Muhammad Saleh
Muhammad Saleh Datuk Orang Kaya Besar adolah saudagar Minangkabau tanamo pado maso paralihan abad ka-19 jo 20. Muhammad Saleh lahia di Pasia Baru, Pariaman, Sumatera Barat pado tahun 1841 dan maningga pado tahun 1922.[1][2]
| Biografi | |
|---|---|
| Lahia | 1841 Pariaman, Hindia Balando |
| Kamatian | 1922 Pariaman, Hindia Balando |
| Kalompok etnis | Urang Minangkabau  |
| Agamo | Islam |
| Kagiatan | |
| Karajo | Saudagar |
| Kaluarga | |
Kerabat (id)  | Hasanah (id) (cucu perempuan (id) ) |
Asal usul
suntiangBaliau nan akrab disapa Mek Saleh, lahia pado 13 Rabiul Awal 1257 Hijriyah (sakitar taun 1841) di Pasir Baru, nan kini manjadi Nagari Pilubang, Kabupaten Padang Pariaman. Inyo anak Peto Radjo dari bininyo kaduo, Taroes. Apaknyo adolah katurunan ulaebalang di Rigaih, nan kini masuak Kabupaten Aceh Barat.[3] Indak jaleh bilo muyangnyo manatap di Pariaman, tapi Peto Radjo alah manjadi padagang kapalo di Pariaman sajak abad ka-18. Taroes pulo asanyo dari Guguak Tinggi, Kabupaten Agam dari suku Payobada.[1]
Sajak ketek Saleh iduik malarek sabab apaknyo jatuah miskin, sadang mandehnyo maningga. Salain Taroes, Peto Radjo punyo tigo bini lain sainggo batambah susah inyo hiduik dan mangiduikan kaluargonyo. Saleh gadang dek duo kakak kandaknyo, Jidun jo Nangsibah. Kutiko mudo, inyo mulai bakarajo untuak manjalani iduik, sarupo bantuak punyo toko untuak manjua barang-barang di pasar sampai manjalo ikan. Tapi, karajo kasa-kasa tu indak lamo ditakuninyo, sabab apaknyo mamintak inyo untuak badagang.[4]
Badagang
suntiang
Awanyo, Saleh mambaok ikan garing. Sambia badagang, inyo palajari pulo ilmu matematika, mambaco, jo manajemen keuangan untuak mambantu karajonyo. Kasadonyo tu indak dipalajarinyo dari sikolah, malainkan langsuang baguru ka urang-urang nan lah pandai di sakitarnyo. Di umua 14 taun, Saleh alah pandai baco tulih, bahituang, ilmu agamo, sarato manyimpan pitih hinggo 500 gulden. Sasudah itu, Saleh baranti manggaleh dan mulai balaya ke Sibolga mambantu saudagar lain.[3] Dari situ, inyo manjadi nakhoda kapal, balaya dari Pariaman ka utara sarupo Air Bangis, Pulau Telo, Natal, Sibolga, jo Singkel, mambaok komoditas hasil bumi ka bandar palabuhan di pantai barat Sumatra.Tigo baleh taun mangambang di lauik, inyo baliak bakarajo di Pariaman.[1]
Saleh mamulai niagonyo dari manjual bumbu dan bahan makanan sarupo gula merah, gambir, cabe, bawang, kentang, ubi jawi, jo kubis. Sasudah tu, inyo manyadiaan garam ka darek. Samantaro bisnisnyo batambah, inyo mancaliak pulo bisnis angkutan barang jo kapal. Niago Saleh samakin maju pado akhia abad ka-19 akhirnyo inyo mambuek perusahaan babadan hukum. Manuruik akta notaris nan ditandarai pado 13 Oktober 1901 di Padang, NV Handelsmaatschappij Pariaman (MDP) pun tagak. Dalam tigo taun, jumlah dagangannyo maningkat sahinggo inyo mampu mambuek komplek toko nan badindiang bata tingkek duo di pusat kota Pariaman.[1]
Pado taun 1890, Saleh manjadi urang kayo nan dihormati di Pariaman. Inyo bakarajo pulo sabagai kontraktor garam untuak urang Balando. Samo jo kawan-kawan, Saleh rajin badagang garam salamo 23 tahun. Sipatnyo nan ramah manjadikan inyo marapek jo para patinggi Balando. Kasadonyo itu mambuek kasiah gadang niagonyo. Kasuik karajaan Saleh gadang dek karano sikap jo pikirannyo. Salain itu, inyo mampunyoi hubungan nan elok jo anak-anak sarato kawan-kawannyo nan lain. Urang nan saliah, punyo banyak sipaik saurang saudagar. Inyo adolah urang nan pandai, rajin, baleh, jujur, inovatif, jo banyak ilmu.[1]
