Musajik Kauman Pleret
Musajik Kauman Pleret adolah salah satu cagar budaya paninggalan Kasultanan Mataram. Situs Musajik Kauman Pleret sacaro administratif batampek di Dusun Kauman, Kelurahan Pleret, Kecamatan Pleret, Kabupaten Bantul, Daerah Istimewa Yogyakarta. Sacaro astronomis talatak pado 070 51’ 53,7’’ Lintang Selatan – 1100 24’ 20,4’’ Bujur Timur jo talatak pado katinggian 57 mdpl (meter di ateh permukaan lauik). Lingkuangan fisik Situs Musajik Kauman Pleret maliputi dataran randah pado bantangan lahan dataran fluvio gunuang api nan diapik dek duo buah sungai, yoitu Sungai Gajahwong di sabelah barat jo Sungai Opak di sabalah timur.
Bapijak pado Peraturan Gubernur Daerah Istimewa Yogyakarta Nomor 74 Tahun 2008, Kawasan Cagar Budaya Pleret marupoan salah satu kawasan cagar budaya kategori kelas C di wilayah Daerah Istimewa Yogyakarta.[1] Adopun panalitian di Kawasan Cagar Budaya Pleret iko alah mamasuaki hampia tigo dekade, yoitu dimuloi pado tahun 1976 hinggo tahun 2017.[2]
Gambaran umum suntiang
Situs Musajik Kauman Pleret marupoan salah satu situs nan batampek di Kawasan Cagar Budaya Pleret, nan dahulu nyo manjadi ibu kota katigo dari Kasultanan Mataram satalah Kotagede jo Kerto. Di Kawasan Cagar Budaya Pleret dijumpoi situs-situs maso Mataram Islam nan baragam sarato data toponim saparti Situs Kedaton, Situs Sumur Gumuling, Makam Gunung Kelir, jo Situs Kerta (Lemah Dhuwur).[3]
Badasakan panalitian nan dilakukan dek Balai Arkeologi Yogyakarta maupun Dinas Kabudayaan D.I Yogyakarta, Masjid Pleret marupoan musajik nan gadang pado zamannyo. Musajik iko mamiliki ukuran 40 x 40 meter. Ruang utamo musajik ko dipakiroan ditopang dek ampek soko guru jo babarapo tiang panyangga atau perimeter. Kini ko umpak nan masih ditamuan sacaro in situ (alun bapindah tampek) bajumlah 22 buah. Musjaik dibangun jo bahan bata jo batu putiah sarato jo teknik pangarajoan nyo indak mamakai spesi atau teknik kosod.[4]
Kini ko kondisi fisik Cagar Budaya Musajik Agung Kauman Pleret manyisoan raruntuahan musajik barupo mihrab, babarapo umpak babantuak bulek nan tabuek dari batu andesit, paga musajik di sabalah utara jo babarapo struktur musajik nan tadiri dari batu jo bata.
Proses pambangunan suntiang
Musajik Agung Kauman Pleret dibangun dek Rajo Mataram Islam ka-4 nan bakadudukan di Pleret nan banamo Amangkurat I atau Amangkurat Agung. Serat Babad Momana[5] Manyabuikan bahwaso nyo pado tahun 1571 J atau sakitar 1649 Masehi adolah wakatu pambangunan Musajik Agung Kauman Pleret. Pandapek iko dipakuek dek Ricklefs nan manyatoan bahwaso nyo pandirian Musajik Agung Kauman Pleret disabuikan pulo dalam Babad ing Sangkala yoitu pado bulan Muharram tahun 1571 J.[6] Duo babad tersebut pastinyo cukuik untuak dijadian dasar informasi manganoi wakatu pambangunan musajik Agung Kauman Pleret. Dibangunnyo Musajik Agung Gedhe di daerah Pleret disababan katiko tu ibu kota Karajaan Mataram Islam dipindahan dari Kotagede ka Karta atau Kerto kamudian ke Pleret.
Karusakan suntiang
Musajik Agung Pleret dibangun satalah Susuhunan Amangkurat I pindah ka Pleret salamo 2 tahun yoitu sakitar bulan Muharram tahun 1571 Jawa atau 1649 Masehi. Manuruik catatan Lons katiko bakunjuang tahun 1733 Masehi, Musajik Agung Pleret mamiliki ukuran nan gadang, babantuak segi ampek namun alah maalami karusakan. Lons sempat mancaliak musajik tersebut mampunyoi tigo pintu di sabalah timur jo mampunyoi serambi muko nan gadang, musajik tersebut dikaliliangi tembok taba jo tinggi.[7]
Akhia maso Keraton Pleret sabagai pusek pamarintahan Mataram Islam ditondoi jo serbuan pasukan Trunajaya nan makibatkan Amangkurat I meninggaan kota itu pado tangga 28 Juni 1677 M. Satalah manguasoi Pleret, Trunajaya mamarintahan untuak maancuakan keraton tersebut namun Musajik Agung Pleret indak sarato dihancuakan. Disebuikan pulo bahwa Pangeran Puger, salah saurang putra Amangkurat I baliak ka Pleret jo berhasil marabuik karajaan dari tangan Trunajaya. Inyo tingga di Pleret hinggo tahun 1644 J (1722 Masehi) kamudian pindah ka Kartasura. Alasan pamindahan iko adolah karano Keraton Pleret alah ditaklukkan. Dalam filosofi Jao, katiko sabuah keraton ditaklukkan mako indak layak lai untuak dijadian tamepk tingga. Samanjak itu, Keraton Pleret indak bafungsi lai.[8]
Rujuakan suntiang
- ↑ Himpunan Peraturan Pamarintah Daerah Istimewa Yogyakarta tentang Warisan Budaya jo Cagar Budaya dari Tahun 2012 – 2014.
- ↑ Tim Panalitian, 2009. Laporan Ekskavasi Panyalamatan jo Pendokumentasian Benda Cagar Budaya di Situs Musajik Kauman Pleret Bantul Tahun 2003. Yogyakarta: Dinas Kebudayaan Provinsi Daerah Istimewa Yogyakarta
- ↑ "Museum Sejarah Purbakala Pleret". www.gudeg.net (dalam bahasa Indonesia). Diakses tanggal 2020-11-25.
- ↑ "archive copy". Diarsipkan dari versi asli tanggal 2017-12-05. Diakses tanggal 2020-11-25.
- ↑ Suryanagara, K.P.A. Tanpa tahun. Serat Babad Momana. Naskah ketikan koleksi Badan Panabik Soemodidjojo Maha Dewa. Indak tabik.
- ↑ Calvin), Ricklefs, M. C. (Merle (2008). A history of modern Indonesia since c.1200 (edisi ke-4th ed). Basingstoke: Palgrave Macmillan. ISBN 9780230546868. OCLC 214306164. https://www.worldcat.org/oclc/214306164.
- ↑ Media, Kompas Cyber. "Keraton yang Hilang - Kompas.com". KOMPAS.com (dalam bahasa Inggris). Diakses tanggal 2020-11-25.
- ↑ Raka., Revolta, (2008). Konflik berdarah di tanah Jawa : kisah para pemberontak Jawa. Yogyakarta: Bio Pustaka. ISBN 9786028097123. OCLC 298706746. https://www.worldcat.org/oclc/298706746.