Musajik Istighfar
Musajik Istighfar iolah musajik tuo di Indonesia nan talatak di Kota Padang, Sumatra Barat. Musajik iko dibangun pado taun 1905 ateh usulan Syekh Khatib Muhammad Ali, ulama nan turuik bajariah dalam pandirian Persatuan Tarbiyah Islamiyah di Canduang, Kabupaten Agam. Lokasi musajik iko barado di tangah kampuang warga di Jalan Parak Gadang, Kelurahan Ganting, Kecamatan Padang Timur.[1][2]
| Masjid Istighfar | |
Masjid Istighfar | |
| Latak | Jalan Parak Gadang, Kelurahan Ganting, Kecamatan Padang Timur, Kota Padang, Sumatra Barat, Indonesia |
| Afiliasi agamo | Islam |
| Deskripsi arsitektur | |
|---|---|
| Jinih arsitektur | Masjid |
| Pambukoan tanah | 1905 |
| Spesifikasi | |
| Gobah | 1 |
Sarupo musajik tuo pado umumnyo di Kota Padang, kontruksi Musajik Istigfhar cukuik kuek. Kutiko musajik-musajik lain rusak barek akibaik gampo nan acok tajadi di Padang, musajik iko cukuik aman, walaupun ado saketek karusakan di babarapo bagian. Musajik iko dibuek manggunoan batu-bata, kasiak, semen, dan kayu-kayu kareh nan didatangan dari lua Padang. Mambangun musajik ko malibaiakan masyarakaik satampek sacaro bagotong-royong. Bantuak bangunan nan masih asli tatok dipatahanan inggo kini, walaupun pado babarapo bagian ado nan rusak jo mangalami paelokan.
Sajarah
suntiangBaliak dari manuntuik agamo dari Mekkah pado taun 1905. Syekh Khatib Muhammad Ali mandirian musajik nan cukuik gadang di tepi Batang Arau. Musajik iko dibangun saadonyo manggunoan bahan-bahan kayu, material pasir, jo atok rumbio. Musajik iko sarupo musajik nan lain pado zaman sabalun merdeka, masih babantuak surau. Satalah itu, ateh bantuan tanah dari masyarakaik Parak Gadang, musajik iko manjadi jauah labiah gadang, dibangun di tampek nan samo.[1]
Di musajik nan baru, Katik Muhammad Ali majaan ilimu agamo kapado murik-muriknyo, nan kalak taseba di banyak wilayah di Nusantara. Untuak manunjang kagiatan pandidikan saputa agamo nan dilakukannyo, pado taun 1923 inyo mandirian Madrasah Irsyadiyah. Pado taun 1928, Katik Muhammad Ali basamo kariknyo, Sulaiman Ar-Rasuli, Muhammad Jamil Jaho, jo Abdul Wahid Tabek Gadang managakan Persatuan Tarbiyah Islamiyah (Perti) di Candung, Agam. Organisasi ikolah nan kalak ikuik baparan maantaan Indonesia manuju
Rujuakan
suntiang- Catatan kaki
- Daftar pustaka
- "Basis Penyebaran Islam Syekh Khatib Muhammad Ali". Padang Ekspres. 2011-08-20. Diakses tanggal 2013-03-01.
- "Kurban di Masjid Istighfar Gantiang Parak Gadang, Warga dan Perantau Kompak". Pos Metro Padang. 2012-10-29. Diakses tanggal 2013-03-01.