Nasri Chepi adolah saurang sutradara film katurunan Minangkabau. Kaduo urang tuo baliau barasal dari Pariaman. Urang tuo baliau marantau jo tingga di Aceh samanjak mudonyo. Nasri Chepi dilahiakan di Banda Aceh tanggal 16 Oktober 1950 jo maningga di Jakarta pado tanggal 18 Desember 2010 dalam umua 60 tahun.[1]

Karir suntiang

Nasri Chepi lah banyak malahiaan jo manyutradarai film-film nan batemakan carito anak mudo, diantaro karyanyo nan labiah dikana adolah Catatan Si Boy nan dibuek pado patangahan tahun 1980-1990. Dek karano samakin terkenal film ko, mako dibuek film Catatan Si Boy II pado tahun 1988 sampai film Catatan Si Boy V pado tahun 1991. Kamudian pado tahun 2003, baliau mambuek jo mangaluaan film Eiffel in Love.[1]

Dari film Catatan Si Boy, Nasri Chepi dapek maangkek namo-namo artis sarupo Onky Alexander, Meriam Belina, Paramitha Rusady, Nurul Arifin jo Didi Petet.

Rujuakan suntiang

  1. a b Basir, Nazif (2007). In Memoriam "100 Seniman, Wartawan, dan Budayawan Sumatera Barat". Jakarta: Majalah Sastra Horison. pp. 193. ISBN 978-602-8168-29-8.