Museum Goedang Ransoem
Museum Goedang Ransoem marupokan bakeh dapua basamo nan dibuek tahun 1918, pado maso panjajahan Balando. Dapua ko baisi duo buah gudang gadang jo tunggu panjarangan untuak batanak 3900 kg bareh satiok hari untuak nan karajo di tambang batubaro, pasien rumah sakik, jo kaluarga pakarajo tambang.[1]
Pado jaman Japang sampai Agrasi Balando II, kagiatan batanak dalam jumlah gadang masih balansuang. Sajak taun 1950-an, sasudah parang, kagiatan batanak di dapua basamo ko alah manurun.
Pado patangahan taun 1997-an sampai taun 1980-an bangunan dapua basamo ko di dinoan jadi tampek baraja jo rumah pakarajo Tambang Batubara Ombilin. Sampai mulo taun 2005 bangunan ko masih dipakai untuak tampek tingga dek masyarakaik minang satampek.
Barulah Pado taun 2004-2005 komplek bangunan basajarah iko mulai disegehan dek Walikota Sawahlunto untuak dijadian museum nan diresmian Wakil Presiden Yusuf Kalla pado tanggal 17 Desember 2015.
Museum Goedang Ransoem diuruih samo Unit Pelaksana Teknis (UPT) Peninggalan Bersejarah nan dibina Kantua Pariwisata jo Kabudayaan Kota Sawahlunto, Provinsi Sumatera Barat.
Koleksi suntiang
Museum ko baisi paragaik batanak, cando tunggu panjarangan, pariuak, lansang, dandang sabet, jo paragaik lain, cando sekop daun, arik lubang, replika pakaian, gambar-gambar lamo Sawahlunto, Songket jo karamik.
Wakatu Kunjuang suntiang
Hari Salasa-Akad : Pukua 08.00-16.00 WIB
Hari Sinayan : tutuik
Tiket Masuak Museum suntiang
Urang Gadang : Rp. 1.000,-
Anak Ketek : Rp. 500,-
Fasilitas suntiang
- Ruang Panunjuakan Tatap
- Ruang Administrasi
- Ruang Kaba
- Ruang Muko
- WC
Jarak Tampuah suntiang
- Dari Bandara Internasional Minangkabau ka Museum 95 km
- Dari Palabuahan Taluak Bayua ka Museum 90 km
- Dari Pambarantian Bus Regional Padang ka museum 90 km
Alamaik suntiang
Jalan Abdul Rahman Hakim
Kalurahan Air Dingin, Kacamatan Lembah Segar , Kabupaten/Kota Sawahlunto
Provinsi Sumatera Barat.
Telp. 0754-61985, Fax. 0754-61985