Musajik Baiturrahman Sungayang
Musajik Baiturrahman Sungayang adolah ciek-cieknyo musajik tatuo di Indonesia nan talatak di Nagari Sungayang, sabauh kenagarian nan bajarak sakitar tujuah km dari Batusangka, Kabupaten Tanah Datar, Sumatra Barat.
| Masjid Baiturrahman Sungayang | |
| Berkas:Masjid Baiturrahman Sungayang.JPG
Masjid Baiturrahman Sungayang | |
| Latak | Nagari Sungayang, Kabupaten Tanah Datar, Sumatra Barat, Indonesia |
| Afiliasi agamo | Islam |
| Deskripsi arsitektur | |
|---|---|
| Jinih arsitektur | Masjid |
| Tahun salasai | 27 Desember 1916 |
| Renovasi | 11 Agustus 2007 |
| Biayo pambangunan | Rp4,059 miliar[1] |
| Spesifikasi | |
| Minaro | 4 |
Musajik iko dibangun ateh mufakaek masyarakaek satampek pado taun 1910-an mangingek musajik sabalunnyo di Nagari Sungayang alah hancua. Alah salasai dibangun pado akhi taun 1916, musajik iko sampek mangalami baulang kali parubahan saroman, pado taun 1926 akibaek gampo bumi Padang Panjang, dan pado taun 1988.[2] Namun, musajik iko mangalami kerusakan berek akibaik gampo pada tahun 2007 sahinggo bangunannyo diancuan sadonyo karano dinilai indak layak lai dipakai. Pembangunan baliak musajik iko dikarajoan tak lamo ssatalah itu, dan pangarajooannyo salasai pado taun 2011.
Saik iko, salain digunoan untuak aktivitas ibadah umat Islam, musajik iko jugo digunoan sabagai sarano pandidikan agamo bagi masyarakaek sakitar. Musajik iko disebuik-sabuik sabagai salah ciek musajik tamewah di Sumatra Barat.[3]
Sajarah
suntiangKabaradoan musajik iko indak talapeh dari sajarah badirinyo Nagari Sungayang pado taun 1892, nan sabalunnyoa pado maso kolonial Belanda wilayahnyo digabuang jo Nagari Tanjung.[4] Satalah tabantuak, Datuk Paduko Rajo diangkek sabagai kapalo nagari dek Belando, dan pado taun 1910, inyo dituka dek Datuk Gadang Majo Lelo. Dalam suatu musyawarah nan diadokan dek Datuk Gadang Majo Lelo, masyarakaek Nagari Sungayang sapakaekt untuak mambangun sabuah musajik, balai adat, pasa, dan kantu nagari. Pado 27 Desember 1916, pambangunan musajik salasai dikerajoan dan diresmikan jo namo Musajik Baiturrahman.[5]
Pado taun 1926, musajik iko ikuik runtuah akibaak gampo bumi nan mancuan Padang Panjang dan sekitarnyo.[6] Atapnyo nan limo tingkek hancua duo tingkek. Satalah dikarajoan perubahan jo indak maubah bantuak aslinyo, aktivitas-aktivitas di musajikd iko nan sabalumnyo sempak tahanti akibaik gampo mulai dihiduikan baliak, tarutamo sajak baliknyo Mahmud Yunus dari Mesir. Salain kagiatan keagamaan, kegiatan-kegiatan kemasyarakatan acok pulo diadokan di lingkungan musajid ini. Pado zaman pendudukan Jepang, dibantuak palatiahan ketentaraaan nan diagiah namo Barisan Pemuda Masjik Baiturrahman, dan pado awal maso revolusi kemerdekaan, dibantuak pulo pasukan Sabilillah, nan kamudian bagabung jo Tentara Keamanan Rakyat (TKR).[7]
Pambangunan baliak
suntiangPado taun 2007, musajik iko baliak mangalami rusak berek akibaikt gampo bumi na mangguncang sajumlah daerah di Sumatra Barat. Namun, mangingat kondisi bangunan nan dinilai indak layak lai dipakai, bangunan musajik iko diputuihkan untuak dibongka. Salanjutnyo, barkaik bantuan masyarakaik satempakt dan para parantau sarato sajumlah bantuan lain, Musajik Baiturrahman Sungayang dapak badiri baliak pado taun 2011.[1] Pambangunan baliak musajik iko dilaksanakan salamo 46 bulan, sajak 11 Agustus 2007 hinggo 30 Juli 2011, dan diresmikan dek Gubernur Sumatra Barat wakatu itu, Irwan Prayitno pado 3 September 2011.[8]
Rujukan
suntiangCatatan kaki
suntiang- ↑ a b Padang Ekspres 2011.
- ↑ Ajisman & Almaizon 2004, hlm. 53.
- ↑ Marawa News 2011.
- ↑ Ajisman & Almaizon 2004, hlm. 50.
- ↑ Ajisman & Almaizon 2004, hlm. 51.
- ↑ Tempo.co 2010.
- ↑ Ajisman & Almaizon 2004, hlm. 52.
- ↑ SumbarOnline 2011.
Daftar pustaka
suntiang- Ajisman; Almaizon (2004). Iim Imadudin. ed. Bangunan Bersejarah di Kabupaten Tanah Datar. Balai Kajian Sejarah dan Nilai Tradisional Padang. ISBN 979-938-849-X.
- "Tanah Datar Punya Masjid Megah". Padang Ekspres. 2011-09-05. Diakses tanggal 2012-01-09.
- "Masjid Sungayang Termegah di Sumbar". Marawa News. 2011. Diakses tanggal 2012-01-09.
- "Gubernur Resmikan Masjid Baiturrahman Sungayang". Sumbar Online. 2011-09-03. Diarsipkan dari versi asli tanggal 2014-11-03. Diakses tanggal 2012-01-09.
- "Gempa Bumi di Sumatra Barat Sejak Perang Padri". Tempo.co. 2010-10-12. Diakses tanggal 2012-01-09.[pranala nonaktif permanen]
