Musajik Ummul Qura
Musajik Ummal Qura adolah sabuah musajik di Kabupaten Agam, Sumatra Barat nan tagak sajak tahun 1907.[1] Musajik iko talatak pado sabuah desa nan banamo Bancah nan talatak di tapian Danau Maninjau.[2]
Namo Ummul Qura barasa dari bahaso Arab nan bararti ibu negeri atau pusek nagari (desa di Minangkabau).[2] Tahun badirinyo musajik iko sabalun maso kemerdekaan dan tapeknyo pado tahun 1907 manunjuakkan usia mancapai labih dari 100 tahun.[3] Sampai kini ko, alah dilakuan babagai renovasi, tamasuak panggunoan keramik pado lantai, tanpa maubah bangunan asli.[4]
Arsitektur suntiang
Arsitektur Musajik Ummal Qura dicirikan jo atok babantuak segi ampek sabanyak ampek tingkatan; antaro tingkatan atok tadapek banyak jendela-jendela ketek. Tingkatan barikuiknyo tadapek duo tingkatan nan babantuak patuang jo banyak sagitigo di ujuangnyo, tarakhia puncak musajik nan dihiasi dek papaduan bulan jo bintang. Satiok langkuangan antaro pilar-pilar di sakaliliang dindiang musajik maagiah kaunikan surang.
Jiko baraliah masuak ka dalam musajik, mako nampak langik-langik jo susunan bilah papan nan rapi tanpa celah. Dindiang musajik dihiasi kaligrafi batulihan bahaso Arab yoitu Surah Al-Fatihah jo QS Al-Baqarah ayat 46 nan mamiliki arti yoitu "dan minta tolonglah kalian semuanya jo malakukan sabar dan shalat. Sesungguahnyo shalat adolah hal nan barek (untuak didirian) kacuali ateh urang-urang nan takuik (taadok Allah).[2]
Atok musajik ditopang dek sambilan buah pilar panyangga dan satu buah tiang nan talatak di tangah-tangah. Pado satiok tiang, tadapek seni barupo gamba musjaik nan magambaan musajik zaman dulu.[2]
Lingkuangan suntiang
Lingkuangan musjaik masih asri dan indak baitu signifikan renovasi nan dilakukan dek masyarakaik satampek. Sabagaimano umumnyo musajik di Minangkabau, musajik iko mamiliki kolam-kolam nan talatk di satiok suduik musjaik.[2] Sabalun adonyo listrik nan masuak, mako kolam iko dijadian sabagai tampek bawudu bagi santri jo jamaah walaupun kolam tasabuik baisikan ikan aia tawa punyo para kyai jo babagai ukuran dapek ditamuan.[1]
Babarapo daerah di Sumatra Barat marujuak pado fungsi musajik sabagai pusek pangembangan kagiatan kaagamoan jo kagiatan dasa kaislaman. Tradisi Minangkabau maajakan anak laki-laki nan alah baliq untuak lalok di musjaik.[5]
Rujuakan suntiang
- ↑ a b "Masjid Ummil Qura Agam Sumatera Barat". Informasi Situs Budaya Indonesia (dalam bahasa Indonesia). 2018-02-08. Diakses tanggal 2019-07-02.
- ↑ a b c d e Nugraha, M. Catur (2018-12-12). "Masjid Ummil Qura, Masjid Tua Bernuansa Hijau di Tepi Danau Maninjau". Jelajah Sumbar (dalam bahasa Inggris). Diakses tanggal 2019-07-02.
- ↑ Nugraha, M. Catur (2017-03-01). "4 Tempat Asik Untuk Menyaksikan Keindahan Danau Maninjau". Jelajah Sumbar (dalam bahasa Inggris). Diakses tanggal 2019-07-03.
- ↑ Nugraha, M. Catur (2016-03-16). "Masjid Bergaya Arsitektur Tibet di Nagari Pariangan". Jelajah Sumbar (dalam bahasa Inggris). Diakses tanggal 2019-07-03.
- ↑ Nugraha, Muhammad Catur. "Ummil Qura, Masjid Tua Antik di Tepi Danau Maninjau". detikTravel (dalam bahasa Indonesia). Diakses tanggal 2019-07-02.