintang Bhayangkara Utama (2017)[9]
_Bintang_Mahaputera_Adipradana.png){kind=small}
_Bintang_Bhayangkara_Utama.png){kind=small}
Rujuakan
suntiang- ↑ "Presiden Joko Widodo umumkan kabinet". bbc.com. 26 Oktober 2014. Diakses tanggal 16 Januari 2024.
- ↑ "Nila Moeloek: Program Kemkes akan Dibuat Satu Arah". liputan6.com. 26 Oktober 2014. Diakses tanggal 16 Januari 2024.
- ↑ "Prof Nila Moeloek, Menkes Baru yang Jadi Korban PHP 5 Tahun Lalu". detik.com. 26 Oktober 2014. Diakses tanggal 16 Januari 2024.
- ↑ "Profil Calon Menteri (24)". KOMPAS. Diarsipkan dari versi asli tanggal 2009-10-25. Diakses tanggal 16 Januari 2024.
- ↑ Renny Sundayani (2014-12-08). "Nila Djuwita Farid Moeloek". Okezone News. Diarsipkan dari versi asli tanggal 2015-01-05. Diakses tanggal 16 Januari 2024.
- ↑ "Dirawat di RSCM, Mantan Menkes Nila Moeloek dan Farid Moeloek Terpapar COVID-19". liputan6.com. 3 Agustus 2021. Diakses tanggal 16 Januari 2024.
- ↑ "Profil Nila Djuwita F Moeloek". tokoh.id. 21 Oktober 2009. Diakses tanggal 16 Januari 2024.
- ↑ "Prof. DR. Dr. Nila F. Moeloek, SpM(K), mendapat penghargaan Bintang Mahaputra Adipradana dari presiden RI". PERDAMI (dalam bahasa Inggris). Diarsipkan dari versi asli tanggal 2023-06-27. Diakses tanggal 16 Januari 2024.
- ↑ 7 Menteri Dianugerahi Tanda Kehormatan Bintang Bhayangkara Utama, diakses tanggal 16 Januari 2024
| Jabatan politik | ||
|---|---|---|
| Didaului jo: Nafsiah Mboi |
Menteri Kesehatan Indonesia 2014–2019 |
Digantian dek: Terawan Agus Putranto |