Natrium
Natrium adolah suatu unsua kimia dalam tabel periodik nan mamiliki lambang Na jo nomor atom 11. Iko adolah logam lunak, putiah keperakan, jo reaktif bana. Natrium adolah logam alkali, barado pado golongan 1 tabel periodik, karano mamiliki satu elektron di kulik diluanyo nan mudah disumbangannyo, manciptakan atom bamuatan positif—kation Na+. Satu-satunyo isotop stabil adolah 23Na. Logam bebasnyo indak tadapek di alam, tapi musti dibuek dari senyawanyo. Natrium adolah unsua kaanam paliang banyak dalam karak bumi, jo tadapek di banyak mineral saparti feldspar, sodalit jo halit (garam batu, NaCl). Banyak garam natrium laruik bana dalam aia: ion natrium alah dilindi dek aksi aia dari mineral Bumi salamo ribuan taun, jo demikian natrium jo klorin adolah unsua nan laruik nan paliang umum tajadi di lautan (badasarkan barek).
Natrium patamo kali diisolasi dek Humphry Davy pado taun 1807 malalui elektrolisis natrium hidroksida. Di antaro banyak sanyawa natrium lain nan baguno, natrium hidroksida (lindi, bahaso Inggirih: lye) digunoan dalam pambuatan sabun, jo natrium klorida (garam dapua) adolah zat pancair es [en] jo nutrisi untuak hewan tamasuak manusia.
Natrium adolah unsua esensial untuak sadoalah hewan jo babarapo tumbuahan. Ion natrium adolah kation utamo pado cairan ekstraselular (extracellular fluid, ECF) dek karano tu marupoan panyumbang utamo pado takanan osmotik ECF jo volume kompartemen ECF. Hilangnyo aia dari kompartemen ECF maningkekan konsentrasi natrium, suatu kondisi nan disabuik hipernatremia. Kahilangan isotonik aia jo natrium dari kompartemen ECF mangurangi ukuran kompartemen tersebut dalam kondisi nan disabuik hipovolemia [en] ECF.
Jo caro pompa natrium-kalium, sel manusia iduik mamompa tigo ion natrium kalua dari sel sabagai ganti duo ion kalium nan dipompa masuak; mambandiangan konsentrasi ion nan malintasi membran sel, dari dalam ka lua, kalium sakitar 40:1, jo natrium, sakitar 1:10. Pado sel saraf, muatan listrik malintasi membran sel sahinggo mamungkinan transmisi impuls saraf—sebuah aksi potensial—katiko muatan itu dihambuakan; natrium mamainan paran nan penting dalam aktivitas itu.[1]
Sifek Fisika
suntiangNatrium pado suhu jo takanan standar adolah logam lunak keperakan nan jiko bareaksi jo oksigen di udaro nan mambantuak natrium oksida bawarna putiah keabu-abun kacuali dirandam dalam minyak atau gas inert, nan marupoan kondisi panyimpanan umumnyo. Logam natrium dapek jo mudah dipotong manggunoan pisau jo marupoan konduktor listrik nan mamiliki panas nan baik, karano hanyo mamiliki satu elektron pado kelopak valensinyo, sahinggo mahasilkan ikatan logam jo elektron bebas nan lamah, nan mambaok energi. Akibeknyo masso atomnyo nan randah jo jari-jari atomnyo nan panjang, natrium adolah unsua logam jo densitas paliang randah ka-3 di antaro saluruah logam jo salah satu dari tigo logam nan dapek maapuang di aia, duo lainnyo adolah litium jo kalium. Titik lebur (98 °C) jo didiah (883 °C) natrium labiah randah daripado litium tatapi labiah tinggi daripado logam alkali nan labiah barek (kalium, rubidium, jo sesium), mangikuti tren periodik sapanjang golongan dari ateh ka bawah. Sifek iko baubah sacaro dramatis pado kanaikan takanan: pado 1,5 Mbar, warna barubah dari keperakan manjadi itam; pado 1,9 Mbar manjadi transparan jo warna sirah; nan pado 3 Mbar, natrium barupo padatan janiah jo transparan. Sadoalah alotropi takanan tinggi iko basifek isolator jo elektrida. Uji nyalo api nan positif natrium maasilkan warna kuniang carah. Dalam uji nyalo api, natrium jo senyawanyo maasilkan warna kuniang karano elektron 3s natrium nan tereksitasi mamancarkan foton katiko mereka baliak dari 3p ka 3s; panjang galombang foton iko barado pado garih D sakitar 589,3 nm. interaksi spin–orbit nan malibekan elektron pado orbital 3p mamacah garis D manjadi duo, pado 589,0 jo 589,6 nm; struktur hiperhalus [en] nan malibekan kaduo orbital manyababkan garih labiah banyak.[2]
Isotop
suntiangAdo duo puluah isotop natrium nan dikatahui, namun hanyo 23Na nan stabil. 23Na dibuek dalam proses pambakaran karbon [en] dalam bintang-bintang malalui paleburan duo atom karbon basamo-samo; iko butuah suhu di ateh 600 megakelvin jo sabuah bintang bermassa sakurang-kurangnyo tigo kali massa matoari. Duo isotop kosmogenik [en], radioaktif adolah produk sampingan dari spalasi sinar kosmis: 22Na jo wakatu paruh 2,6 taun jo 24Na, wakatu paruh 15 jam; sadoalah isotop lainnyo mamiliki wakatu paruh kurang dari satu minik. Duo isomer nuklir alah ditamukan, nan mamiliki umua paliang panjang adolah 24mNa jo wakatu paruh sakitar 20,2 milidetik. Radiasi neutron akut, saparti dari kecelakaan kegentingan [en], maubah babarapo 23Na nan stabil dalam darah manusia manjadi 24Na; dosis radiasi neutron pado karbon dapek diituang jo maukua konsentrasi 24Na relatif terhadap 23Na.[3]
Rujuakan
suntiang- ↑ ""Alkali Metals." Science of Everyday Things". Encyclopedia.com. Diakses tanggal 30 April 2021.
- ↑ Schumann, Walter (5 August 2008). Minerals of the World (edisi ke-2nd). Sterling. p. 28. ISBN 978-1-4027-5339-8. OCLC 637302667.
- ↑ Audi, Georges; Bersillon, O.; Blachot, J.; Wapstra, A. H. (2003). "The NUBASE Evaluation of Nuclear and Decay Properties". Nuclear Physics A. 729: 3–128. Bibcode:2003NuPhA.729....3A. doi:10.1016/j.nuclphysa.2003.11.001.