Salah satu sifat carito jo kahandaknyo dalam karajo bisnis adolah katiko inyo harus balari jo kontraktor garam Tionghoa, Cia Biauw. Untuak mamatikan padagang Minangkabau nan juo bakarajo garam, maka Cia Biauw manyuruh banyak padati jo harga sewa di ateh rata-rata, supayo biaya sewa pedati indak takao dek padagang Minang. Saleh nan indak paralu banyak padati, mandapek sewa murah dek jasa padati nan indak tapakai Cia Biauw. Jo caro iko urang darek manurunkan harga jualannyo kapado padagang darek di Padangpanjang, nan mambari inyo peluang basaing.[1] Saleh mangalahan juo pasaingnyo Rajo Bungsu dalam mambuek dan manggaleh minyak karambia nan biasonyo dibuek urang Nieh. Namun, urang-urang tu bakarajo samo mambuek minyak nan berkualitas tinggi. Salain itu, inyo mangangkuik pulo kopra ka toko punyo Belanda di Padang, anemer (pamborong) gadang-gadang untuak Balando, sarato manyadiaan rumbia dan bambu katiko Parang Aceh.[3]
Saleh adolah salah surang dari babarapo pangusaha Indonesia pado abad ka-19 nan dapek manulih otobiografi. Dari tulisannyo Riwayat Hidup dan Perasaian Saya, inyo manulih asam garam iduiknyo dari sajak pertengahan 1880-an sampai 50 taun kemudian. Tulisannyo pulo mangagiah pamandangan baniago urang di pantai barat Sumatra pado maso itu.[1] tulisannyo ditarabikkan dek cucunyo, Soetan Mahmoed Latif pada taun 1933. Peninggalan Rumah Gadang Mek Saleh masih badiri tagak di pusat Kota Pariaman hinggo kini.[5]
Istri jo anak Muhammad Saleh
suntiangDari pasandiangannyo 14 kali, inyo dikaruniai 29 anak, 8 diantaronyo maningga sabalun akil balig. Turunan Saleh manaruko ka seluruh Nusantara, ado nan mandapek reputasi sabagai urang terkemuka Indonesia. Banudah adolah yang paliang banyak baranak darinyo, salapan urang: Muhammad Thaib, Alimah, Asiyah, Abdurrahman, Mohammad Umar, Mohammad Zainuddin, Chamsiah, Radijah, Fatimah, Mohammad Zayn, jo Mohammad Hasan.
Banyak cucu Saleh nan manjadi urang tanamo di Indonesia. Gaus Mahyudin, anak dari Mahyudin Buyung Ketek, manjadi salah saurang mahasiswa Indonesia patamo nan bakuliah di Jepang, baitu pulo jo Mochtar Mahyudin, pernah manjadi Kuasa Usaha Kedutaan Besar RI di Jeddah. Djismun Kasri, cucu dari Nurmali Latif, manjadi Duta Besar RI untuak Kenya pado taun 2003-2008. Sjahbuddin Latif, adolah politikus nan manjadi Menteri Penerangan (1947–1948), baranak Muhammad Zuhal, nan manjadi Menteri Negara Riset dan Teknologi (1998–1999).
Rujuakan
suntiang- ↑ a b c d e f g Zed, Mestika (2017). Saudagar Pariaman menerjang ombak membangun maskapai: riwayat Muhammad Saleh Datuk Rangkayo Basa (1841-1921) perintis perusahaan modern pribumi Nusantara. LP3ES. ISBN 978-602-7984-27-1. https://books.google.co.id/books?id=KODrAQAACAAJ&dq=saudagar+pariaman+menerjang+ombak&hl=id&newbks=1&newbks_redir=0&sa=X&redir_esc=y.
- ↑ (dalam bahaso id) Indonesia Dalam Kajia Sarjana Jepang. Yayasan Obor Indonesia. https://books.google.co.id/books?id=ohSM8qTYws8C&pg=PA77&dq=Kato,+Tsuyoshi;+Indonesia+Dalam+Kajian+Sarjana+Jepang,+Bab+III:+Rantau+Pariaman,+Dunia+Saudagar+Pesisir+Minangkabau+Abad+XIX.&hl=id&newbks=1&newbks_redir=0&sa=X&ved=2ahUKEwjtuOK00fj4AhUyxHMBHWqBB-IQ6AF6BAgJEAI#v=onepage&q=Kato,%20Tsuyoshi;%20Indonesia%20Dalam%20Kajian%20Sarjana%20Jepang,%20Bab%20III:%20Rantau%20Pariaman,%20Dunia%20Saudagar%20Pesisir%20Minangkabau%20Abad%20XIX.&f=false.
- ↑ a b c "Datuk Rangkayo Basa: Saudagar Pariaman yang Menulis Autobiografi" https://suluah.com/muhammad-saleh-pariaman-dari-nahkoda-ke-saudagar/, diakses pado tanggal 1 Januari 2024
- ↑ Kato, Tsuyoshi (1980-08). "Rantau Pariaman: The World of Minangkabau Coastal Merchants in the Nineteenth Century". The Journal of Asian Studies (dalam bahasa Inggris). 39 (4): 729–752. doi:10.2307/2055180. ISSN 0021-9118.
- ↑ Efrianto A., "Jejak Peradaban Masa Lalu di Kota Pariaman", Jurnal Penelitian Sejarah dan Budaya, Vol. 2 No. 1, 2016.