Museum Mulawarman
| Museum Mulawarman | |
|---|---|
 Istano tampak dari muko | |
| Informasi umum | |
| Jinih | Istano |
| Gaya arsitektur | Eropa |
| Kota | Kutai Kartanegara Kalimantan Timur |
| Nagara | Indonesia |
| Salasai | 1900 |
Museum Mulawarman adolah sabuah museum nan barado di kota Tenggarong, Kalimantan Timur. Museum ko aslinyo iolah istana Kasultanan Kutai Kartanegara nan tagak pado taun 1936, lalu dirasmian sabagai Museum Kutai pado tanggal 25 November 1971 dek Gubernur Kalimantan Timur Abdoel Wahab Sjahranie. Sasudah disarahtarimokan ka Departemen Pendidikan jo Kebudayaan pado tanggal 18 Februari 1976 museum ko dinamokan ulang manjadi Museum Negeri Provinsi Kalimantan Timur "Mulawarman".[1] Jarak museum Mulawarman iolah 3 jam perjalanan darat dari Balikpapan (121 km) dan 45 menit dari Samarinda (32 km).
Sejarah
suntiangIstana Kasultanan Kutai Kertanegara dikarajoan dek Hollandsche Beton Maatschappij (HBM), sabuah perusahaan beton Belanda, balanggam arsitektur Eropa modern. Dek dihapuihnyo swapraja dan Kesultanan Kutai pado taun 1960, Pamarintahan Daerah Tingkat I Kalimantan Timur mangganti rugi kapamilikan istano ka nan punyo, Sultan Aji Muhammad Parikesit, sabanyak 64 juta Rupiah.[2]
Konstruksi bangunannyo didominasi bahan beton, mulai dari ruang bawah tanah, lantai, tembok, hinggo atoknyo. Di halaman muko Museum iolah duplikat Patung Lembuswana lambang Kasulnatan Kutai Kartanegara.[3]
Pado bulan Agustus 1964 sakumpulan urang manyarang istano iko. Urang-urang itu mambaka pakaian sultan di muko istano. Patuang-patuang, lambang sultan, gambar sultan jo baju kabasarannyo ikuik dibaka. Tiang bandera nan satinggi 30 meter ditabang.[4]
Salain itu, urang-urang nan disuruah Panglima IX Mulawarman Soehario Padmodiwirio barancano mambaka bangunan istano Kutai sabagaimano Istano Bulungan nan dibaka habih. Namun, Gubernur Kaltim Abdoel Moeis Hassan mangirim polisi basamo urang-urang suku Banjar untuak manjago istano.[5] Moeis Hassan mamarentahkan Kejaksaan Samarinda untuak manyegel istano itu demi kaamanan.[6]
Museum Mulawarman manjadi salah satu tampek panyalanggaraan Festival Erau oleh pamarentah Kabupaten Kutai Kartanegara, di mano Sultan turuik sarato.[7] Istano iko manjadi titik prosesi Mengulur Naga, yaitu mangarak duo nago nan sabalunnyo disamayamkan di kaduo sayok istano nan akhianyo tubuahnyo dilaruang ka sungai, samantaro kapalo jo ikuanyo dibaok baliak ka istano.[8]
Koleksi
suntiangMuseum Mulawarman mamajang barang-barang basijarah nan pernah digunoan dek Kesultanan Kutai, sarupo:
- Singgasana untuak sultan jo permaisuri, tabuek dari kayu, alas jo sandarannyo dilapih kain kuniang. Singgasana iko dibuek taun 1930 oleh Vander Lube nan bagaya Eropa.
- Patung Lembuswana, lambang Kesultanan Kutai. Patuang nan bawarna kuniang iko dibuek di Burma pado taun 1850 dan didatangkan ka Istana Kutai pado taun 1900. Bantuaknyo iolah jawi bakapalo gajah tapi batanduak, basayok buruang, bataji ayam.
- Kalung Uncal, kaluang nan dipakai saat alek jo upacara gadang sarupo panobatan sultan Kutai Kartanegara, ulang tahun lahir jo panobatan Sultan sarato acara sakral lainnyo.
- Mariam peninggalan VOC
- Prasasti Yupa. Nan asli dibaok ka Museum Nasional Jakarta, tingga lah replikanyo di museum iko. Prasasti batulisan Pallawa dalam bahaso Sanskerta iko iolah bukti peradaban Hindu patamo di Nusantara.
Rujuakan
suntiang- ↑ Penyusun, Tim (2011). Buku Panduan Museum Mulawarman. Tenggarong: Pemerintah Provinsi Kalimantan Timur Dinas Kebudayaan dan Pariwisata UPTD Museum Negeri Provinsi Kalimantan Mulawarman. pp. 6-7.
- ↑ D, Abd. Djabar (1993). Koleksi Pilihan Museum Negeri Propinsi Kalimantan Timur Mulawarman. Tenggarong: Departemen Pendidikan dan Kebudayaan Kantor Wilayah Propinsi Kalimantan Timur Bagian Proyek Pembinaan Permuseuman Kalimantan Timur. pp. 3 & 5.
- ↑ "Musium Mulawarman dan Makan Raja Kutai". Diarsipkan dari versi asli tanggal 2009-07-28. Diakses tanggal 2010-08-24.
- ↑ Soetoen, Anwar (1975). "Pertumbuhan Pemerintahan Daerah Kabupaten Kutai dan Beberapa Faktor yang Mempengaruhinya”, dalam Dari Swapraja ke Kabupaten Kutai. Tenggarong: Pemerintah Daerah Kabupaten Kutai Kalimantan Timur. pp. 240.
- ↑ Magenda, Burhan Djabier (1991). East Kalimantan: The Decline of a Commercial Aristocracy. New York: Cornell Modern Indonesia Project. pp. 62.
- ↑ Hassan, A. Moeis (1994). Ikut Mengukir Sejarah. Jakarta: Yayasan Bina Ruhui Rahayu. pp. 231.
- ↑ "Kutai Kartanegara - www.kukarkab.go.id". kukarkab.go.id. Diakses tanggal 2024-05-31.
- ↑ "Mengulur Naga, Mengantarkan Naga Pusaka Kembali ke Asalnya". Indonesia Kaya. Diakses tanggal 2024-05-31.
Pranala luar
suntiang- (Indonesia) Instagram Museum Mulawarman
- (Indonesia) Pemerintah Provinsi Kalimantan Timur: "Museum Mulawarman"Pamarintahan Provinsi Kalimantan Timur: "Museum Mulawarman"
- (Indonesia) Direktorat Pambantuan Budaya Ditjen Budaya Kemendikbudistek: "Museum Mulawarman"Direktorat Pambantuan Budaya Ditjen Budaya Kemendikbudristek: "Museum Mulawarman"
- (Indonesia) Asosiasi Museum Indonesia: "Museum Mulawarman"